ປະທານາທິບໍດີ Petro Poroshenko ແຫ່ງຢູເຄຣນ ຮຽກຮ້ອງ
ອ້ອນວອນໃຫ້ ຣັດເຊຍຖອນທະຫານຂອງຕົນ ອອກຈາກພາກ
ຕາເວັນອອກຂອງຢູເຄຣນ ທີ່ໄດ້ຮັບຄວາມເສຍຫາຍຈາກສົງ
ຄາມນັ້ນ.
ປະທານາທິບໍດີ Poroshenko ທຳຄວາມຮຽກຮ້ອງດັ່ງກ່າວ
ໃນວັນພະຫັດມື້ນີ້ ໃນການເລີ້ມຕົ້ນການຢ້ຽມຢາມເປັນເວລາ 3 ມື້
ທີ່ອອສເຕຣເລຍ ຊຶ່ງເປັນພັນທະມິດຕາເວັນຕົກທີ່ສຳຄັນປະເທດ
ນຶ່ງ. ໃນການ ຖະແຫຼງຕໍ່ບັນດານັກຂ່າວ ທ່ານ Poroshenko ກ່າວ
ວ່າ ຖ້າຣັດເຊຍອັດຊາຍແດນຂອງຕົນກັບຢູເຄຣນ ກໍແມ່ນຈະມີ
”ສັນຕິພາບ ແລະ ສະຖຽນລະພາບ” ພາຍໃນບໍ່ເທົ່າໃດສັບປະດາ.
ຢູເຄຣນໄດ້ກ່າວຫາຣັດເຊຍ ຊ້ຳແລ້ວຊ້ຳອີກ ວ່າສະໜອງອາວຸດ ແລະສົ່ງທະຫານເຂົ້າ
ໄປຊ່ອຍເຫຼືອພວກກະບົດ ທີ່ກຳລັງທຳການຕໍ່ສູ້ກັບລັດຖະບານ Kyiv ຢູ່ໃນເວລານີ້. ແຕ່
ຣັດເຊຍ ໄດ້ປະຕິເສດຢ່າງໜັກແໜ້ນມາຕໍ່ການກ່າວຫາດັ່ງກ່າວ ແລະກ່າວວ່າ ຖ້າມີທະ
ຫານຣັດເຊຍຄົນໃດຢູ່ໃນຂົງເຂດນັ້ນ ກໍແມ່ນເຂົາເຈົ້າໄປດ້ວຍຄວາມສະໝັກໃຈຂອງເຂົາເຈົ້າເອງ.
ໃນວັນພຸດວານນີ້ ຢູເຄຣນ ໄດ້ປະຕິເສດທີ່ຈະທຳການເຈລະຈາສັນຕິ ພາບກັນໃນສັບປະ
ດານີ້ ໂດຍກ່າວວ່າ ພວກກະບົດບໍ່ສົນໃຈໃນການເຈລະຈາແກ້ໄຂບັນຫາກັນ. ການເຈລະ
ຈາກັນດັ່ງກ່າວໄດ້ມີໝາຍກຳນົດຈະມີຂຶ້ນໃນວັນສຸກມື້ອື່ນນີ້ ທີ່ Belarus ແຕ່ລັດຖະບານ Kyiv ກ່າວວ່າ ເລື້ອງນີ້ເປັນໄປບໍ່ໄດ້ ຫຼັງຈາກທີ່ພວກຫົວແບ່ງແຍກໄດ້ລະເມີດການຢຸດຍິງ.
ກອງທັບຢູເຄຣນ ລາຍງານໃນວັນພຸດວານນີ້ວ່າ ພວກຫົວແບ່ງແຍກ ໄດ້ເປີດສາກໂຈມຕີ 12 ຄັ້ງ ໃນເວລາພຽງ 24 ຊົ່ວໂມງ ຫຼັງຈາກທັງສອງຝ່າຍ ໄດ້ເລີ້ມປະຕິບັດການຢຸດຍິງໃນວັນອັງຄານ ທີ່ເອີ້ນກັນວ່າ“ວັນແຫ່ງຄວາມມິດງຽບ” ນັ້ນ. ກອງທັບຢູເຄຣນ ເວົ້າຕື່ມວ່າ ພວກກະບົດໄດ້ໃຊ້ປືນຍິງລະເບີດ ລູກສອນໄຟຕໍ່ຕ້ານລົດຖັງ ປືນຄົກ ອາວຸດຂະໜາດນ້ອຍ ແລະອາວຸດຕ້ານລົດຖັງ.