ລິ້ງ ສຳຫລັບເຂົ້າຫາ

ການສົນທະນາ ລະຫວ່າງ ທ່ານທຣຳ ແລະ ທ່ານນາງເຊຍ ສະທ້ອນ ໃຫ້ເຫັນທ່າທີ ອັນເຂັ້ມແຂງ ຕໍ່ຈີນ


ລັດຖະມົນຕີ ຄົມມະນາຄົມ ຂອງທ່ານທຣຳ ທ່ານນາງ Elaine Chao ໄດ້ພົບປະກັບ ປະທານາທິບໍດີ ຂອງ ໄຕ້ຫວັນ ທ່ານນາງ Tsai Ing-wen ໃນເດືອນຕຸລາ ຜ່ານມາ.

ຜູ້ຊ່ວຍດ້ານນະໂຍບາຍການຕ່າງປະເທດ ຈາກພັກຣີພັບບລີກັນ ຂອງສະຫະລັດ ເດີນທາງໄປເຖິງໄຕ້ຫວັນ ໃນຕອນເຊົ້າວັນອັງຄານມື້ນີ້ ເພື່ອການຢ້ຽມຢາມ​ເປັນ​ເວລາໜຶ່ງສັບປະດາ ຊຶ່ງອາດປະກອບດ້ວຍການພົບປະ ກັບ ປະທານາທິບໍດີ ຂອງ ໄຕ້ຫວັນ ທ່ານນາງ Tsai Ing-wen ຫຼັງຈາກ ທ່ານນາງ ໄດ້ສະແດງຄວາມຍິນດີ ຕໍ່ປະທານາທິບໍດີ ທີ່ຖືກເລືອກໃໝ່ ທ່ານ Donald Trump ໃນລະຫວ່າງ ການໂອ້ລົມ ທາງໂທລະສັບ ເມື່ອວັນສຸກແລ້ວນີ້.

ການໂອ້ລົມກັນ ທີ່ທ່ານທຣ້ຳເປັນຜູ້ໂທໄປຫາ ແມ່ນໄດ້ຖືກມອງກັນວ່າ ເປັນການສະ ທ້ອນໃຫ້ເຫັນ​ເຖິງທັດສະນະ ທີ່​ຢາກ​ໃຫ້​ເອົາ​ທ່າ​ທີຢ່າງ​ແຂງ​ຂັນ ຂອງພວກທີ່ປຶກສາ ທ່ານທຣຳ ທີ່ວ່າ ວໍຊິງຕັນ ຄວນສືບ​ຕໍ່ຄວາມສຳພັນຂອງຕົນ ກັບປັກກິ່ງ ຈາກ “ທ່າທີ ທີ່ີແຂງຂັນ.”

ປະທານ ມູນນິທິ ມໍລະດົກ ທ່ານ Edwin Feulner ໄດ້ພົບປະ ກັບ ປະທານາທິບໍດີ ຂອງໄຕ້ຫວັນ ທ່ານນາງ Tsai Ingwen ໃນເດືອນຕຸລາ. ທ່ານ Feulner ປະກົດວ່າ ຮູ້ເນື້ອໃນ ຂອງການສົນທະນາ ລະຫວ່າງ ທ່ານ Trump ກັບ ທ່ານນາງ Tsai.

ປະທານ ມູນນິທິ ມໍລະດົກ ທ່ານ Edwin Feulner ໄດ້ພົບປະ ກັບ ປະທານາທິບໍດີ ຂອງໄຕ້ຫວັນ ທ່ານນາງ Tsai Ingwen ໃນເດືອນຕຸລາ. ທ່ານ Feulner ປະກົດວ່າ ຮູ້ເນື້ອໃນ ຂອງການສົນທະນາ ລະຫວ່າງ ທ່ານ Trump ກັບ ທ່ານນາງ Tsai.


ມັນແມ່ນເດືອນພະຈິກ ປີ 1987 ເວລາ ທ່ານ Stephan Yates ຊຶ່ງໃນຕອນ ນັ້ນ ເປັນນັກເຜີຍແຜ່ສາສະໜາ Mormon ທີ່ໄດ້ເດີນທາງໄປເຖິງໄຕ້ຫວັນເປັນຄັ້ງທຳອິດ. ທ່ານເຄີຍຂີ່ລົດເມ​ເປັນ​ເວລາຫຼາຍຊົ່ວໂມງໃນການເດີນທາງລະຫວ່າງ ເມືອງໃຫຍ່ຕ່າງໆ ຮວມທັງເມືອງ Changhwa ແລະ Kaohsiung ບ່ອນທີ່ທ່ານອາໄສຢູ່ເປັນເວລາ 2 ປີ.

3 ທົດສະວັດ ຕໍ່ມາ ຫຼາຍຢ່າງໄດ້ປ່ຽນແປງໄປ. ພື້ນຖານໂຄງລ່າງທີ່ທັນສະໄໝ ແລະ ຕຶກອາຄານສູງຫຼາຍຊັ້ນຕ່າງໆ ແມ່ນຈະໄດ້​ເຫັນ​ກັນໄປທົ່ວທຸກແຫ່ງ ຕາມເສັ້ນທາງ ລົດໄຟຄວາມໄວສູງ ທີ່ເຮັດໃຫ້ການສັນຈອນໄປມາສະດວສະບາຍຂຶ້ນກວ່າເກົ່າ. ໂດຍບໍ່ໄດ້ກ່າວເຖິງ ລະບອບປະຊາທິປະໄຕທີ່ມີ​ອາຍຸ​ຫຼາຍຂຶ້ນ ບ່ອນທີ່ມີການໂອນ
ອຳນາດ ຢ່າງ​ສັນຕິຫຼາຍຄັ້ງ ຈາກພັກໜຶ່ງໄປໃຫ້ອີກພັກໜຶ່ງ ໄດ້ເກີດຂຶ້ນນັ້ນ.

ທ່ານ Yates ຊຶ່ງ​ໃນ​ເວລານີ້ ເປັນປະທານ ພັກຣີພັບບລີກັນຂອງລັດ Idaho ໄດ້ກ່າວ ຕໍ່ວີໂອເອ ໃນວັນອັງຄານມື້ນີ້ ວ່າ “ຖ້າຈີນແຜ່ນດິນໃຫຍ່ ຢ່າກຈັດຕັ້ງສາຍສຳພັນອັນດີ ກັບປະຊາຊົນໄຕ້ຫວັນ ພວກເຂົາເຈົ້າຕ້ອງນັບຖືການປະຕິຮູບທາງດ້ານການເມືອງ ແລະ ລະບອບປະຊາທິປະໄຕ ຂອງໄຕ້ຫວັນ ດ້ວຍຕົວ ຢ່າງຂອງປະທານາທິບໍດີ ທີ່ຖືກເລືອກໃໝ່ ທ່ານທຣຳ.”

ດ້ວຍການບໍ່ໃຫ້ມີສຽງດັງນັ້ນ ທ່ານ Yates ໄດ້ກ່າວວ່າ ທ່ານ ບໍ່ໄດ້ນຳເອົາສານໃດໆ ມາໃຫ້ ທ່ານນາງ Tsia ໃນນາມຂອງທ່ານທຣຳ.

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG