ຢ່າງໜ້ອຍ 22 ຄົນໄດ້ເສຍຊີວິດ ທີ່ພາກໃຕ້ຂອງຟິລິບປີນ ໃນ
ການປະທະກັນ ລະຫວ່າງກຸ່ມກະບົດມຸສລິມ ແລະພວກຫົວ
ຮຸນແຮງທີ່ເປັນເຄືອຂ່າຍກຸ່ມກໍ່ການຮ້າຍອາໄຄດາທີ່ກໍາລັງຈັບ
ນັກຂ່າວຈໍແດນຄົນນຶ່ງໄວ້ເປັນ ໂຕປະກັນນັ້ນ.
ເຈົ້າໜ້າທີ່ຕໍາຫລວດ ກ່າວໃນວັນຈັນວານນີ້ວ່າ ກຸ່ມແນວໂຮມ
ປົດປ່ອຍແຫ່ງຊາດໂມໂຣ ຫລື MNLF ໄດ້ທໍາການໂຈມຕີຄ້າຍຢູ່ໃນປ່າຕຶບຂອງ ກຸ່ມ Abu Sayyaf ທີ່ຕັ້ງຢູ່ໃນເກາະ Jolo. ເຂົາເຈົ້າກ່າວວ່າ ພວກ ຫົວຮຸນແຮງ Abu Sayyat 14 ຄົນໄດ້ຖືກສັງຫານພ້ອມດ້ວຍພວກ ກະບົດ MNLF ອີກ 8 ຄົນ.
ພວກກະບົດ MNLF ມີຂໍ້ຕົກລົງປົກຄອງຕົນເອງກັບລັດຖະບານ. ກຸ່ມດັ່ງກ່າວເວົ້າວ່າ ຕົນພະຍາຍາມຈະບຸກເຂົ້າໄປປ່ອຍນັກຂ່າວຊາວຈໍແດນ ເພື່ອຊ່ວຍເຈົ້າໜ້າທີ່ທໍາການກວດລ້າງ ຊື່ສຽງທີ່ບໍ່ດີຂອງແຂວງ Sulu ບ່ອນທີ່ກຸ່ມ Abu Sayyaf ໄດ້ປະຕິບັດງານວາງລະເບີດ ລັກພາໂຕ ແລະຕັດຄໍຜູ້ຄົນ ເປັນລຳດັບມາ.
ທ່ານ Baker Atyani ນັກຂ່າວຈໍແດນ ທີ່ສັງກັດຕາໜ່າງໂທລະພາບ Al Arabia ມີລາຍງານວ່າຍັງຢູ່ພາຍໃຕ້ກໍາມືຂອງກຸ່ມ Abu Sayyaf.
ທ່ານ ໄດ້ຖືກລັກພາໂຕໃນເດືອນມິຖຸນາປີກາຍນີ້ ພ້ອມດ້ວຍພະນັກງານ ທີ່ເປັນຊາວຟິລິບປີນອີກສອງຄົນ. ຊາວຟິລິບປີນທັງສອງໄດ້ຖືກປ່ອຍໂຕໃນວັນເສົາແລ້ວນີ້ ຫລັງຈາກມີລາຍງານວ່າ ໄດ້ຈ່າຍເງິນຄ່າໄຖ່ທີ່ບໍ່ຊາບເຖິງຈໍານວນໃຫ້ແກ່ກຸ່ມດັ່ງກ່າວ.
ກຸ່ມ Abu Sayyat ມັກຈະລັກພາໂຕຊາວຕ່າງດ້າວ ຢູ່ໃນຂົງເຂດ ເພື່ອຮຽກຄ່າໄຖ່. ກຸ່ມດັ່ງກ່າວນີ້ຍັງຄິດກັນວ່າ ເປັນຜູ້ຈັບໂຕຊາວອອສເຕເລຍຄົນນຶ່ງ ພວກຊອກຫາເບິ່ງນົກຊາວຢູໂຣບສອງຄົນ ແລະຊາວຍີ່ປຸ່ນອີກນຶ່ງຄົນ.
