ລິ້ງ ສຳຫລັບເຂົ້າຫາ

ການກ່າວອ້າງ ຂອງທ່ານ Trump ກ່ຽວກັບ ການໂກງຄະແນນ ການເລືອກຕັ້ງ ບໍ່ແມ່ນ ເລື້ອງທີ່ໜ້າຫົວ


ຜູ້ສະໝັກເປັນປະທານາທິບໍດີ ຂອງພັກຣີພັບບລີກັນ ທ່ານ Donald Trump ໂຄສະນາຫາສຽງ ທີ່ເມືອງ Delawareໃນລັດ Ohio.

ຜູ້ສະໝັກເປັນປະທານາທິບໍດີ ຂອງພັກຣີພັບບລີກັນ ທ່ານ Donald Trump ໂຄສະນາຫາສຽງ ທີ່ເມືອງ Delawareໃນລັດ Ohio.

ປະທານາທິບໍດີ​ບາຣັກ ​ໂອບ​າມາກ່າວ​ວ່າ ການ​ຢືນ​ຢັດ​ຂອງ​ຜູຸ້ສະໝັກ​ເປັນ​ປະທາ​ນາ​ທິບໍດີ ​ຂອງ​ພັກຣີພັບ​ບລີ​ກັນ ທ່ານ Donald Trump ທີ່ວ່າ ການ​ປ່ອນບັດ​ ໃນ​ວັນ​ທີ 8 ພະຈິກ ມີ​ການ​ໂກງ​ຄະ​ແນນ​ສຽງ​ຂອງ​ທ່ານ​ນັ້ນ ​ເປັນ​ເລື້ອງທີ່​ບໍ່ໜ້າ​ຢາກຫົວ​ເລີຍ.

​ໃນ​ລະຫວ່າງ​ການ​ໂຄສະນາ​ຫາ​ສຽງ​ໃຫ້​ແກ່​ທ່ານ​ນາງ Hillary Clinton ທີ່​ນະຄອນ​ໄມ​ອາ ​ມີ​ໃນ​ວັນ​ພະຫັດ​ວານ​ນີ້ ທ່ານ​ໂອ​ບາ​ມາ​ ກ່າວ​ວ່າ ທ່ານ Trump ​ໄດ້​ປ່ຽນ​ທ່າ​ທີ ກ່ຽວ​ກັບ​ວ່າ​ທ່ານຈະ​ຮັບ​ເອົາຫຼືບໍ່ການ​ຕັດສິນ​ໃຈຂອງ​ຜູ້​ມີ​ສິດ​ປ່ອນ​ບັດ​ຊາວ​ອາເມ​ຣິກັນ​ໃນ​ການ​ເລືອກ​ຕັ້ງປະທານາທິບໍດີ​ໃນ​ເດືອນ​ໜ້ານີ້ ແມ່ນ​ເປັນ​ໄພ​ອັນຕະລາຍຕໍ່​ປະຊາທິປະ​ໄຕ. ທ່າ​ທີ​ຫຼ້າ​ສຸດ​ຂອງ​ທ່ານ Trump ທີ່​ໄດ້​ປະກາດ​ໃນວັນ​ພະຫັດ​ຜ່ານ​ມາ ປາກົດ​ວ່າ​ແມ່ນ​ເພື່ອ​ເວົ້າຕະ ຫລົກກັບ​ພວກ​ສະໜັບສະໜຸນທ່ານ​ຢ່າງ​ແຂງ​ຂັນ​ໂດຍ​ກ່າວວ່າ ​ແນ່ນອນ​ທ່ານ​ຈະ​ຮັບ​ເອົາ​ຜົນ​ຂອງ​ການ​ເລືອກ​ຕັ້ງ ຕາບ​ໃດ​ທີ່​ມັນສະ​ແດງ​ໃຫ້​ເຫັນ​ວ່າ ທ່ານ​ເປັນ​ຜູ້​ຊະນະ.

ໃນ​ລະຫວ່າງ​ການ​ໂຕ້​ວາທີ ​ຜູ້​ສະໝັກ​ປະທານາທິບໍດີ​ ເທື່ອ​ສຸດ​ທ້າຍ​ ໃນ​ແລງ​ວັນ​ພຸດຜ່ານ​ມາທີ່​ນະຄອນ Las Vegas ທ່ານ Trump ບໍ່​ຍອມ​ໃຫ້​ຄຳ​ໝັ້ນສັນຍາວ່າທ່ານ​ຈະ​ຮັບ​ເອົາ​ຜົນ​ຂອງ​ການ​ເລືອ​ກຕັ້ງ ​ແຕ່​ກັບ​ກ່າວ​ວ່າທ່ານ​ຕ້ອງການ​ຢາກ​ໃຫ້ປະ​ເທດ​ຊາດ “ລໍຖ້າ​ຟັງ​ຕໍ່​ໄປ”. ຄຳ​ຖະ​ແຫຼງຂອງ​ຜູ້ສະໝັກ ​ແມ່ນ​ຂັດ​ແຍ້​ງກັບ ​ການໃຫ້​ຄຳ​ໝັ້ນສັນຍາ ທີ່​ໄດ້​ໃຫ້​ໄວ້​ບໍ່​ເທົ່າ​ໃດ​ຊົ່ວ​ໂມງ​ກ່ອນ​ໜ້ານັ້ນ​ໂດຍ​ຜູ້​ສະໝັກ​ເປັນຮອງປະທານາທິບໍດີ​ຮ່ວມ​ກັບ​ທ່ານ ​ເຈົ້າ ໜ້າ​ທີ່​ຂັ້ນສູງ​ຂອງ​ການ​ໂຄສະນາ​ຫາ​ສຽງ ​ແລະ​ລູກ​ສາວ ​ພ້ອມ​ທັງ​ເປັນ​ທີ່​ປຶກສາ​ຂອງ​ທ່ານ ນາງ​ Ivanka Trump.

