ລິ້ງ ສຳຫລັບເຂົ້າຫາ

ເທີກີ ກ່າວວ່າ ຖ້າສະຫະລັດ ບໍ່ສົ່ງຕົວທ່ານ Gulen ໃຫ້ຕົນ ຈະເກີດຄວາມເສຍຫາຍ ຕໍ່ສາຍພົວພັນ


ທ່ານ Fethullah Gulen, ຜູ້ສອນສາສະໜາ ຊຶ່ງຖືກກ່າວຫາວ່າ ເປັນຜູ້ຢູ່ເບື້ອງຫຼັງ ໃນການກໍ່ລັດຖະປະຫານ ທີ່ຢູ່ໃນບ້ານ Saylorsburg, Pennsylvania, 16 ກໍລະກົດ, 2016.

ທ່ານ Fethullah Gulen, ຜູ້ສອນສາສະໜາ ຊຶ່ງຖືກກ່າວຫາວ່າ ເປັນຜູ້ຢູ່ເບື້ອງຫຼັງ ໃນການກໍ່ລັດຖະປະຫານ ທີ່ຢູ່ໃນບ້ານ Saylorsburg, Pennsylvania, 16 ກໍລະກົດ, 2016.

ໃນ​ວັນ​ອັງຄານ​ມື້ນີ້ ​ເທີ​ກີ​ໄດ້​ເຕືອນ​ສະຫະລັດວ່າ​ ຖ້າ​ສະຫະລັດ ຫາກ​ບໍ່ຍອມ​ສົ່ງ​ ທ່ານ Fethullah Gulen ນັກ​ສອນ​ສາສະໜາທີ່ພຳນັກ​ຢູ່​ລັດ​ Pennsylvania ທີ່​ເທີ​ກີ​ກ່າວ​ຫາ​ວ່າ​ ເປັນ​ຜູ້​ວາງ​ແຜນ ເຮັດ​ລັດຖະປະຫານ​ທີ່​ປະສົບ​ກັບ​ຄວາມລົ້ມ​ແຫຼວ​ນັ້ນ ຈະ​ສ້າງ​ຄວາມ​ເສຍ​ຫາຍ​ຢ່າງ​ໃຫຍ່​ຫຼວງໃຫ້​ແກ່​ຄວາມ​ສຳພັນ​ລະຫວ່າງ​ປະ​ເທດ​ທັງ​ສອງ.

ຖ້າ​ສະຫະລັດ​ຫາກ​ບໍ່​ສົ່ງ​ໂຕ​ທ່ານ Gulen ​ໃຫ້ ​ເຂົາ​ເຈົ້າຈະ​ເສຍສະຫລະຄວາມສຳພັນ ​ກັບ​ເທີ​ກີ ຍ້ອນ​ເຫັນ​ແກ່​ຜົນ​ປະ​ໂຫຍ​ດຂອງ​ພວກ​ກໍ່​ການ​ຮ້າຍ​ ນັ້ນຄື​ຄຳ​ເວົ້າຂອງ​ລັດຖະມົນຕີ​ກະຊວງ​ຍຸຕິ​ທຳ​ເທີ​ກີ ທີ່​ກ່າວ​ໃນ​ລະຫວ່າງ​ການ​ໃຫ້​ສຳພາດ​ທາງ ​ໂທລະພາບ.

ຊາວເທີກີ ໃຊ້ໂທລະສັບສ່ວນຕົວ ເພື່ອຖ່າຍພາບ ກ່ອນການຂຶ້ນກ່າວຄຳປາໄສຂອງທ່ານ Recep Tayyip Erdogan ການປະທ້ວງປະຊາທິປະໄຕ ແລະ Martyrs ໃນນະຄອນ Istanbul, 7 ສິງຫາ 2016.

ຊາວເທີກີ ໃຊ້ໂທລະສັບສ່ວນຕົວ ເພື່ອຖ່າຍພາບ ກ່ອນການຂຶ້ນກ່າວຄຳປາໄສຂອງທ່ານ Recep Tayyip Erdogan ການປະທ້ວງປະຊາທິປະໄຕ ແລະ Martyrs ໃນນະຄອນ Istanbul, 7 ສິງຫາ 2016.

ລັດຖະບານ​ເທີ​ກີ​ໄດ້​ພະຍາຍາມ​ຊ້ຳ​ແລ້ວ​ຊ້ຳ​ອີກ ທີ່​ຈະ​ກົດ​ດັນ​ໃຫ້​ສະຫະລັດ​ມອບ ​ໂຕ​ທ່ານ Gulen ​ໃຫ້​ຕົນ ບໍ່​ດົນ​ຫລັງ​ຈາກ​ໄດ້​ມີ​ການ​ພະຍາຍາມ​ເຮັດ​ລັດຖະປະຫານ​ທີ່​ປະສົບ​ກັບ​ຄວາມ​ລົ້ມ​ແຫຼວ​ໃນ​ວັນ​ທີ 15 ກໍລະກົດ​ຜ່ານ​ມາ.

​ໃນ​ສັບປະດາ​ແລ້ວນີ້ ທະນາຍຄວາມ ​ທີ່​ຕໍ່ສູ້​ຄະດີ​ໃຫ້​ທ່ານ Gulen ກ່າວ​ວ່າ ລັດ ຖະບານ​ເທີກີບໍ່​ໄດ້​ມອບ​ຫລັກ​ຖານ​ໃດໆ​ທີ່​ພິສູດ​ວ່າ ຜູ້ກ່ຽວ​ມີ​ການ​ພົວພັນ​ໃນ​ການ ​ເຮັດ​ລັດຖະປະຫານ ​ແລະ​ທ່ານ Gulen ກໍ​ບໍ່​ຄວນ​ແລະ​ບໍ່​ຕ້ອງ​ທີ່​ຈະ​ຖືກ​ສົ່ງ​ໂຕ​ໄປ​ໃຫ້​ລັດຖະບານ​ເທີ​ກີ.

ທ່ານ Reid Weingarten ​ນຶ່ງ​ໃນ​ຈຳນວນ​ພວກ​ທະນາຍຄວາມກ່າວ​ຕື່ມ​ວ່າ ລັດຖະມົນຕີ​ເທີ​ກີ 3 ທ່ານ​ທີ່​ເດີນທາງ​ມາ​ຢ້ຽມຢາມ​ສະຫະລັດ​ໃນ​ສັບປະດາ​ແລ້ວ​ເພື່ອ ພະຍາຍາມແລະ​ຊອກ​ຫາ​ຊ່ອງ​ທາງ​ໃຫ້​ສົ່ງໂຕທ່ານ Gulen ໄປ​ໃຫ້​ນັ້ນ ມີ​ແຕ່​ຈະ ​ເພີ້ມທະວີ​ຄວາມ​ສັບຊ້ອນ​ແລະຄວາມ ບໍ່​ໜ້າ​ເຊື່ອ​ຖືຫຼາຍຂຶ້ນ​ກ່ຽວ​ກັບ​ການ​ກ່າວ​ຫາຕໍ່​ທ່ານ Gulen ​ທີ່​ວ່າ​ມີ​ການ​ສົມຮູ້​ຮ່ວມ​ຄິດ.

ທ່ານ​ກ່າວ​ວ່າ ການ​ສົ່ງ​ໂຕ​ຜູ້​ຮ້າຍ​ຂ້າມ​ແດນໂດຍ​ພື້ນຖານ​ແລ້ວ​ແມ່ນ​ຂັ້ນຕອນ​ທາງ​ດ້ານ​ກົດໝາຍ. ພວກ​ເຮົາ​ເປັນ​ທະນາຍຄວາມ ພວກ​ເຮົາ​ແມ່ນ​ເວົ້າ​ເລື້ອງຫຼັກ​ຖານ ​ແລະ​ພວກ​ເຮົາ​ແມ່ນ​ເວົ້າ​ເລື້ອງ ຂະ​ບວນການ​ທາງ​ຍຸຕິ​ທຳ ລອງ​ເດົາ​ເບິ່ງວ່າ​ແມ່ນ​ຫຍັງ? ຂັ້ນຕອນ​ໃນ​ການ​ສົ່ງ​ຜູ້​ຮ້າຍ​ຂ້າມ​ແດນ ຫຼັກຖານ​ແລະ​ຂະ​ບວນການ​ທາງ ດ້ານ​ຍຸຕິ​ທຳ​ແມ່ນ​ເປັນ​ສິ່ງສຳຄັນ.

ວໍ​ຊິງ​ຕັນ​ກ່າວ​ວ່າ ​ເພື່ອ​ວ່່າຂັ້ນຕອນ​ໃນ​ການ​ສົ່ງ​ໂຕ​ທ່ານ Gulen ​ໄປ​ໃຫ້​ຈະ​ເລີ້ມຂຶ້ນ​ໄດ້ ​ເທີ​ກີ​ຕ້ອງ​ໄດ້​ມີ​ຫລັກ​ຖານ​ອັນ​ໜັກ​ແໜ້ນ​ສະ​ແດງ​ໃຫ້​ເຫັນເຖິງ​ການ​ພົວພັນ ຂອງທ່ານ Gulen ​ໃນ​ການ​ເຮັດ​ລັດຖະປະຫານ​ດັ່ງກ່າວ.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG