ລິ້ງ ສຳຫລັບເຂົ້າຫາ

ທ່ານ Trump ​ເລີ້ມ​ຊອກ​ຫາ​ ທີ່​ປຶກສາ​ ສຳລັບ ການໂອນອຳນາດ ທີ່ອາດມີຂຶ້ນ


ທ່ານ Donald Trump ຂຶ້ນກ່າວຖະແຫຼງການ ທີ່ເມືອງ Spokane, ລັດວໍຊີງຕັນ, 7 ພຶດສະພາ, 2016.

ທ່ານ Donald Trump ຂຶ້ນກ່າວຖະແຫຼງການ ທີ່ເມືອງ Spokane, ລັດວໍຊີງຕັນ, 7 ພຶດສະພາ, 2016.

ຜູ້​ທີ່​ຄາດ​ວ່າ​ຈະ​ຖືກແຕ່ງ​ຕັ້ງໃຫ້​ເປັນ​ຕົວ​ແທນຂອງ​ພັກ Republican ​ໃນ​ການ​ແຂງ​ຂັນ​ເປັນ​ປະທານາທິບໍດີ​ສະຫະລັດ ທ່ານ Donald Trump ແມ່ນ​ໄດ້​ເລີ້ມ​ຊອກ​ຫາ​ບັນດາ​ທີ່​ປຶກສາ​ຄົນ​ສຳຄັນໆ ​ໃນ​ການ​ເອົາ​ບາດກ້າວ​ໄປ​ສູ່​ທຳນຽບຂາວ ​ຖ້າ​ຫາກ​ທ່ານຊະນະການເລືອກ​ຕັ້ງທົ່ວໄປ ໃນ​ເດືອນ​ພະຈິກ​ທີ່​ຈະ​ມາ​ເຖິງ​ນີ້.

ມະ​ຫາ​ເສດຖີ ​ອະສັງຫາລິມະ​ສັບ ​ໃນ​ວັນ​ຈັນ​ວານ​ນີ້ ​ໄດ້​ສະ​ເໜີ​ຊື່​ຊອງ​ຜູ້​ປົກຄອງ​ລັດ New Jersey ທ່ານ Chris Christie ນຶ່ງ​ໃນ​ຜູ້​ທ້າ​ທາຍ​ຂອງ​ພັກ Republican ​ທີ່ໄດ້​ປາ​ໄຊ​ຕໍ່​ທ່ານ Trump ​ໃນ​ການຫາ​ສຽງເປັນ​ເວລາ​ຍາວນານ​ຫຼາຍ​ເດືອນ​ນັ້ນ ​ໃຫ້ດຳລົງ​ຕຳ​ແໜ່​ງ​ເປັນ​ປະ ທານ ​ຂອງ​ຄະນະ​ມອບ​ໂອນ​ອຳນາດ​ຂອງ​ທ່ານ ຖ້າ​ຫາກ​ວ່າ ທ່ານ​ຈະ​ໄດ້​ຮັບ​ໄຊຊະນະ​ເປັນ​ຜູ້​ສືບ​ທອດ​ຕຳ​ແໜ່​ງ ​ຕໍ່​ຈາກ​ປະທາ​ນາ​ທິບໍດີ ​ບາຣັກ ໂອ​ບາ​ມາ.

ປະທານສະພາຕ່ຳ ທ່ານ Paul Ryan (R-WI) ຖະແຫຼງຂ່າວ ໃນ Capitol Hill ວໍຊີງຕັນ, 17 ມີນາ, 2016.

ປະທານສະພາຕ່ຳ ທ່ານ Paul Ryan (R-WI) ຖະແຫຼງຂ່າວ ໃນ Capitol Hill ວໍຊີງຕັນ, 17 ມີນາ, 2016.

ທ່ານ Christie ກໍ​ຄ້າຍຄື​ກັນ​ກັບ ທ່ານ Trump ​ໃນ​ການ​ເປັນ​ຜູ້​ທີ່​ກ້າ​ປາກກ້າ​ເວົ້າ​ຕໍ່​ສາທາ
ລະນະ ທີ່ໄດ້ຖອນ​ຕົວ​ອອກ​ຈາກ​ການ​ເປັນ​ຜູ້​ແຂງ​ຂັນ​ເອົາ​ປະທາ​ນາທີ​ບໍດີ ​ໃນ​ເດືອນ​ກຸມພາ​ຜ່ານ​ມາ​ນີ້ ຫຼັງ​ຈາກ​ທີ່​ໄດ້​ຕົກ​ມາ​ເປັນ​ຜູ້​ທີ 6 ຂອງ​ການ​ເລືອກ​ຕັ້ງ​ຂັ້ນ​ຕົ້ນ ​ໃນ​ລັດ​ New Hampshire ທາງ​ພາກ​ເໜືອ​ຂອງ​ສະຫະລັດ ຊຶ່ງ​ທ່ານ Trump ​ໄດ້​ຊະນະ. ທ່ານ Christie ​ແມ່ນ​ໄດ້​ສະ​ເໜີ​ຊື່​ທ່ານ Trump ​ໃນ​ການຖືກ​ແຕ່ງ​ຕັ້ງໃຫ້​ເປັນ​ຕົວ​ແທນຂອງ​ພັກ Republican ​ໃນ​ການແຂ່ງຂັນເພື່ອ​ເປັນ​ປະທານາທິບໍດີ ​ແລະ​ກໍ​ໄດ້ຕິດຕາມ​ແລະ​ປະກົດ ຕົວ ​ໃນ​ຫຼາຍໆ​ໂອກາດຂອງ​ການ​ຫາ​ສຽງ​ຕ່າງໆ​ນຳ.

ພວກ​ນັກວິ​ໄຈ​ທາງ​ການ​ເມືອງ​ບາງ​ຄົນ ​ໄດ້​ເອີຍ​ຊື່​ຂອງທ່ານ Christie ​ໄວ 53 ປີ ຜູ້​ຊຶ່ງຄັ້ງ​ນຶ່ງ​ເຄີຍ​ດຳລົງ​ຕຳ​ແໜ່​ງ​ເປັນ​ໄອ​ຍະ​ການ ຊຶ່ງ​ມີ​ຄວາມ​ເປັນ​ໄປ​ໄດ້​ສູງ​ທີ່​ຈະ​ເຂົ້າ​ຮ່ວມ​ການແຂ່ງຂັນ​ຮ່ວມ​ກັນ​ກັບທ່ານ Trump ​ໃນ​ຖານະ​ຮອງ​ປະທາ​ນາ​ທິບໍດີ ​ເຖິງ​ແມ່ນ​ວ່າ ທ່ານ Trump ຍັງ​ບໍ່​ທັນ​ໄດ້​ປະກາດ​ຕໍ່​ສາທາລະນະ​ຊົນ​ເທື່ອ​ວ່າ ​ແມ່ນຜູ້​ໃດ​ກັນ​ແທ້​ທີ່​ທ່ານ​ຈະ​ເລືອກ​ເຂົ້າ​ຮ່ວມ​ເປັນ​ຄະນະ​ດຽວ​ກັນ​ນັ້ນ.

ກະລຸນາ ອ່ານຂ່າວນີ້ເພີ້ມຕື່ມເປັນພາສາອັງກິດ

XS
SM
MD
LG