ລິ້ງ ສຳຫລັບເຂົ້າຫາ

ຢູເຄຣນ ແລະຣັດເຊຍ ເຈລະຈາກັນ ເປັນມື້ທີສອງ ກ່ຽວກັບເລື້ອງ ແກສທຳມະຊາດ (ວີດີໂອ)


ທ່ານ Yuri Prodan ລັດຖະມົນຕີພະລັງງານຢູເຄຣນ ກ່າວຕໍ່ ບັນດານັກຂ່າວ ເວລາທ່ານເດີນທາງໄປພົບປະກັບຜູ້ຕາງໜ້າ ຂອງຣັດເຊຍ ແລະຫົວໜ້າພະລັງງານຂອງສະຫະພາບຢູໂຣບ ທ່ານ Guenther Oettinger ທີ່ນະຄອນ Kyiv, ວັນທີ 14 ມິຖຸນາ 2014.
ຢູ​ເຄຣນ​ແລະຣັດ​ເຊຍ​ກຳລັງ​ພົບ​ປະກັນ​ເປັນ​ມື້​ທີ​ສອງ​ໃນ​ວັນ
​ອາທິດ​ມື້​ນີ້ ທີ່​ນະຄອນຫລວງ Kiev ​ໃນ​ຄວາມ​ພະຍາຍາມ
​ເພື່ອ​ເຈລະຈາ​ກັນ ຫາ​ທາງ​ຍຸດຕິ​ບັນຫາ​ຂັດ​ແຍ້​ງທີ່ຂົມ​ຂື່ນ
ລະຫວ່າງກັນ ​ເລື້ອງ​ແກ​ສທຳ​ມະ​ຊາດນັ້ນ.

ສອງ​ຝ່າຍ​ໄດ້​ພົບ​ປະກັນ​ໃນ​ນະຄອນ Kiev ​ໃນ​ວັນ​ເສົາ​ວານ​ນີ້
​ໂດຍ​ບໍ່​ໄດ້​ບັນລຸ​ຂໍ້​ຕົກລົງ​ກັນ​ໃດໆ. ຖ້າ​ບໍ່​ມີ​ການ​ບັນລຸ​ຂໍ້​ຕົກລົງ​
ກັນ ຢູ​ເຄຣນຈະ​ສ່ຽງ​ຕໍ່​ການ​ຖືກ​ຕັດ​ການ​ສົ່ງ​ແກ​ສທຳ​ມະ​ຊາດ​ທີ່
​ຕົນຕ້ອງການ​ຈາກຣັດ​ເຊຍ ໃນ​ວັນ​ຈັນ​ມື້​ອື່ນ​ນີ້​ກໍ​ເປັນ​ໄດ້. ລັດຖະ
ມົນຕີ​ພະລັງງານ​ຂອງ​ຢູ​ເຄຣນ ກ່າວ​ວ່າ ທ່ານ​ກຳລັງ​ຊອກ​ຫາ
​ການ​ຜ່ອນຜັນ​ລົງ ​ຈາກຣັດ​ເຊຍ​ໃນ​ການ​ແກ້​ໄຂ ບັນຫາ​ຂັດ​ແຍ້​ງ
ກັນ​ນີ້ ຊຶ່ງ​ກ່າວ​ຕື່ມ​ວ່າ:

“ຝ່າຍ​ຢູ​ເຄຣນຍາມ​ໃດ​ກໍ​ຄາດ​ວ່າ​ ຈະ​ມີ​ການ​ເຈລະຈາ​ກັນ​ໃນ​ທາງ​ເສີມ​ສ້າງ.
ຄວາມ​ປະພຶດ​ຂອງ​ພວກ​ເຮົາ​ໃນ​ການ​ດຳ​ເນີນ​ຂັ້ນ​ຕອນ​ດັ່ງກ່າວ​ແມ່ນ​ອະນຸ​
ໂລມ​ຜ່ອນຜັນ​ໄດ້ ​ແຕ່​ຖ້າເວົ້າເຖິງຄວາມຄາດ​ຫວັງ​ຕ່າງໆແລ້ວ ພວກ​ເຮົາ
ຮູ້​ວ່າ ຝ່າຍຣັດ​ເຊຍກໍ​ສາມາດປ່ຽນ​ແປງທ່າ​ທີຂອງ​ຕົນ​ກ່ຽວ​ກັບ​ເລື້ອງ​ນີ້​ໄດ້.”


ລຸນ​ຫຼັງ​ການໂອ້​ລົມ​ສົນທະນາ​ກັນ ​ພາຍ​ໃຕ້​ການ​ໄກ່​ເກ່ຍຂອງ​ສະຫະພາບ​ຢູ​ໂຣບທີ່​
ປະ​ສົບຄວາມ​ລົ້ມ​ແຫຼວຢູ່​ນະຄອນ Brussels ​ຫວ່າງ​ໄວໆມາ​ນີ້ ຣັດ​ເຊຍ​ໄດ້​ເຕືອນ​
ຢູ​ເຄຣນ ຕໍ່​ການ​ບໍ່​ຍອມຮັບ​ເອົາ​ຂໍ້​ສະ​ເໜີຂອງ​ຝ່າຍມົສກູ ທີ່​ຈະ​ຕັດ​ຄ່າ​ແກ​ສລົງໃຫ້
​ປະມານ 20 ເປີ​ເຊັນນັ້ນ.

ຢູ​ເຄຣນກ່າວ​ວ່າ ຕົນ​ຢາກ​ໃຫ້ຣັດ​ເຊຍ​ລົດລົງ​ໃຫ້​ຕື່ມ ຫລາຍ​ກ່ວາ​ນັ້ນ​ອີກ.

ຢູ ​ເຄຣນຍັງ​ເປັນເສ້ນທາງສົ່ງຜ່ານ ສຳລັບປະມານ 15 ​ເປີ​ເຊັນຂອງ ແກ​ສທີ່​ໃຊ້​ຢູ່​ໃນ​ສະຫະພາບຢູ​ໂຣບ ເຊັ່ນ​ກັນ. ການ​ຢຸດ​ສົ່ງ​ແກ​ສຜ່ານ​ຢູ​ເຄຣນ ສາມາດ​ສົ່ງ​ຜົນ​ກະທົບ​
ຕໍ່​ສະບຽງແກ​ສ ຢູ່​ໃນຫຼາຍເຂດ​ຂອງ​ຢູ​ໂຣບ​ໄດ້.
XS
SM
MD
LG