ປະທານາທິບໍດີ​ໂອ​ບາ​ມາ ກ່າວ​ຢູ່​ທີ່​ລັດ​ຟລໍຣິດາ​ວ່າ “​ເວລາ​ທ່ານ ​ພະຍາຍາມ ​ທີ່​ຈະຫວ່ານ ແກ່ນໃນ​ຄວາມ​ສົງ​ໄສ​ ລົງ​ໃສ່​ຈິດ​ໃຈ​ຂອງ​ຜູ້​ຄົນ ກ່ຽວ​ກັບ​ຄວາມ​ຖຶຶກຕ້ອງ​ຊອບທຳ ​ໃນ​ການ​ເລືອກ​ຕັ້ງຂອງ​ພວກ​ເຮົາ​ແລ້ວນັ້ນ​ແມ່ນ​ບ່ອນ​ທຳລາຍ​ຕໍ່​ລະບອບ​ປະຊາທິປະ​ໄຕຂອງ​ພວກ​ເຮົາ. ຈາກ​ນັ້ນທ່ານ​ແມ່ນ​ກຳລັງ​ເຮັດ​ວຽກ​ໃຫ້​ແກ່​ສັດຕູ​ຂອງພວກ​ເຮົາ.”

ທ່ານ​ໂອ​ບາ​ມາ​ໄດ້​ໂຈມຕີຢ່າງແຮງ ຕໍ່​ການ​ກ່າວ​ອ້າງ​ ຂອງ​ທ່ານ Trump ທີ່​ເວົ້າວ່າ​ທ່ານ​ຮູ້​ວ່າ​ໃນ​ເວລາ​ນີ້ ຈະ​ມີ​ການ​ສໍ້​ໂກງ ຢ່າງ​ກວ້າງຂວາງ ​ແລະ​ການ​ເລືອກຕັ້ງ ຈະມີ​ການໂກງ​ຄະ​ແນນ​ໂດຍ​ບໍ່​ໄດ້​ກ່າວ​ເຖິງ​ຫຼັກ​ຖານ​ໃດໆ ຊຶ່ງ​ໃນ​ຄວາມ​ເປັນ​ຈິງ​ແລ້ວ​ແມ່ນ ​ໃຫ້​ຮ່ອງຮອຍ​ວ່າ ທ່ານ​ອາດ​ຈະ​ບໍ່​ຍອມຮັບ​ເອົາ​ການ​ເສຍ​ໄຊ ຊຶ່ງ​ການ​ຢັ່ງ​ຫາງ​ສຽງເກືອບ​ວ່າ​ທັງ​ໝົດແມ່ນ​ທຳ ນາຍ​ວ່າ ພວມ​ລໍຖ້າ​ທ່ານ​ຢູ່​ນັ້ນ.

ນອກ​ນັ້ນປະທານາທິບໍດີກໍ​ບໍ່​ໄດ້​ໃຫ້​ຄວາມ​ສຳຄັນຕໍ່​ສະມາຊິກ​ສະພາ​ສູງຈາກ​ລັດຟລໍຣິດາ ທ່ານ Marco Rubio ຊຶ່ງ​ຄັ້ງນຶ່ງ ​ເຄີຍ​ສະໝັກ​ປະທານາທິບໍດີ ແຂ່ງ​ກັບທ່ານ Trump ​ໃນ​ລະຫວ່າງ​ການ​ເລືອກ​ຕັ້ງຂັ້ນຕົ້ນ. ທ່ານ Rubio ​ໄດ້​ຖືກ​ປະນາມ​ຊ້ຳແລ້ວ​ຊ້ຳ​ອີກໂດຍ​ທ່ານ Trump ​ດ້ວຍ​ຄຳ​ເວົ້າ​ແບບ​ຖາກ​ຖາກ ​ໝິ່ນປະໝາດ ກ່ອນ​ທີ່​ຈະ​ຖອນ​ຕົວ ​ອອກ​ຈາກ​ການ​ແຂ່ງຂັນແຕ່​ໃນ​ເວລາ​ຕໍ່​ມາທ່ານ​ກໍ​ໄດ້​ໃຫ້ການ​ສະໜັບສະໜຸນ​ຕໍ່​ທ່ານ Trump ​ແລະ​ຍັງ​ສືບ​ຕໍ່​ໃຫ້ການ​ສະໜັບສະໜຸນ​ຜູ້ກ່ຽວ ທັງໆ​ທີ່​ໄດ້​ເກີດ​ບັນຫາ​ໂຕ້​ແຍ້​ງ​ໃນ​ເດືອນ​ນີ້ ກ່ຽວ​ກັບ​ການ​ໃຫ້​ຄວາມ​ເຫັນ​ແບບລາມົກຂອງ​ທ່ານ Trump ຕໍ່​ພວກ​ແມ່ຍິງ​ຈຳນວນ​ນຶ່ງ​ ​ແລະ​ການ​ກ່າວ​ຫາ​ໂດຍ ພວກ​ແມ່ຍິງ​ຫລາຍ​ກວ່າ​ສິບ​ຄົນ ທີ່​ເວົ້າວ່າ ​ພວກ​ເຂົາ​ເຈົ້າ​ ໄດ້​ຕົກ​ເປັນ​ເຫ​ຍື່ອ ​ໃນ​ການລວນ​ລາມ​ທາງ​ເພດ​ຂອງ​ທ່ານ Trump ນັ້ນ.

Error rendering storify.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG