ປະທານາທິບໍດີຢູເຄຣນ ທ່ານ Petro Poroshenko ໄດ້ສັ່ງ
ໃຫ້ມີການຢຸດຍິງຄັ້ງໃໝ່ໃນອາທິດໜ້າ ອັນເປັນພາກສ່ວນນຶ່ງ
ຂອງການຊຸກຍູ້ໃຫ້ຍຸດຕິການສູ້ລົບກັນທີ່ມີມາເປັນເວລາຫຼາຍ
ເດືອນ ກັບພວກກະບົດ ທີ່ນິຍົມຣັດເຊຍ ຢູ່ໃກ້ກັບຊາຍແດນ
ຣັດເຊຍ.
ການປະກາດໃນວັນພະຫັດວານນີ້ ແຈ້ງວ່າ ທະຫານຢູເຄຣນ
ຈະພາກັນໄວ້ອາ ໄລຢູ່ໃນຄວາມສະຫງົບ ເປັນເວລານຶ່ງມື້ໃນ
ວັນອັງຄານ ເພື່ອເປັນການເລີ້ມຕົ້ນ ການຢຸດຍິງ. ສື່ມວນຊົນ
ຂອງຣັດເຊຍແລະປະເທດຕາເວັນຕົກ ໄດ້ອ້າງຄຳເວົ້າຂອງ
ບັນດາຜູ້ນຳພວກກະບົດທີ່ ກ່າວວ່າ ເຂົາເຈົ້າຈະໃຫ້ການສະໜັບສະໜຸນ ຕໍ່ຂໍ້ສະເໜີດັ່ງ
ກ່າວ.
ການປະກາດທີ່ບໍ່ຄາດຝັນດັ່ງກ່າວ ແມ່ນເປັນຄັ້ງທີສາມໃນຄວາມພະຍາຍາມເພື່ອຍຸດຕິ
ການສູ້ລົບໃນຂອບເຂດທີ່ກວ້າງຂວາງ ຊຶ່ງໄດ້ລະເບີດຂຶ້ນນັບຕັ້ງແຕ່ເດືອນເມສາຜ່ານມາ
ແລະແຕ່ນັ້ນມາ ກໍໄດ້ເອົາຊີວິດຜູ້ຄົນໄປແລ້ວ ຫຼາຍກວ່າ 4,300 ຄົນ. ການຕົກລົງຢຸດຍິງ
ຄັ້ງສຳຄັນທີ່ໄດ້ປະກາດເມື່ອວັນທີ 5 ເດືອນກັນຍາຜ່ານ ມາ ໄດ້ພັງທະລາຍລົງບໍ່ເທົ່າໃດ
ມື້ຫລັງຈາກນັ້ນ ໃນຂະນະທີ່ການຢຸດຍິງ ຊຶ່ງກຳນົດຈະເລີ້ມຂຶ້ນໃນອາທິດນີ້ ພັງລົງມາ
ພາຍໃຕ້ການຍິງປືນໃຫຍ່ໂຈມຕີຢູ່ໃນພາກຕາເວັນອອກຂອງປະເທດ ໃນບໍ່ເທົ່າໃດຊົ່ວ
ໂມງຫລັງຈາກມີການປະກາດ.
ອົງການຂ່າວຝຣັ່ງ ອ້າງແຫລ່ງຂ່າວທີ່ໃກ້ຊິດກັບທ່ານ Poroshenko ທີ່ກ່າວວ່າ ການຢຸດ
ຍິງຈະເລີ້ມໃນວັນທີ 9 ເດືອນທັນວານີ້ ພ້ອມດ້ວຍການຖອນປືນໃຫຍ່ອອກຈາກເຂດແນວ
ໜ້າ ຕາບໃດທີ່ພວກແບ່ງແຍກດິນແດນຍັງໃຫ້ການເຄົາລົບຕໍ່ຂໍ້ຕົກລົງຢຸດຍິງດັ່ງກ່າວ.