ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຜູ້ຊາຍສອງຄົນ ໃນລັດ ຄາລິຟໍເນຍ ຖືກຕັດສິນວ່າ ມີຄວາມຜິດ ຍ້ອນ ວາງແຜນເຂົ້າຮ່ວມ ລັດອິສລາມ


ທ້າວ Muhanad Badawi ອາຍຸ 25 ປີ ລະຫວ່າງການສອບສວນ ໂດຍຕຳຫລວດສັນຕິບານກາງ FBI ຫລັງຈາກລາວຖືກຈັບ ເມື່ອວັນທີ 21 ເດືອນພຶດສະພາ, 2015.
ທ້າວ Muhanad Badawi ອາຍຸ 25 ປີ ລະຫວ່າງການສອບສວນ ໂດຍຕຳຫລວດສັນຕິບານກາງ FBI ຫລັງຈາກລາວຖືກຈັບ ເມື່ອວັນທີ 21 ເດືອນພຶດສະພາ, 2015.

ຜູ້​ຊາຍສອງ​ຄົນ ຢູ່​ລັດ​ California ​ໄດ້​ຖືກ​ຕັດສິນ​ ຫຼັງ​ຈາກ​ການ​ດຳ​ເນີນ​ຄະດີ​ເປັນ​ເວລາ​ສອງ​ອາທິດ ​ໃນການ​ວາງ​ແຜນສົມຮູ້​ຮ່ວມ​ຄິດ​ ເດີນທາງ​ໄປ​ພາກຕາ​ເວັນ​ອອກ​ກາງ ​ເພື່ອ ເຂົ້າ​ຮ່ວມ​ກັບກຸ່ມ​ຫົວຮຸນ​ແຮງ​ລັດ​ອິສລາມ.

ທ້າວ Nader Elhuzayel ຈາ​ກ​ເ​ມື​ອງ Anaheim ລັດ California ​ໄດ້ຖືກ​ພົບ​ເຫັນວ່າ​ມີ​ຄວາມ​ຜິດ ​ໃນ​ຄວາ​ມພະຍາຍາມ​ເພື່ອ​ໃຫ້ການ​ສະໜັບສະໜຸນ​ທາງ​ດ້ານ​ວັດ​ຖຸແກ່ກຸ່ມ​ລັດ​ອິສລາມແລະ​ທ້າວ Muhanad Badawi ກໍ​ມາ​ຈາກ​ເມືອງ Anaheim ​ເຊັ່ນກັນ ທີ່​ໄດ້ຖືກ​ພົບ​ເຫັນວ່າ ​ມີ​ຄວາມ​ຜິດ​ ໃນ​ການ​ໃຫ້​ການ​ຊ່ວຍ​ເຫລືອແລະພະຍາມໃຫ້ການ​ສະໜັບສະ ໜູນທາງ​ດ້ານ​ວັດ​ຖະ​ແກ່​ກຸ່ມ​ລັດ​ອິສລາມ.

ທ້າວ Elhuzayel ຍັງ​ໄດ້​ຖືກ​ຕັດສິນ ໃນ​ຄວາມ​ຜິດ 26 ກະທົງ ​ຖານ​ສໍ້ໂກງທະນາຄານ ຮວມທັງ​ຝາກເຊັກເງິນ ​ທີ່​ລັກ​ເອົາ​ມາ ໄວ້​ໃນ​ບັນຊີ​ສ່ວນ​ໂຕຂອງຜູ້ກ່ຽວ ​ເພື່ອ​ໃຊ້​ໃນ​ການ​ເດີນທາງ. ສ່ວນທ້າວ Badawi ​ໄດ້​ຖືກ​ຕັດສິນ​ລົງ​ໂທດຖານ​ໃຊ້​ເງິນ​ທຶນຊ່ວຍ​ເຫຼືອ​ຂອງ ລັດຖະບານ​ກາງ​ ຊື້​ປີ້​ເຮືອບິນ​ທາງ​ດຽວໃຫ້​ແກ່ ທ້າວ Elhuzayel ​ເດີນທາງ​ໄປ​ປະ​ເທດ​ອິສຣາ​ແອ​ລ ພ້ອມ​ພັກຢູ່​ນະຄອນ Istanbul.

ທ້າວ Elhuzayel ​ໄດ້​ຖືກ​ຈັບ​ຢູ່ເດີ່ນ​ເຮືອບິນ​ສາກົນ ​ທີ່ນະ​ຄອນ Los Angeles ​ໃນ​ເດືອນ​ພຶດສະພາ ປີ 2015 ບ່ອນ​ທີ່​ລາວ​ວາງ​ແຜນ ​ຂີ່​ເຮືອບິນ​ໄປ​ນະຄອນ Tel Aviv. ອີງ​ຕາມ​ການ​ກ່າວ​ຫາ​ຢູ່​ໃນ​ສຳນວນ​ຟ້ອງແລ້ວ ທ້າວ Elhuzayel ​ໄດ້​ຮັບສາລະພາ​ບ “ວ່າ​ລາວ​ໄດ້​ວາງ​ແຜນ​ເດີນທາງ​ໄປ​ນະຄອນ Istanbul ​ເພື່ອເຂົ້າ​ຮ່ວມກັບ​ກຸ່ມລັດ​ອິສລາມຫຼື ISIL ​ແລະ​ບໍ່​ໄດ້​ຕັ້ງ​ໃຈ​ເດີນທາງ​ໄປ​ອິສຣາ​ແອ​ລ.

ທ້າວ Elhuzayel ອາຍຸ 25 ປີ ປະ​ເຊີນ​ໜ້າການ​ຕິດ​ຄຸກ​ສູງ​ສຸດ​ເຖິງ 30 ປີ ​ໃນ​ການ​ສໍ້​ໂກງ​ທະນາຄານ. ທ້າວ Badawi ປະ​ເຊີນໜ້າ​ກັບການ​ຕິດ​ຄຸກ​ສູງ​ສຸດ 5 ປີ ​ໃນ​ການ​ຕົວະ​ຕົ້ມ​ທະນາຄານ ​ແລະ​ຜູ້​ຊາຍ​ແຕ່ລະຄົນ​ອາດ​ຕິດ​ຄຸກ​ເພີ້​ມອີກ 15 ປີ ​ໃນ​ຖານໃຫ້ການ​ສະໜັບ ສະໜູນ​ທາງ​ດ້ານ​ວັດ​ຖຸ​ແກ່ກຸ່ມ​ລັດ​ອິສລາມ.

ການ​ຮັບ​ຟັງຕັດສິນ​ລົງ​ໂທດຂອງ​ພວກ​ເຂົາ​ເຈົ້າ ມີ​ກຳນົດໃ​ສ່​ເດືອນ​ກັນຍາ ຈະ​ມາ​ເຖິງ​ນີ້.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG