ລິ້ງ ສຳຫລັບເຂົ້າຫາ

ການໂຈມຕີ ລະຫວ່າງ ເທີກີ ແລະ ພັກກຳມະກອນ ຊາວເຄີດ ຍັງດຳເນີນ ຢູ່ຕໍ່ມາ


ພວກປະທ້ວງພາກັນຖືປ້າຍທີ່ມີຮູບຜູ້ນຳກະບົດ Kurds ທີ່ຍັງ ຕິດຄຸກ ທ້າວ Abdullah Ocalan.

ພວກປະທ້ວງພາກັນຖືປ້າຍທີ່ມີຮູບຜູ້ນຳກະບົດ Kurds ທີ່ຍັງ ຕິດຄຸກ ທ້າວ Abdullah Ocalan.

ບັນດາເຮືອບິນ​ລົບ​ເທິ​ກີ ​ໄດ້​ທຳ​ການ​ໂຈມ​ຕີ​ທາງ​ອາກາດ​ເພີ້​ມຂື້ນ
​ໃນ​ຕອນ​ເຊົ້າ ວັນ​ອັງຄານ​ມື້​ນີ້ໂດຍ​ແນເປົ້າໝາຍໃສ່ພວກ​ຫົວ​ຮຸນ​
ແຮງຊາວ Kurds ​ໃນ​ຂະນະ​ທີ້​ການວາງ​ລ​ະ​ເບີ​ດໃສ່​ລົດ​ເມ ໃນ​
ພາກ​ຕາ​ເວັນ​ອອກ​ຂອງ​ເທີ​ກີ ​ເຮັດ​ໃຫ້ເຈົ້າ​ໜ້າທີ່​ຕຳຫລວດ ຢ່າງ​
ໜ້ອຍ 12 ຄົນ​ເສຍ​ຊີວິດ.

ບັນດາ​ເຈົ້າ​ໜ້າ​ທີ່​ເທີ​ກີ ກ່າວ​ວ່າ ​ເຮືອບິນ​ລົບ​ຫລາຍ​ກວ່າ 40 ລໍາ​
ໄດ້​ເຂົ້າ​ຮ່ວມ​ການໂຈມຕີທາງອາກາດເປັນເວລາ​ຫົກ​ຊົ່ວ​ໂມງ ​ໃນ
​ພາກ​ເໜືອ​ອີຣັກ ທີ່​ສື່ມວນຊົນຂອງ​ລັດ​ກ່າວ​ວ່າ ​ໄດ້​ສັງຫານ​ພວກ​
ນັກ​ລົບ ​ຈາກພວກພັກກຳມະກອນຊາວ Kurds ຫລື PKK ຫຼາຍ
ເຖິງ 40 ຄົນ.

ນີ້​ເປັນການ​ໂຈມ​ຕີທາງ​ອາກາດ ເປັນຄືນທີສອງ ນັບ​ແຕ່ພວກ​ນັກ​ລົບ PKK ​ໄດ້​ໃຊ້ລະ​ເບີດ​
ແຄມທາງ​ໂຈມ​ຕີ​ຂະ​ບວນລົດ​ທະຫານແລະ​ສັງຫານທະຫານເທີ​ກີ 16 ຄົນ. ການ​ໂຈມ​ຕີ​ໃນ
​ວັນ​ອາທິດ​ທີ່​ຜ່ານ​ມາ ​ເປັນ​ການໂຈມຕີທີ່ຮ້າຍແຮງສຸດ​ ໂດ​ຍ ພວກ PKK ນັບ​ແຕ່​ເດືອນ
​ກໍລະກົດ ເປັນຕົ້ນມາ ເວລາ​ຄວາມຮຸນ​ແຮງ​ຈາກ​ທັງ​ສອງຝ່າຍ ​ໄດ້​ທຳລາຍ​ການ​ຢຸດ​ຍິງທີ່
ມີມາ​ເປັນ​ເວລາ​ສອງ​ປີ.

ການວາງ​ລ​ະ​ເບີດຄັ້ງ​ໃໝ່​ໃນ​ວັນ​ອັງ​ຄານ​ມື້​ນີ້ ​ໄດ້ມີການຖິ້ມໂທດໃສ່​ພວກ​ຫົວ​ຮຸນແຮງ ໄດ້
ຖືກລົດເມຂົນ​ເຈົ້າ​ໜ້າ​ທີ່​ຕຳຫລວດໃນ​ແຂວງ Igdir ​ໃກ້​ຊາຍ​ແດນເທິ​ກີ ຕິດກັບ
Azerbaijan.

​ເທິ​ກີ ​ໄດ້​ເລີ້ມ​ໃນອັນ​ທີ່​ຮ້ອງ​ວ່າ ການບຸກໂຈມຕີຕ້ານພວກ​ກໍ່​ການ​ຮ້າຍ​ຄັ້ງໃໝ່ ​ ​ໃນ​ທ້າຍ
​ເດືອນກໍລະ​ກົດ ດ້ວຍ​ການ​ໂຈມ​ຕີ​ທາງ​ອາກາດທີ່ແນເປົ້າໝາຍໃສ່​ກຸ່ມ PKK ຢູ່ທັງ​ໃນ​
ພາກ​ຕາ​ເວັນ​ອອກສຽງ​ໃຕ້ຂອງເທີກີ ແລະ​ໃນ​ພາກ​ເໜືອ​ອີຣັກ.

ການໂຈມ​ຕີ​ທາງ​ທະຫານ​ດັ່ງກ່າວ ແມ່ນໄດ້ຮັບການເຕືອນຈາກສະຫະລັດ ​ແລະ​ສະຫະ
ພາບ​ຢູ​ໂຣບ ຊຶ່ງ​ທັງ​ສອງ​ກ່າວ​ວ່າ ​ໃນ​ຂະນະ​ທີ່​ເທີ​ກີມີ​ສິດປ້ອງ​ກັນ​ຕົນ​ເອງ​ແຕ່ກໍຄວນ​ທີ່​ຈະ
​ໃຊ້ຄວາມຍັບ​ຢັ້ງ ​ແລະທຳການ​ຕອບ​ໂຕ້ “ຢ່າງ​ສົມ​ມາ​ສົມຄວນ.”

ກຸ່ມ PKK ​ໄດ້​ທຳ​ການ​ສູ້​ລົບ​ກັບ​ເທີ​ກີ ມາ​ແຕ່​ປີ 1984 ​ໃນການຂັດ​ແຍ້​ງທີ່​ໄດ້​ເຮັດ​ໃຫ້
40,000 ຄົນ​ເສຍ​ຊີວິດ. ​ເທີ​ກີ ​ສະຫະລັດ ​ແລະ​ຢູ​ໂຣ ພິຈາລະ​ນາ​ວ່າ ພວກ​ຫົວ​ຮຸນແຮງ
​ຈຸນີ້ ເປັນ​ກຸ່ມ​ກໍ່​ການ​ຮ້າຍ.

XS
SM
MD
LG