ລິ້ງ ສຳຫລັບເຂົ້າຫາ

ມີການໂຈມຕີ ສະລະຊີບ ຕໍ່ສະຖານທູດ ສະຫະລັດ ໃນເທີກີ (ສະໄລດ໌)


ເອກອັກຄະລັດຖະທູດສະຫະລັດ ປະຈຳເທີກີ ທ່ານ Francis Ricciardone (ຊ້າຍ ທີ່ມີຜົມຂາວ) ກ່າວຕໍ່ສື່ມວນຊົນ ຢູ່ນອກສະຖານທູດສະຫະລັດ ໃນກຸງອັງກາຣາ (1 ກຸມພາ 2013)

ຜູ້ໂຈມຕີສະລະຊີບຄົນນຶ່ງໄດ້ບີບຄະນວນລະເບີດໃຫ້ແຕກຂຶ້ນທີ່
ສະຖານທູດສະຫະລັດໃນນະຄອນຫຼວງອັງກາຣາ ເຮັດໃຫ້ຜູ້ກ່ຽວ ແລະຍາມທີ່ເປັນຄົນເທີກີຜູ້ນຶ່ງ ເສຍຊີວິດ ແລະພ້ອມດຽວກັນກໍມີ
ຜູ້ປະກາດຂ່າວ ທີ່ມີຊື່ສຽງຄົນນຶ່ງ ຂອງເທີກີ ໄດ້ຮັບບາດເຈັບ ໃນ
ການໂຈມຕີຄັ້ງນີ້.

ນັກຂ່າວຄົນນຶ່ງຂອງວີໂອເອ ພະແນກພາສາເທີກີເວົ້າວ່າ ຍາມຜູ້
ນີ້ໄດ້ເສຍຊີວິດໃກ້ໆກັບເຄື່ອງສາຍແສງລັງສີຫຼືເອັກຊະເຣຢູ່ບ່ອນ ກວດທາງເຂົ້າຂອງສະຖານທູດໃນມື້ວັນສຸກວານນີ້. ນັກຂ່າວເວົ້າ
ວ່າ ກ້ອງວົງຈອນປິດຂອງທາງສະຖານທູດ ບໍ່ໄດ້ເຮັດວຽກ ຍ້ອນ
ໄຟຟ້າມອດຢູ່ໃນເຂດດັ່ງກ່າວ.

ຍັງບໍ່ທັນມີກຸ່ມໃດອ້າງເອົາຄວາມຮັບຜິດຊອບເທື່ອກ່ຽວກັບການ
ໂຈມຕີໃນມື້ວັນສຸກວານນີ້ ແຕ່ທ່ານ Muammer Guler ລັດຖະມົນຕີກະຊວງພາຍໃນ ຂອງເທີກີກ່າວວ່າ ຂໍ້ມູນໃນຂັ້ນຕົ້ນຂອງຕຳຫຼວດສະແດງໃຫ້ເຫັນວ່າຜູ້ໂຈມຕີຄົນນີ້ມີທ່າ ທາງວ່າ ຈະມີຄວາມສຳພັນກັບກຸ່ມຫົວຮຸນແຮງຝ່າຍຊ້າຍຂອງເທີກີ.

ເອກອັກຄະລັດຖະທູດ James Jeffrey ທີ່ເປັນເອກອັກຄະລັດຖະທູດຂອງສະຫະລັດ ປະຈຳເທີກີແຕ່ປີ 2008 ຫາ 2010 ນັ້ນ ກ່າວວ່າ ເຈົ້າໜ້າທີ່ເທີກີເຊື່ອວ່າ ຜູ້ໂຈມຕີຄົນນີ້ ເປັນສະມາຊິກຂອງ ພັກປະຕິວັດປົດປ່ອຍປະຊາຊົນ ຊຶ່ງເປັນກຸ່ມທີ່ທຳການໂຈມຕີຕໍ່ສະ ຖານທີ່ຕ່າງໆຂອງສະຫະລັດຊໍ້າແລ້ວຊໍ້າອີກ ໃນອະດີດຜ່ານມານັ້ນ.

ທ່ານເວົ້າວ່າ ສະຖານທູດຂອງສະຫະລັດ ທີ່ນະຄອນອັງກາຣາ ແມ່ນຖືວ່າເປັນບ່ອນທີ່ມີ ການຂົ່ມຂູ່ສູງກວ່າປົກກະຕິ ໂດຍທີ່ຂອບນອກສຸດມີການປ້ອງກັນຢ່າງເຂັ້ມແຂງຍາກທີ່ ຈະບຸກຜ່ານໄດ້.

XS
SM
MD
LG