ລິ້ງ ສຳຫລັບເຂົ້າຫາ

ທາງການ ຕູນີເຊຍ ກຳລັງຊອກຫາ ຜູ້ສົມຮູ້ຮ່ວມຄິດ ໃນການກໍ່ການຮ້າຍ


ພາຍຖ່າຍຈາກວີດີໂອຂອງ ໂທລະພາບ ຕູນີເຊຍ TV1 ສະແດງ ໃຫ້ເຫັນຄົນບາດເຈັບ ໄດຮັບການປິ່ນປົວຢູ່ເທິງຊາຍຫາດຂອງ ຣີສອດ ເມືອງ Sousse, 26 ມິຖຸນາ 2015.

ພາຍຖ່າຍຈາກວີດີໂອຂອງ ໂທລະພາບ ຕູນີເຊຍ TV1 ສະແດງ ໃຫ້ເຫັນຄົນບາດເຈັບ ໄດຮັບການປິ່ນປົວຢູ່ເທິງຊາຍຫາດຂອງ ຣີສອດ ເມືອງ Sousse, 26 ມິຖຸນາ 2015.

ເຈົ້າ​ໜ້າ​ທີ່ ຕູ​ນີ​ເຊຍ ກຳລັງ​ຊອກ​ຫາພວກ​ທີ່​ອາດ​ເປັນຜູ້​ສົມຮູ້​ຮ່ວມ​ຄິດໃນ​ການ​ໂຈມ​ຕີ​ຄົນ​ຈຳນວນ​ຫຼາຍ ​ເມື່ອ​ວັນ​ສຸກ​ທີ່​ຜ່ານ​ມາຢູ່​ຣີສອດແຄມ​ທະ​ເລ ທີ່ເຮັດ​ໃຫ້ 38 ຄົນ​ເສ​ຍຊີວິດ.

​ໂຄສົກ​ກະຊວງ​ພາຍ​ໃນ ທ່ານ Mohamed Ali Aroui ​ໄດ້​ກ່າວ​ຕໍ່​ບັນດາ​ນັກ​ຂ່າວ​ໃນ​ວັນ​ອາທິດ​ວານ​ນີ້​ວ່າ ເຖິງ​ແມ່ນມີພວກ​ຫົວ​ຮຸນ​ແຮງ
ຕູ​ນີເຊຍ ພຽງ​ຄົນ​ດຽວ​ເປັນ​ຜູ້​ທຳ​ການ​ໂຈມຕີກໍ​ຕາ​ມ ​ແຕ່​ເຈົ້າ​ໜ້າ​ທີ່​ເຊື່ອ​ວ່າ​ ​ຕ້ອງ​ມີ​ຄົນ​ຊ່ວຍ​ເຫຼືອ​ຜູ້ກ່ຽວ ກ່ອນ​ໜ້າ​ນີ້.

ທ່ານ Aroui ກ່າວ​ວ່າ ໄດ້​ມີ​ການ​ພົບ​ເຫັນໂທລະສັບ​ມື​ຖື​ຂອງ​ມື​ປືນ ​ແລະ ຄອບຄົວ​ຂອງ​ຜູ້ກ່ຽວ​ກໍ​ໄດ້​ຖືກ​ສອບຖາມ.

ພວກ​ເຄາະ​ຮ້າຍທີ່​ຖືກ​ຂ້າ ​ສ່ວນ​ໃຫຍ່​ແມ່ນ​ຊາວ ອັງກິ​ດ ​ໃນ​ຂະນະ​ທີ່​ຄົນ​ອື່ນ​ແມ່ນ​ຄົນ​ສັນຊາດ ​ເຢຍລະ​ມັນ, ໄອ​ແລ​ນດ໌, ​ແບ​ລ​ຈຽມ ​ແລະ Portugal.

ນາຍົກລັດຖະມົນຕີ ອັງ​ກິດ ທ່ານ David Camaron ​ໄດ້​ຂຽນ​ຂໍ້ຄວາມ​ໃນ​ໜັງສື​ພິມ The Daily Telegraph ວ່າ ການໂຈມ​ຕີ​ມື້​ວັນ​ສຸກ​ໃນ​ປະ​ເທດ ຕູ​ນິີເຊຍ, ​ພ້ອມ​ດ້ວຍ​ການລະ​ເບີດ​ຢູ່​ວັດອິສລາມ ​ໃນ​ປະ​ເທດ ຄູ​ເຫ​ວດ ທີ່​ເຮັດ​ໃຫ້ 27 ຄົນ​ເສຍຊີວິດ ​ແລະ ການ​ໂຈມ​ຕີ​ຮ້າຍ​ແຮງ​ຢູ່​ໂຮງງານເຄມີ​ ໃນ​ປະ​ເທດ ຝຣັ່ງ ​ແມ່ນ​ສ່ວນ​ໜຶ່ງຂອງ ​“​ຜີມານ​ຊົ່ວ​ຮ້າຍ” ທີ່​ພົບ​ເຫັນ​ໃນ​ການ​ໂຈມ​ຕີອື່ນໆ ຂອງ​ພວກ​ຫົວ​ຮຸນ​ແຮງ.

ທ່ານ Cameron ​ກ່າວຕໍ່​ໄປ​ວ່າ ​ ​“​ແຕ່​ວ່າ​ພວກ​ເຮົາ​ຈະ​ບໍ່ຍອມ​ປ່ອຍ​ໃຫ້​ຕົນ​ເອງ​ຖືກ​ຂົ່ມ​ຂູ່​. ນອກຈາກ​ຄວາມ​ສະ​ເທືອ​ນ​ໃຈ​ ​ແລະ ຄວາມ​ເສຍ​ໃຈ​ຂອງ​ພວກ​ເຮົານັ້ນ​ແລ້ວ ​ເຮົາ​ຕ້ອງ
ເພີ່​ມອີກຄຳ​ເວົ້າ​ໜຶ່ງ​ໃສ່ ນັ້ນ​ກໍ​ຄື​ຄວາມ​ຕັ້ງ​ໃຈ​ອັນເດັດດ່ຽວ ຄວາມ​ຕັ້ງ​ໃຈທີ່ໝັ້ນຄົງ​ບໍ່ສັ່ນ​ຄອນ. ພວກ​ເຮົາ​ຈະ​ລຸກ​ຂຶ້ນ​ ຢືນ​ຢັດເພື່ອ​ວິຖີ​ຊີ​ວິດ​ຂອງພວກ​ເຮົາ.”

XS
SM
MD
LG