ລິ້ງ ສຳຫລັບເຂົ້າຫາ

ປະທານາທິບໍດີ ຢູເຄຣນ ເປີດເຜີຍ ແຜນການ ສັນຕິພາບ (ສະໄລດ໌/ວີດີໂອ)


ປະທານາທິບໍດີຢູເຄຣນ ທ່ານ Petro Poroshenko ມີກຳນົດທີ່
ຈະເປີດເຜີຍແຜນການສັນຕິພາບ 14 ຂໍ້ ໃນວັນສຸກມື້ນີ້ທີ່ແນໃສ່
ເພື່ອຍຸດຕິການກໍ່ກະບົດ ຂອງພວກແບ່ງແຍກດິນແດນນິຍົມຣັດ
ເຊຍ ຢູ່ໃນພາກຕາເວັນອອກຂອງປະເທດ.

ແຜນການດັ່ງກ່າວນີ້ ແມ່ນຮຽກຮ້ອງໃຫ້ມີການຢຸດຍິງຕາມລຳພັງ
ແຕ່ພຽງຝ່າຍດຽວ ຊຶ່ງຈະໃຫ້ໂອກາດ ແກ່ພວກກະບົດ ປົດອາວຸດ ຫລືໜີອອກຈາກປະເທດໄປ.

ລັດຖະບານຢູເຄຣນໄດ້ເປີດເຜີຍຂໍ້ກຳນົດຈຳນວນນຶ່ງຢູ່ແຜນການ
ໃນວັນສຸກມື້ນີ້ກ່ອນໜ້າການປະກາດຢ່າງເປັນທາງການ. ມາດຕະ
ການດັ່ງກ່າວຍັງໄດ້ຮຽກຮ້ອງ ໃຫ້ມີການສ້າງຕັ້ງເຂດກັນຊົນຂຶ້ນ 10 ຫລັກກິໂລແມັດ ຢູ່ຕາມບໍ ລິເວນຊາຍແດນ ຢູເຄຣນທີ່ຕິດກັບຣັດເຊຍ.

ໃນການເຄື່ອນໄຫວອີກດ້ານນຶ່ງນັ້ນ ໂຄສົກຂອງວັງເຄຣັມລິນ ທ່ານ Dmitry Peskov ກ່າວວ່າ ການສົ່ງກຳລັງທະຫານຣັດເຊຍ ໄປປະຈຳຢູ່ຕາມ ຊາຍແດນຢູເຄຣນນັ້ນ ແມ່ນໄດ້ມີການວາງ ແຜນໄວ້ລ່ວງໜ້າແລ້ວ ແລະແນໃສ່ເພື່ອໃຫ້ການຄຸ້ມຄອງ ຊາຍແດນຣັດເຊຍເຂັ້ມແຂງຂຶ້ນກວ່າ ເກົ່າ.

ທ່ານ Peskov ໃຫ້ຄວາມເຫັນດັ່ງກ່າວໃນວັນສຸກມື້ນີ້ ນຶ່ງມື້ຫລັງຈາກອົງການເນໂຕ້ ກ່າວວ່າ ຣັດເຊຍໄດ້ເລີ້ມເສີມກຳລັງທະຫານຂອງຕົນຢູ່ໃນເຂດຊາຍແດນຄັ້ງໃໝ່.

ເລຂາທິການໃຫຍ່ ຂອງອົງການເນໂຕ້ ທ່ານ Anders Fogh Rasmussen ກ່າວວ່າ ໄດ້ມີ ການສົ່ງທະຫານຣັດເຊຍຢ່າງໜ້ອຍສອງສາມພັນຄົນຕື່ມອີກ ໄປຍັງເຂດດັ່ງກ່າວ. ທ່ານເອີ້ນ ການເຄື່ອນໄຫວນີ້ວ່າ ເປັນບາດກ້າວຖອຍຫລັງທີ່ ໜ້າເສຍໃຈ.

ໃນຂະນະດຽວກັນ ລັດຖະບານຢູເຄຣນກ່າວວ່າ ການຕາມລ່າໂຕຄັ້ງໃໝ່ໄດ້ມີຂຶ້ນ ຢູ່ໃນເຂດ ພາກຕາເວັນອອກ ຂອງປະເທດ ໃນວັນສຸກມື້ນີ້ ຫລັງຈາກທະຫານລັດຖະບານ 7 ຄົນ ໄດ້ຖືກ ຂ້າຕາຍໃນການສູ້ລົບກັນ ໃນຕອນແລງຂອງວັນພະຫັດ ວານນີ້.

ນອກນັ້ນແລ້ວ ເຈົ້າໜ້າທີ່ຮັກສາຄວາມສະຫງົບຂອງຢູເຄຣນຍັງກ່າວວ່າ ພວກກະບົດ 300 ຄົນໄດ້ຖືກສັງຫານ ໃນການປະທະກັນຢູ່ໃນເຂດ Donetsk ນັບແຕ່ວັນພະຫັດເປັນຕົ້ນມາ ແຕ່ໂຕເລກດັ່ງກ່າວ ຍັງບໍ່ທັນໄດ້ຮັບການຢືນຢັນຈາກແຫລ່ງຂ່າວ ທີ່ເປັນອິດສະຫຼະເທື່ອ.
Error rendering storify.
XS
SM
MD
LG