ລິ້ງ ສຳຫລັບເຂົ້າຫາ

ເກົາຫຼີໃຕ້ ແລະ ເກົາຫຼີເໜືອ ຕົກລົງ ພົບພໍ້ກັນ ໃນມື້ອື່ນນີ້ (ວີດີໂອ)


ເກົາຫລີ​​ໃຕ້ ​​ແລະເກົາຫລີ​ເໜືອ ​​ໄດ້​ຕົກລົງ​ກັນ ​ໃນ​ເລື່ອງວັນ​ເວ ລາ​ແລະ​ສະຖານ​ທີ່ໃນ​ການ​ເຈລະຈາ

ເກົາຫລີໃຕ້ແລະເກົາຫລີ​ເໜືອ ໄດ້​ຕົກລົງ​ກັນໃນ​ເລື່ອງວັນ​ເວ
ລາ​ແລະ​ສະຖານ​ທີ່ໃນ​ການ​ເຈລະຈາ ກ່ຽວ​ກັບສອງ​ໂຄງການ
ການ​ຄ້າຮ່ວມກັນທີ່​ຕົກ​ຢູ່​ໃນ​ສະພາບ ບໍ່​ໄປ​ບໍ່​ມາ.

ກະຊວງ​ທ້ອນ​ໂຮມຊາດເກົາ​ຫລີ​ໃຕ້ກ່າວ​ວ່າ ພຽງ​ຢາງຕົກລົງ​ໃນ​
ວັນ​ເສົາ ​ມື້​ນີ້ ທີ່​ຈະ​ພົບ​ປະ​ໃນ​ວັນ​ອາທິດ​ມື້​ອື່ນ​ ທີ່ບ້ານ​ສະຫງົບ​
ເສິກ​ຊາຍ​ແດນ Panmunjom ຢູ່​ໃນ​ເຂດ​ປອດ​ທະຫານ ​ທີ່​ມີ
ການຍາມ​ຮັກສາ​ການຢ່າງ​ໜາ​ແໜ້ນ ທີ່​ແບ່ງ​ຊາຍ​ແດນຂອງ​
ສອງ​ປະ​ເທດ​ທີ່​ເປັນ​ຄູ່​ປໍ​ລະ​ປັກ​ອອກ​ຈາກ​ກັນນັ້ນ.

ພຽງ​ຢາງ​ໄດ້​ສະ​ເໜີ​ ແບບ​ທີ່​ບໍ່​ຄາດ​ຝັນ​ໃນ​ວັນ​ພະຫັດ​ທີ່​ຜ່ານ​ມາ
​ເພື່ອ​ເປີດ​ການ​ເຈລະຈາ​ກ່ຽວ​ກັບ​ຄວາມ​ເປັນ​ໄປ​ໄດ້​ ໃນ​ການທີ່​ຈະ​ເປີດເຂດ​ອຸດສາຫະກໍາ​
ຮ່ວມ Kaesong ​ຄືນ​ໃໝ່ຊຶ່ງຕັ້ງຢູ່​ເໜືອຊາຍ​ແດນຂອງ​ປະ​ເທດ​ທັງ​ສອງ​ຂຶ້ນ​ໄປ​ໜ້ອຍນຶ່ງ
ທີ່ໄດ້​ຖືກ​ປິດ​ລົງ​ໃນ​ເດືອນ​ເມສາ ຜ່ານ​ມາ ທ່າມກາງ​ຄວາມ​ຄັ່ງ​ຕືງທີ່​ເພີ້​ມທະວີ​ຂື້ນ.

ນອກນັ້ນ ພຽງຢາງຍັງໄດ້ສະເໜີໃຫ້​ມີການສົນທະນາກັນ ກ່ຽວກັບ ການນໍາທ່ຽວຂ້າມຊາຍ
ແດນ ​ໄປ​ຍັງ​ບ່ອນ​ຕາກອາກາດທີ່​ພູ Kumgang ຂອງ​ເກົາຫຼີ​ເໜືອ.

ເກົາຫລີໃຕ້ໄດ້ຢຸດການ​ໄປພັກຜ່ອນຢູ່ທີ່ນັ້ນຫລັງຈາກ ທະຫານ​ເກົາຫຼີ​ເໜືອ​ຍິງ​ນັກ​ທ່ອງ​ທ່ຽວ​
ເກົາຫຼີ​ໃຕ້​ຄົນ​ນຶ່ງ​ຕາຍ​ໃນ​ປີ 2008.

ເກົາຫຼີ​ໃຕ້ໄດ້​ສະໜອງ​ຕອບ​ຕໍ່ການສະ​ເໜີ​ຂອງ​ເກົາຫຼີ​ເໜືອໂດຍຮຽກຮ້ອງ ​ໃຫ້​ມີ​ການ​ເຈລະ
ຈາລະດັບລັດຖະມົນຕີຢູ່​ທີ່​ກຸງ​ໂຊ​ລ​ແຕ່​ເກົາຫລີ​ເໜືອ​ເວົ້າ ວ່າ​ຍັງ​ເປັນ​ການ​ໄວ​ເກີນ​ໄປແລະ​ຂໍ​
ຮ້ອງໃຫ້​ເປີດ​ການ​ເຈລະຈາ​ໃນ​ລະດັບ​ ທີ່ຕໍ່າລົງ​ມາ.

ການ​ເຈລະ​ຈາລະ​ຫວ່າງ​ສອງ​ຝ່າຍ ຈະ​ເປັນ​ຂີດ​ໝາຍການ​ຕ່າວ​ປີ້ນ​ທີ່​ສໍາ ຄັນ​ໃນ​ຄວາມ​ເຄັ່ງ
​ຕຶງຢູ່​ໃນ​ແຫລມ​ເກົາຫລີ ທີ່​ໄດ້ເພີ້​ມຂຶ້ນ​ສູ່​ລະດັບ​ສູງ​ສຸດໃນ​ຮອບ​ຫລາຍ​ໆທົດ​ສະ​ວັດ.

XS
SM
MD
LG