ການປະທະກັນ ລະຫວ່າງກຸ່ມກະບົດມຸສລິມ ແລະພວກຫົວ
ຮຸນແຮງທີ່ເປັນເຄືອຂ່າຍກຸ່ມກໍ່ການຮ້າຍອາໄຄດາທີ່ກໍາລັງຈັບ
ນັກຂ່າວຈໍແດນຄົນນຶ່ງໄວ້ເປັນ ໂຕປະກັນນັ້ນ.
ເຈົ້າໜ້າທີ່ຕໍາຫລວດ ກ່າວໃນວັນຈັນວານນີ້ວ່າ ກຸ່ມແນວໂຮມ
ປົດປ່ອຍແຫ່ງຊາດໂມໂຣ ຫລື MNLF ໄດ້ທໍາການໂຈມຕີຄ້າຍຢູ່ໃນປ່າຕຶບຂອງ ກຸ່ມ Abu Sayyaf ທີ່ຕັ້ງຢູ່ໃນເກາະ Jolo. ເຂົາເຈົ້າກ່າວວ່າ ພວກ ຫົວຮຸນແຮງ Abu Sayyat 14 ຄົນໄດ້ຖືກສັງຫານພ້ອມດ້ວຍພວກ ກະບົດ MNLF ອີກ 8 ຄົນ.
ພວກກະບົດ MNLF ມີຂໍ້ຕົກລົງປົກຄອງຕົນເອງກັບລັດຖະບານ. ກຸ່ມດັ່ງກ່າວເວົ້າວ່າ ຕົນພະຍາຍາມຈະບຸກເຂົ້າໄປປ່ອຍນັກຂ່າວຊາວຈໍແດນ ເພື່ອຊ່ວຍເຈົ້າໜ້າທີ່ທໍາການກວດລ້າງ ຊື່ສຽງທີ່ບໍ່ດີຂອງແຂວງ Sulu ບ່ອນທີ່ກຸ່ມ Abu Sayyaf ໄດ້ປະຕິບັດງານວາງລະເບີດ ລັກພາໂຕ ແລະຕັດຄໍຜູ້ຄົນ ເປັນລຳດັບມາ.
ທ່ານ Baker Atyani ນັກຂ່າວຈໍແດນ ທີ່ສັງກັດຕາໜ່າງໂທລະພາບ Al Arabia ມີລາຍງານວ່າຍັງຢູ່ພາຍໃຕ້ກໍາມືຂອງກຸ່ມ Abu Sayyaf.
ທ່ານ ໄດ້ຖືກລັກພາໂຕໃນເດືອນມິຖຸນາປີກາຍນີ້ ພ້ອມດ້ວຍພະນັກງານ ທີ່ເປັນຊາວຟິລິບປີນອີກສອງຄົນ. ຊາວຟິລິບປີນທັງສອງໄດ້ຖືກປ່ອຍໂຕໃນວັນເສົາແລ້ວນີ້ ຫລັງຈາກມີລາຍງານວ່າ ໄດ້ຈ່າຍເງິນຄ່າໄຖ່ທີ່ບໍ່ຊາບເຖິງຈໍານວນໃຫ້ແກ່ກຸ່ມດັ່ງກ່າວ.
ກຸ່ມ Abu Sayyat ມັກຈະລັກພາໂຕຊາວຕ່າງດ້າວ ຢູ່ໃນຂົງເຂດ ເພື່ອຮຽກຄ່າໄຖ່. ກຸ່ມດັ່ງກ່າວນີ້ຍັງຄິດກັນວ່າ ເປັນຜູ້ຈັບໂຕຊາວອອສເຕເລຍຄົນນຶ່ງ ພວກຊອກຫາເບິ່ງນົກຊາວຢູໂຣບສອງຄົນ ແລະຊາວຍີ່ປຸ່ນອີກນຶ່ງຄົນ.