ລິ້ງ ສຳຫລັບເຂົ້າຫາ

ທ່ານ Trump ກ່າວວ່າ ຖ້າຖືກເລືອກ ທ່ານຈະນຳໃຊ້ ນະໂຍບາຍ ກວດປະຫວັດ ຄົນເຂົ້າເມືອງ


ທ່ານ Trump ຜູ້​ສະໝັກ​ເປັນ​ປະທານາທິບໍດີາະຫະລັດ ສັງກັດ​ພັກ Republican ກ່າວຄຳປາໄສ ທີ່ມະຫາວິທະຍາໄລ Youngstown, ເມືອງ Youngstown, ລັດ Ohio, 15 ສິງຫາ, 2016.

ທ່ານ Trump ຜູ້​ສະໝັກ​ເປັນ​ປະທານາທິບໍດີາະຫະລັດ ສັງກັດ​ພັກ Republican ກ່າວຄຳປາໄສ ທີ່ມະຫາວິທະຍາໄລ Youngstown, ເມືອງ Youngstown, ລັດ Ohio, 15 ສິງຫາ, 2016.

ທ່ານ Donald Trump ໃນ​ວັນ​ຈັນ​ວານ​ນີ້ ໄດ້​ຮຽກ​ຮ້ອງ​ໃຫ້​ມີ​ການກວດ​ປະຫວັດ ​ແບບລົງ​ເລິກ ຫຼື “extreme vetting” ທີ່​ຮວມທັງ​ການກວດກາ​ໃນ​ດ້ານ​ອຸດົມ​ການ ​ເພື່ອ​ໃຫ້​ແນ່ນອນ​ວ່າ ມີແຕ່​ພວກ​ທີ່​ຍຶດໝັ້ນ​ໃນ​ຫລັກການ​ຕ່າງໆ​ຂອງ​ສະຫະລັດ​ແລະ​ໃຫ້ການ​ນັບຖື​ຊາວ​ອາ​ເມຣິ ກັນ​ເທົ່າ​ນັ້ນ ຈະ​ສາມາດ​ຍົກຍ້າຍ​ເຂົ້າ​ມາ​ໃນ​ສະຫະລັດ​ໄດ້.

ຜູ້​ສະໝັກ​ເປັນ​ປະທານາທິບໍດີສັງກັດ​ພັກ Republican ​ໄດ້ເປີດ​ເຜີຍ​ເຖິງ​ນະ​ໂຍບາຍຄົນ​ເຂົ້າ ​ເມືອງ​ແລະ​ນະ​ໂຍບາຍການ​ຕ່າງປະ​ເທດ​ຂອງ​ທ່ານ ​ໃນ​ວັນ​ຈັນ​ວານ​ນີ້ ຕໍ່​ພວກ​ທີ່​ສະໜັບ ສະໜຸນ​ທ່ານ ​ໃນ​ເມືອງ Youngstown, ລັດ Ohio ຊຶ່ງ​ໄດ້​ມີ​ສຽງ​ໂຮ​ຮ້ອງ​ສະໜັບ​ສະ​ໜຸນ​ທ່ານ​ເປັນ​ໄລຍະໆ ທີ່​ຮ້ອງ​ອອກ​ມາ​ວ່າ “Trump Trump Trump”ຊຶ່ງ​ໄດ້​ລົບ​ກວນ​ການ​ກ່າວ​ຖະ​ແຫຼງ​ການ​ຂອງ​ທ່ານ​ນັ້ນ.

ເບິ່ງ: ທ່ານ Trump ກ່າວເຖິງນະໂຍບາຍຂອງທ່ານກ່ຽວກັບກຸ່ມກໍ່ການຮ້າຍ


ທ່ານ Trump ​ໄດ້ກ່າວ​ວ່າ ຖ້າ​ຫາກ​ທ່ານ​ຫາກ​ຖືກ​ເລືອກ​ ​ທ່ານ​ຈະ​ໄດ້​ຈັດ​ຕັ້ງ ​ນະ​ໂຍບາຍ ​ຄົນ​ເຂົ້າ​ເມືອງ​ໃໝ່ ທີ່​ຈະມີ​ຄວາມ​ເຂັ້ມ​ແຂງ​ ຊຶ່ງ​ຈະ​ເປັນ​ນະ​ໂຍບາຍທີ່​ພວກ​ຄົນ​ເຂົ້າ​ເມືອງຈະຕ້ອງ​ຜ່ານ​ການກວດ​ປະຫວັດ ​ເພື່ອ​ໃຫ້​ເປັນ​ທີ່​ແນ່ນອນ​ວ່າ ສະຫະລັດ​ຈະ​ບໍ່​ຮັບ​ເອົາ​ພວກ​ຫົວ ຮຸນ​ແຮງ​ຈັດແລະ​ພວກ​ທີ່ມີ​ຄວາມ​ກຽດ​ຊັງ ​ຕະຫລອດ​ທັງພວກ​ທີ່​ບໍ່​ເຊື່ອ​ໃນ​ກົດໝາຍ​ລັດຖະທຳ​ມະນູນ​ສະຫະລັດ.

