ລິ້ງ ສຳຫລັບເຂົ້າຫາ

ປະທາ​ນາ​ທິບໍ​ດີ​ ຄົນໃໝ່ ຂອງ​ຢູ​ເຄ​ຣນ ປະ​ເຊີນ​ໜ້າ​ ກັບການ​ທ້າ​ທາຍ​ ອັນທຳ​ອິດ​ (ສະ​ໄລ​ດ໌/ວີດີໂອ)


ທ່ານ Petro Poroshenko ປະທານາທິບໍດີ ທີ່ຖືກເລືອກຄົນໃໝ່
ປະທາ​ນາ​ທິບໍ​ດີ​ຢູ​ເຄຣນຄົນໃໝ່ທ່ານ Petro Poroshenko
ປະ​ເຊີນ​ໜ້າ​ກັບ​ການ​ທ້າ​ທາຍ​ທຳ​ອິດ​ ໃນ​ອາທິດ​ນີ້ ​ຊຶ່ງ​ທ່ານ​ຈະ​
ທຳ​ການ​ເຈລະຈາ​ກ່ຽວ​ກັບ ​ການ​ຊື້​ຂາຍແກ໊​ດສ໌ທຳ​ມະ​ຊາດ​ກັບ
ຣັດ​ເຊຍ ທີ່ຈະ​ຂົ່ມຂູ່​ການ​ລຳລຽງ​ແກ໊​ດສ໌ໄປ​ຍັງ​ບັນດາ​ປະ​ເທດ
​ໃນຢູ​ໂຣບອີກ​ດ້ວຍ.

ພວກ​ເຈົ້າໜ້າ​ທີ່​ພະລັງງານ​ຂອງ​ຢູ​ເຄຣນ ຣັດ​ເຊຍ ​ແລະ​ສະຫະ
​ພາບຢູ​ໂຣບ ມີ​ກຳນົດ​ຈະ​ພົບ​ພໍ້​ກັນໃນ​ວັນ​ຈັນ​ມື້​ນີ້​ທີ່​ນະຄອນ
Brussels ​ເຖິງ​ແມ່ນ​ວ່າ ​ຈະ​ມີ​ການ​ປະ​ທະ​ກັນ​ດ້ວຍ​ອາວຸດ​ ຈາກ
​ກຳລັງ​ຮັກສາ​ຄວາມ​ປອດໄພ ຂອງ​ນະຄອນ ​Kyiv ກັບ​ພວກ​ຫົວ​
ນິຍົມຣັດ​ເຊຍ ​ໃນ​ພາກ​ຕາ​ເວັນ​ອອກ​ຂອງ​ຢູ​ເຄຣນກໍ່ຕາມ.

ຢູ​ເຄຣນກັບຣັດ​ເຊຍໄດ້​ມີ​ການ​ຜິດ​ຖຽງ​ກັນ​ມາ​ ກ່ຽວ​ກັບ​ວ່າ ຢູ​ເຄຣນຕ້ອງ​ໄດ້​ຈາ​ຍ​ເທົ່າ​ໃດ​ ສຳລັບ​ແກ໊​ດສ໌ທຳ​ມະ​ຊາດ. ຫຼັງຈາກ ທ່ານ Viktor Yanukovych ຕົກຈາອຳນາດ​ ​ແລະ​ ທ່ານ Poroshenko ​ໄດ້​ຮັບ​ໄຊຊະນະ​ໃນ​ການ​ເລືອກ​ຕັ້ງ​ແລ້ວ Moscow ກໍ​ໄດ້​ຊອກ​ຫາ​ສ່ອງ​ທາງ​ທີ່​ຈະ​ຂຶ້ນລາຄາ ຄ່າແກ໊ດສ໌ ​ເປັນ 2 ​ເທົ້າ.

ນອກ​ນັ້ນ ຢູ​ເຄຣນ ຍັງໄດ້​ຮັບ​ໜ້າ​ທີ່​ລຳລຽງ​ແກ໊ດສ ຂອງ​ຢູ​ໂຣບ​ໃນ​ປະລິມານ 15 ​ເປີ​ເຊັນ​ອີກດ້ວຍ. ຣັດ​ເຊຍໄດ້​ຂົ່ມຂູ່​ຈະ​ຕັດ​ການ​ລຳລຽງ​ແກ໊ດສ ໄປ​ຍັງ​ຢູ​ເຄຣນ​ໃນ​ວັນ​ອັງ​ຄານ​ມື້​ອື່ນ​ນີ້ ຖ້າວ່າ​ນະຄອນ Kyiv ຫາກ​ບໍ່​ຈ່າຍ​ເງິນ​ໃຫ້​ຕົນ ຫຼາຍກວ່າ 5 ພັນ​ລ້ານ​ດອນ​ລາ ທີ່​ຍັງ​ຕິດ​ໜີ້​ໃຫ້​ແກ່​ບໍລິສັດ​ລັດ​ວິ​ສາ​ຫະກິດ Gazprom ຂອງຣັດ​ເຊຍ ສຳລັບ​ການ​ສົ່ງ​ແກ໊ດສ໌​ໃນ​ຄັ້ງກ່ອນນັ້ນ.
XS
SM
MD
LG