ລິ້ງ ສຳຫລັບເຂົ້າຫາ

ປະທານ ສະພາ Tunisia ຮ້ອງຂໍໃຫ້ມື້ນີ້ ເປັນວັນປຸ້ມລຸມ ສາມັກຄີກັນ ຫຼັງຈາກເກີດເຫດໂຈມຕີ


ລັດຖະສະພາ Tunisia ໄດ້ຮ້ອງຂໍໃຫ້ມື້ນີ້ ເປັນມື້ທີ່ສະໝານ
ສາມັກຄີກັນ ເປັນນ້ຳນຶ່ງໃຈ ດຽວກັນ ຫຼັງຈາກທີ່ມືປືນໄດ້ເປີດ
ສາກລະດົມຍິງເຂົ້າໃສ່ຜູ້ຄົນ ຢູ່ສະຖານທີ່ພວກນັກທ່ອງທ່ຽວ
ມັກພາກັນໄປທ່ຽວກັນຫຼາຍທີ່ສຸດແຫ່ງນຶ່ງ ຊຶ່ງໄດ້ສັງຫານ
19 ຄົນ ແລະບາດເຈັບ ຫຼາຍກວ່າ 40 ຄົນນັ້ນ.

ປະທານລັດຖະສະພາທ່ານ Mohamed Enaceur ໄດ້ກ່າວ
ໃນລະຫວ່າງກອງປະຊຸມນັດພິເສດກັນໃນແລງວັນພຸດວານ
ນີ້ວ່າ “ເປົ້າໝາຍຂອງການໂຈມຕີແມ່ນແນ່ໃສ່ລັດຖະສະພາ
ແລະຫໍພິ​ພິດທະພັນຂອງປະເທດ ຊຶ່ງສະຖານທີ່ເຫຼົ່ານີ້ ເປັນສັນ
ຍາລັກຂອງປະເທດແລະການໂຈມຕີຄັ້ງນີ້​ແມ່ນການເຕືອນ
ທີ່ບອກໃຫ້ພວກເຮົາຮູ້ວ່າພວກກໍ່ການຮ້າຍໃນປະຈຸບັນນີ້ໄດ້ປ່ຽນແປງໄປ ຊຶ່ງມັນເກີດຂຶ້ນ
ໃນຕົວເມືອງຂອງພວກເຮົາແລະເພັ່ງເລັ່ງໃສ່ໃນອັນທີ່ເປັນສັນຍາລັກຂອງປະເທດຂອງ
ພວກເຮົາ.

ນາຍົກລັດຖະມົນຕີ Habib Essid ລະບຸໂຕພວກມືສັງຫານນັ້ນວ່າແມ່ນທ້າວ Yassine Laabidi ແລະທ້າວ Hatem Khachnaoui. ທ່ານໄດ້ກ່າວວ່າ ພວກເຂົາໄດ້ແຕ່ງຕົວ
ໃນຊຸດເຄື່ອງແບບທະຫານ ເວລາທີ່ພວກເຂົາຕາມລ່າແລະແລ່ນໄລ່ ພວກນັກທ່ອງທ່ຽວ
ໃນຫໍພິ​ພິດທະພັນ Bardo ທີ່ນະຄອນ Tunis ກ່ອນທີ່ຈະໄດ້ຈັບຕົວປະກັນກຸ່ມນ້ອຍໆກຸ່ມ
ນຶ່ງນັ້ນ.

ຕຳຫຼວດໄດ້ສັງຫານພວກໂຈມຕີທັງ 2 ໃນການປະຕິບັດງານປ່ອຍຕົວປະກັນ ແລະທາງເຈົ້າ
ໜ້າທີ່ໄດ້ກ່າວວ່າ ພວກເຂົາເຈົ້າກຳລັງຕາມຫາອີກ 3 ຄົນ ທີ່ສັນນິຖານວ່າອາດໃຫ້ການ
ຊ່ອຍເຫຼືອໃນການໂຈມຕີຄັ້ງນີ້.

ເຈົ້າໜ້າທີ່ຍີ່ປຸ່ນ ໄດ້ກ່າວໃນວັນພະຫັດມື້ນີ້ວ່າ ພວກເສຍຊີວິດໃນຄັ້ງນີ້ ແມ່ນຮວມທັງ
ຊາວຍີ່ປຸ່ນ 3 ຄົນ. ທ່ານ Essid ໄດ້ກ່າວວ່າ ຊາວ Tunisia 2 ຄົນ ແມ່ນຮວມຢູ່ໃນ
ພວກເຄາະຮ້າຍນັ້ນ ພ້ອມທັງຜູ້ຄົນຈາກ ເຢຍຣະມັນ ອີຕາລີ ໂປແລນ ແລະສະເປນ.

Tunis, Tunisia

Tunis, Tunisia

ໂທລະພາບຂອງ Tunisia ໄດ້ອອກຂ່າວ ກ່ຽວກັບພວກນັກທ່ອງ
ທ່ຽວທີ່ເປັນຜູ້ເຖົ້າແລະເດັກ ນ້ອຍພາກັນແລ່ນໜີອອກຈາກ
ສະຖານທີ່ເກີດເຫດ ພາຍໃຕ້ການຊ່ອຍເຫຼືອຂອງກອງກຳລັງ
ຮັກສາຄວາມປອດໄພ. ໂຄສົກກະຊວງພາຍໃນ ໄດ້ກ່າວວ່າ
ມີຢ່າງນ້ອຍ 100 ຄົນ ຢູ່ພາຍໃນຫໍພິ​ພິດທະພັນ ໃນເວລາ
ທີ່ໄດ້ທີເກີດການໂຈມຕີຂຶ້ນນັ້ນ.

ໃນຄຳປາໄສທາງໂທລະພາບຕໍ່ປະເທດຊາດໃນແລງວັນພຸດວານນີ້
ປະທານາທິບໍດີ Beji Caid Essebsi ໄດ້ກ່າວວ່າ “ຂ້າພະເຈົ້າ
ຕ້ອງການຢາກຈະໃຫ້ຊາວ Tunisia ເຂົ້າໃຈກ່ອນອື່ນໝົດ ແລະທ້າຍສຸດ ກໍຄືວ່າພວກເຮົາ
ກຳລັງເຮັດສົງຄາມກັບພວກກໍ່ການຮ້າຍ ແລະພວກປ່າເຖື່ອນຊຶ່ງເປັນຊົນກຸ່ມນ້ອຍນີ້ ຈະບໍ່
ເຮັດໃຫ້ພວກເຮົາຫວັ່ນໄຫວແລະຢ້ານກົວແຕ່ຢ່າງໃດເລີຍ”

XS
SM
MD
LG