ທ່ານ Trump ກ່າວ​ວ່າ ທ່ານ​ຈະ​ໂຈະ​ເປັນ​ການ​ຊົ່ວຄາວ​ພວກ​ຄົນ​ເຂົ້າ​ເມືອງ​ຈາກ​ບັນດາ​ປະ​ເທດ​ທີ່​ທ່ານ​ເອີ້ນ​ວ່າ ບັນດາ​ປະ​ເທດ​ທີ່​ມີ​ຄວາມ​ວຸ້ນວາຍ ​ແລະ​ເປັນ​ອັນຕະລາຍຂອງ​ໂລກ ທີ່​ມີ​ປະຫວັດສະໜັບສະໜຸນ​ການກໍ່​ການ​ຮ້າຍ.

ເຊີນຊົມວີດີ: ທ່ານ Biden ກ່າວເຖິງທ່ານ Trump


ທ່ານ Trump ​ໄດ້ກ່າວ​ວ່າ ການຫລັ່ງ​ໄຫລ​ເຂົ້າມາ​ຂອງ​ພວກ​ຄົນ​ເຂົ້າ​ເມືອງ​ຍັງ​ສະຫະລັດ ນັ້ນ​“ແມ່ນ​ມີ​ຈຳນວນຫຼາຍ​ໂພດ ຕໍ່​ການ​ກວດກາ​ຢ່າງ​ເຂັ້ມ​ງວດ ທີ່​ຖືກຕ້ອງ​ໄດ້”

ຖ້າ​ຫາກ​ທ່ານ​ໄດ້​ເປັນ​ປະທານາທິບໍດີ ທ່ານ Trump ​ໄດ້ກ່າວ​ວ່າ ​ນະ​ໂຍບາຍການ​ຕ່າງປະ​ເທດ ​ແມ່ນ​ຈະ​ເພັ່ງ​ເລັງ​ໃສ່ການ​ກຳຈັດ ​ການ​ເຜ່ລະບາດ​ຂອງ​ພວກ​ຫົວ​ຮຸນ​ແຮງ​ຈັດ​ອິສລາມ ​ແລະ​ໄດ້​ກ່າວ​ວ່າ ປະ​ເທດໃດ​ມີ​ຈຸດປະສົງແບບ​ດຽວ​ກັບທ່ານ​ແລ້ວ ຈະ​ຖື​ວ່າ​ເປັນ​ພັນທະ​ມິດ.

ທ່ານ Paul Manafort ປະທານກອງຫາສຽງຂອງທ່ານ Trump ກ່າວກັບພວກນັກຂ່າວ ໃນກອງປະຊຸມຫຼວງ Republican, Quicken Loans Arena, 17 ກໍລະກົດ, 2016, ໃນ Cleveland.

ທ່ານ Paul Manafort ປະທານກອງຫາສຽງຂອງທ່ານ Trump ກ່າວກັບພວກນັກຂ່າວ ໃນກອງປະຊຸມຫຼວງ Republican, Quicken Loans Arena, 17 ກໍລະກົດ, 2016, ໃນ Cleveland.

​ທ່ານ Trump ​ໄດ້ກ່າວ​ຢ່າງ​ຍືດຍາວ ​ເຖິງລາຍ​ຊື່​ຂອງການ​ໂຈມ​ຕີ​ຂອງ​ພວກ​ກໍ່ການ​ຮ້າຍ ທີ່​ກະທຳ​ໂດຍພວກ​ຫົວ​ຮຸນ​ແຮງ​ຈັດ​ອິດສລາມ ​ໃນສະຫະລັດ ​ແລະ​ຢູ​ໂຣບ ທ່ານໃຫ້ຄຳ​ໝັ້ນ​ສັນຍາ​ວ່າ ທ່ານຈະ​ຈັດ​ກອງ​ປະຊຸມ​ນາໆ​ຊາດ ​ເພື່ອ​ການ​ຕໍ່ສູ້ ໃນ​ອັນ​ທີ່​ທ່ານ​ອະທິບາຍ​ວ່າ ​ເປັນ “​ແນວ​ຄິດແຫ່ງ​ຄວາມ​ຕາຍ ທີ່​ຈະຕ້ອງ​ຖືກ​ດັບ​ມອດ​ໃຫ້​ໝົດ​ໄປ.”

ທ່ານ​ໄດ້​ໂຈມ​ຕີ ທັງ​ປະທານາທິບໍດີ​ບາຣັກ ​ໂອ​ບາ​ມາ ​ແລະ​ທ່ານ​ນາງ Hillary Clinton ​ໃນ​ຂະນະ​ທີ່​ທ່ານ​ນາງ​ດຳລົງ​ຕຳ​ແໜ່​ງ​ເປັນລັດຖະມົນຕີ​ການ​ຕ່າງປະ​ເທດ ທີ່​ສະ​ແດງ​ອອກໃນອັນ​ທີ່​ທ່ານ​ເອີ້ນ​ວ່າ ​ເປັນ​ການ​ຜິດ​ຜາດ​ໃນ​ການ​ຕັດສິນ​ໃນ​ເລື້ອງອິຣັກ ຊີ​ເຣຍ ​ແລະ​ລີ​ເບຍ.

​ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG