ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ເທີກີ ສືບຕໍ່ ຖິ້ມລະເບີດໃສ່ ພວກກຸ່ມ IS ໃນຊີເຣຍ ແລະ ພວກກະບົດ PKK ໃນອີຣັກ


ພາບບັນທຶກວີດີໂອ ຂອງເຮືອບິນລົບໄອພົ່ນ ທີ່ເປີດເຜີຍ ໂດຍອົງການຂ່າວ Anadolu ຂອງທາງການເທີກີ, ວັນທີ 24 ກໍລະກົດ 2015 ອັນທີ່ພວກເຂົາລາຍງານວ່າ ເປັນການໂຈມຕີຕໍ່ເປົ້າໝາຍຕ່າງໆ ໂດຍເຮືອບິນລົບເທີກີ ທີ່ທະລົ່ມກຸ່ມຫົວຮຸນແຮງ ລັດອິສລາມຢູ່ເຂດຊາຍແດນ ໃນຊີເຣຍ.
ພາບບັນທຶກວີດີໂອ ຂອງເຮືອບິນລົບໄອພົ່ນ ທີ່ເປີດເຜີຍ ໂດຍອົງການຂ່າວ Anadolu ຂອງທາງການເທີກີ, ວັນທີ 24 ກໍລະກົດ 2015 ອັນທີ່ພວກເຂົາລາຍງານວ່າ ເປັນການໂຈມຕີຕໍ່ເປົ້າໝາຍຕ່າງໆ ໂດຍເຮືອບິນລົບເທີກີ ທີ່ທະລົ່ມກຸ່ມຫົວຮຸນແຮງ ລັດອິສລາມຢູ່ເຂດຊາຍແດນ ໃນຊີເຣຍ.

ທະຫານ​ເທີ​ກີ​ສອງ​ຄົນ ຖືກ​ສັງຫານ ​ແລະ ອີກ​ສີ່​ຄົນ​ບາດ​ເຈັບ ​
ເມື່ອ​ຕອນ​ຄ່ຳ​ວັນ​ເສົາ​ວານ​ນີ້ ​ໃນ​ເຫດ​ລົດວາງ​ລະ​ເບີດ​ແຕກ​ຂຶ້ນ
ຢູ່​ໃນ​ແຂວງ​ທີ່​ມີ​ຊາວ​ເຄີ​ດອາ​ໃສ​ຢູ່​ເປັນ​ສ່ວນ​ໃຫຍ່ ຢູ່​ທາງ​ພາກ​
ຕາ​ເວັນ​ອອກສຽງໃຕ້​ຂອງ​ເທີ​ກີ.

​ເມື່ອ​ຕອນ​ເຊົ້າວັນ​ເສົາ​ວານ​ນີ້​ເຊັ່ນ​ກັນ ​ເຮືອບິນ​ລົບເທີ​ກີຫຼາຍລຳ
​ໄດ້​ໂຈ​ມຕີຄ້າຍຕ່າງໆ​ ຂອງ​ພວກ​ຫົວ​ຮຸນ​ແຮງ​ລັດ​ອິສລາມ ຢູ່​ໃນ​
ຊີ​ເຣຍ ​ໃນ​ຂະນະ​ດຽວ​ກັນ ກອງ​ກຳລັງ​ເທີ​ກີ​ອີກ​ສ່ວນ​ນຶ່ງ ​ກໍໄດ້​
ໂຈມ​ຕີ ສະຖານ​ທີ່​ຂອງ​ພວກ ພັກ​ກຳມະກອນ​ເຄີ​ດ ຫຼື PKK ຢູ່​
ທາງ​ພາກ​ຕາ​ເວັນ​ອອກສຽງ​ໃຕ້ ຂອງ​ເທີ​ກີ ​ແລະ ການ​ໂຈມ​ຕີ
​ທາງ​ອາກາດຫຼາຍບັ້ນ​ແນ​ຖືກ​ເປົ້າ​ພວກ​ກະບົດ PKK ທີ່​ຕັ້ງຢູ່​
ສະຖານ​ທີ່​ຕ່າງໆ ​ໃນ​ພາກ​ເໜືອ​ຂອງ​ອີຣັກ.

ຜູ້ບັນຊາການກອງທັບອາກາດເທີກີ ພົນເອກ Akin Ozturk (ຊ້າຍ) ແຈ້ງໃຫ້ ນາຍົກລັດຖະມົນຕີເທີກີ ທ່ານ Ahmet Davutoglu ຊາບໂດຍຫຍໍ້ ໃນລະຫວ່າງ ກອງປະຊຸມຄວາມໝັ້ນຄົງພິເສດ ກ່ຽວັກັບລັດອິສລາມ ໃນຊີເຣຍ ແລະ ກຸ່ມ PKK ໃນອີຣັກ, ຢູ່ທີ່ຜະສາດ Cankaya ທີ່ນະຄອນຫຼວງ Ankara ປະເທດເທີກີ, ວັນທີ 25 ກໍລະກົດ 2015.
ຜູ້ບັນຊາການກອງທັບອາກາດເທີກີ ພົນເອກ Akin Ozturk (ຊ້າຍ) ແຈ້ງໃຫ້ ນາຍົກລັດຖະມົນຕີເທີກີ ທ່ານ Ahmet Davutoglu ຊາບໂດຍຫຍໍ້ ໃນລະຫວ່າງ ກອງປະຊຸມຄວາມໝັ້ນຄົງພິເສດ ກ່ຽວັກັບລັດອິສລາມ ໃນຊີເຣຍ ແລະ ກຸ່ມ PKK ໃນອີຣັກ, ຢູ່ທີ່ຜະສາດ Cankaya ທີ່ນະຄອນຫຼວງ Ankara ປະເທດເທີກີ, ວັນທີ 25 ກໍລະກົດ 2015.

ບັນດາ​ເຈົ້າໜ້າ​ທີ່​ເທີ​ກີ ກ່າວ​ວ່າ ການ​ໂຈມ​ຕີ​ທາງ​ອາກາດດັ່ງກ່າວ ​ໃນຊີ​ເຣຍ ​ແມ່ນ​ໄດ້​ແນເປົ້າ ໝາຍໃສ່​ເພື່ອ​ສ້າງ​ “ເຂດ​ປອດ​ໄພ” ​ໃນ​ທົ່ວ​ບໍລິ​ເວນສ່ວນ​ນຶ່ງ ທີ່​ກວ້າງຂວາງ ​ທາງພາກ​ເໜືອ ​ຂອງ​ຊີ​ເຣຍ.

ນາຍົກລັດຖະມົນຕີ​ເທີ​ກີ Ahmet Davutoglu ກ່າວ​ໃນ​ວັນ​ເສົາ​ວານ​ນີ້ ວ່າ ການ​ປະຕິບັດ
​ການຮັກສາ​ຄວາມ​ໝັ້ນຄົງ​ຂອງ​ເທີ​ກີ ຈະ​ສືບ​ຕໍ່​ໄປ ຖ້າ​ຫາກ​ວ່າ ມີ​ຄວາມ​ຈຳ​ເປັນ. ທ່ານ
Davutoglu ເວົ້າວ່າ “ພາລະກິດ ​ເຫຼົ່ານັ້ນ ບໍ່​ແມ່ນ​ເປັນ​ຈຸດ​ດຽວ​ຂອງ​ການປະຕິບັດ​ການຕ່າງໆ ​ແລະ ຈະ​ສືບ​ຕໍ່​ໄປ ຖ້າ​ຫາກ​ວ່າ ຍັງ​ມີ​ການ​ຂົ່ມຂູ່​ຕໍ່ເທີ​ກີຢູ່​.” ທ່ານ​ເວົ້າ​ອີກ​
ວ່າ ບໍ່​ມີ​ຜູ້​ໃດ​ຄວນ​ສົງ​ໃສ​ຄວາມ​ຕັ້ງ​ໃຈ​ຂອງ​ພວກເຮົາເລີຍ. ພວກ​ເຮົາ​ຈະ​ບໍ່​ອະນຸຍາດ​ໃຫ້​
ເທີ​ກີ ກາຍ​ມາ​ເປັນ​ປະ​ເທດ​ທີ່​ປາດ​ສະ​ຈາກກົດໝາຍ.”

ເຮືອບິນລົບໄອພົົນ F-16 ກຽມພ້ອມທີ່ຈະບິນອອກ ໃນລະຫວ່າງການຊ້ອມລົບ Anatolian Eagle ຢູ່ທີ່ ຖານທັບອາກາດ 3rd Main Jet Air Base ໃກ້ກັບພາກກາງເມືອງ Anatolian ຂອງແຂວງ Konya.
ເຮືອບິນລົບໄອພົົນ F-16 ກຽມພ້ອມທີ່ຈະບິນອອກ ໃນລະຫວ່າງການຊ້ອມລົບ Anatolian Eagle ຢູ່ທີ່ ຖານທັບອາກາດ 3rd Main Jet Air Base ໃກ້ກັບພາກກາງເມືອງ Anatolian ຂອງແຂວງ Konya.

XS
SM
MD
LG