ລິ້ງ ສຳຫລັບເຂົ້າຫາ

ລົມພະຍຸ Haikui ພັດຖະຫລົ່ມ ພາກຕາເວັນອອກ ຂອງຈີນ (ສະໄລດ໌)


ລົມພະຍຸໃຕ້ຝຸ່ນ Haikui ກໍາລັງຜັດຖະຫລົ່ມພາກຕາເວັນອອກຂອງ ຈີນ.

ລົມ​ພາຍຸໄຕ້​ຝຸ່ນ Haikui ​ໄດ້​ພັດຖະຫລົ່ມ​ພາກ​ຕາ​ເວັນ​ອອກ​ຂອງຈີນ ຊຶ່ງເປັນລົ​ມພາຍຸ
​ຫົວທີ​ສາມ ທີ່ໄດ້ພັດ​ເຂົ້າ​ປະ​ທະ​ເຂດ​ດັ່ງກ່າວ ໃນ​ອາທິດ​ນີ້.

ລົມ​ພາ​ຍຸຫົວນີ້ໄດ້​ພັດ​ຂຶ້ນ​ຝັ່ງທີ່​ແຂວງ Zhejiang ​ໃນ​ຕອນ​ເຊົ້າ​ຂອງ​ວັນ​ພຸດມື້ນີ້ ຊຶ່ງ​ພາ
ໃຫ້​ເກີດ​ຝົນຕົກ​ໜັກ ​ແລະ​ລົມ​ແຮງ​ເຖິງ 150 ກິ​ໂລ​ແມດ​ຕໍ່​ຊົ່ວ​ໂມ​ງ.

​ໄດ້​ມີ​ການ​ຍົກຍ້າຍ​ປະຊາຊົນຫລາຍ​ກວ່າ 1 ລ້ານ 5 ​ແສນ​ຄົນ​ ອອກ​ໄປ​ຈາກ ​ເຂດ​ດັ່ງ
ກ່າວ ກ່ອນ​ລົມ​ພາຍຸ​ຈະ​ໄປເຖິງ ຊຶ່ງ​ຄາດ​ຄະ​ເນ​ວ່າ​ ຈະ​ພັດ​ຜ່ານ​ແຂວງ Zhejiang ​ເກືອບ
ຕະຫລອດທັງ​ວັນ ​ໃນ​ວັນ​ພຸດມື້ນີ້.

​ນະຄອນ Shanghai ຊຶ່ງ​ເປັນສູນ​ກາງ​ການ​ເງິນ​ຂອງ​ຈີນ ​ສາມາດຫລີກ​ລ້ຽງ​ຈາກ​ການ​
ພັດ​ຖະຫຼົ່ມ​ໂດຍ​ກົງ. ​ແຕ່​ວ່າ ນັກພະຍາກອນ​ອາກາດ Evan Duffey ທີ່​ສູນ​ກາງ​ພະ​ຍ​າ
ກອນ​ອາກາດສະຫະລັດ ກ່າວ​ຕໍ່ວີໂອ​ເອວ່າ ​ຍັງ​ຈະ​ມີ​ຝົນຕົກ​ໜັກ ທີ່ນະຄອນ Shanghai.

ລົມ​ພາຍຸຫົວ​ນີ້ ​ໄດ້​ເຮັດໃຫ້​ມີ​ການ​ຍົກ​ເລີກຖ້ຽວບິນທ້ອງ​ຖິ່ນ ​ແລະ​ຕ່າງປະ​ເທດຈຳນວນ​ນຶ່ງ
ຈາກ​ສະໜາມບິນນະຄອນ​ Shanghai ສອງແຫ່ງ​. ​ບັນດາ​ເຮືອ​ປະມານ 30.000 ລໍາ ​ໄດ້​
ມາ​ຈອດ​ຢູ່​ທ່າ​ເຮືອ ຕັ້ງ​ແຕ່​ວັນ​ອາທິດ​ແລ້ວ ​ໃນ​ການ​ຄາດ​ຄະ​ເນ​ກ່ຽວ​ກັບ​ການມາ​ເຖິງຂອງ
​ລົ​ມພາຍຸ Haikui. ກິດຈະການ​ຕ່າງໆຢູ່ນອກ​ບ້ານ​ໄດ້ ມີ​ການ​ປະກາດຫ້າມ. ບັນດາ​ສວນ
ສາ​ທະລະນະ ​ແລະ​ໂຮງຮຽນ​ລະດູ​ຮ້ອນ​ໄດ້​ຖືກ​ສັ່ງ​ໃຫ້​ປິດ ​ແລະ​ການ​ກໍ່​ສ້າງ​ຕ່າງໆ​ຢູ່​ທາງ​
ນອກ ​ກໍໄດ້ຢຸດສະ​ງັກລົງ.

ລົມ​ພາຍຸ​ສອງ​ຫົວ​ກ່ອນ​ນີ້ກໍ​ຄື ລົມ​ພາຍຸໄຕ້​ຝຸ່ນ Damrey ​ແລະລົມ​ພາຍຸ​ເສົາ​ຫຼາ ​ໄດ້ພັດ​
ຖະຫລົ່ມ​ເມືອງ Zhejiang ​ເຮັດ​ໃຫ້​ເກີດ​ນໍ້າ​ຖ້ວມ ​ແລະ​ດິນ​ເຈື່ອນ. ​ເຈົ້າ​ໜ້າ​ທີ່​ກ່າວ​ວ່າ 23
ຄົນ​ໄດ້​ເສຍ​ຊີວິດ ​ແລະ​ອີກ​ 9 ​ຄົນ​ຍັງ​ຫາຍ​ສາບ​ສູນ.

ລົມ​ພາຍຸໄຕ້​ຝຸ່ນ​ເຫຼົ່ານີ້ບໍ່​ພໍ​ພຽງ​ເປັນ​ຜົນ​ສະທ້ອນ​ຕໍ່ຈີນ ​ແຕ່ຍັງ​ມີ​ຜົນ​ກະທົບ​ຕໍ່​ບັນດາ​ປະ
​ເທດ​ເພື່ອນ​ບ້ານ​ອື່ນໆ​ ທີ່ຢູ່​ໃນ​ຂົງ​ເຂດທະ​ເລ​ຈີນ​ໃຕ້​ນັ້ນ. ​ໃນອາທິດນີ້ ກຸງ​ມາ​ນິລາ ເມືອງ
​ຫລວງຂອງຟິລິບ​ປີນ ​ໄດ້​ປະສົບ​ກັບ​ດິນ​ເຈື່ອນ ​ແລະ​ນໍ້າ​ຖ້ວມ​ຈາກ​ລົມພະຍ​ເສົາ​ຫຼາ​.

ຢ່າງ​ໜ້ອຍ 20 ຄົນ​ໄດ້​ເສຍ​ຊີວິດ​ທີ່​ກຸງມາ​ນິລາ ອັນ​ເປັນ​ຜົນ​ສະທ້ອນ​ຈາກ​ໄພ​ນໍ້າ​ຖ້ວມ​ມາ
​ເປັນ​ເວລາ​ກວ່າ​ນຶ່ງ​ອາທິດ ຂອງ​ລະດູ​ລົມ​ມໍ​ລະ​ສຸມ. ​ເຈົ້າ​ໜ້າ​ທີ່​ກ່າວ​ວ່າ ​ເຄິ່ງນຶ່ງ​ຂອງນະຄອນ
ຫຼວງຟີ​ລິບ​ປິນ​ໄດ້​ຖືກ​ນໍ້າ​ຖ້ວມ. ລາຍ​ງານແຈ້ງ​ວ່າ ນໍ້າ​ໄດ້​ບົກ​ລົງ​ແດ່​ແລ້ວ ​ແຕ່​ວ່າ​ສ່ວ​ນໃຫຍ່​
ຂອງ​ນະຄອນ​ດັ່ງກ່າວ ຍັງ​ຖືກ​ນໍ້າ​ຖ້ວມ​ຢູ່.

ເບິ່ງສະໄລດ໌ຮູບກ່ຽວກັບລົມ​ພາຍຸໄຕ້​ຝຸ່ນ Haikui ​ທີ່ທີ່ພັດຖະຫລົ່ມແຂວງ Zhejiang

XS
SM
MD
LG