ທາງການເທີກີກ່າວວ່າພວກທະຫານໜ່ວຍກ້າຕາຍຂອງຕົນ ໄດ້ບຸກເຂົ້າຖະຫລົ່ມເຮືອໂດຍ
ສານຂ້າມຟາກລໍານຶ່ງໃນວັນເສົາມື້ນີ້ ແລະໄດ້ສັງຫານຜູ້ຮ້າຍທີ່ຈີ້ເຮືອ ທີ່ມີຄົນດຽວນັ້ນ.
ທ່ານ Huseyin Avni Mutku ຜູ້ປົກຄອງນະຄອນຫລວງ Istanbul ກ່າວຕໍ່ບັນດານັກຂ່າວໃນວັນເສົາມື້ນີ້ວ່າ ພວກລູກເຮືອແລະຄົນໂດຍສານໃນເຮືອທັງໝົດໄດ້ຮັບຄວາມປອດໄພ ແລະເວລານີ້ຍັງບໍ່ທັນໄດ້ຮູ້ຈັກຊື່ຂອງຜູ້ຈີ້ເຮືອຄົນນີ້ຢ່າງແນ່ນອນເທື່ອ. ລາຍງານຂ່າວກ່ອນໜ້ານີ້ ກ່າວວ່າ ມີຄົນຮ້າຍຈໍານວນຫລາຍເຖິງ 5 ຄົນທີ່ສົງໄສວ່າແມ່ນພວກຫົວຮຸນແຮງ kurds ທີ່ ປະກອບດ້ວຍວັດຖຸລະເບີດເປັນຜູ້ຈີ້ເຮືອໂດຍສານຂ້າມຟາກລໍານີ້.
ເຮືອໂດຍສານ Kartepe ຊຶ່ງພວມບັນທຸກຄົນໂດຍສານ 18 ຄົນ ທີ່ຮວມທັງພວກແມ່ຍິງ 5 ຄົນ ພ້ອມດ້ວຍລູກເຮືອ 4 ຄົນແລະພວກພະນັກງານເຝິກແອບອີກ 2 ຄົນ. ເຮືອໂດຍສານລໍານີ້ໄດ້ໝົດນໍ້າມັນຫລັງຈາກແລ່ນຈາກເມືອງ Izmit ແລະໄດ້ຖິ້ມສະໝໍລົງໃນທະ Marmara ບ່ອນທີ່ລາຍງານຂ່າວເວົ້າວ່າ ພວກທະຫານໜ່ວຍກ້າຕາຍໄດ້ບຸກ
ເຂົ້າໃນເຮືອລໍານັ້ນ.
ສື່ມວນຊົນເທີກີແຈ້ງໃຫ້ຊາບວ່າ ເຮືອໂດຍສານລໍານີ້ພວມແລ່ນຈາກເມືອງ Iznit ໄປຫາເມືອງ Golcuk ໃນແຂວງ Kocaeli ໃນແລງວັນສຸກວານນີ້ ເວລາເຮືອລໍານີ້ຖືກພວກຫົວຮຸນແຮງຍຶດນັ້ນ.
