ລິ້ງ ສຳຫລັບເຂົ້າຫາ

ທ່ານ ທຣຳ ກຳລັງແຍກຕົນເອງ ອອກຈາກ ມະຫາອານາຈັກ ທຸລະກິດທົ່ວໂລກ


ຊື່ຂອງທ່ານ ທຣຳ ຢູ່ຫໍຄອຍ ແລະ ໂຮງແຮມ Trump International Tower ໃນນະຄອນ ຊິຄາໂກ, ລັດ ອີລີນອຍ. 14 ມັງກອນ, 2016.

ປະທານາທິບໍດີ ສະຫະລັດ ທີ່ຖືກເລືອກໃໝ່ທ່ານ Donald Trump ກ່າວວ່າ ທ່ານກຳລັງ​ແຍກຕົນເອງຢ່າງ​ຊີ້ນ​ເຊີງອອກຈາກມະຫາອານາ ຈັກທຸລະກິດທົ່ວໂລກຂອງທ່ານ ເພື່ອ ຫຼີກລ່ຽງການຂັດຜົນປະໂຫຍດ ກັບການປົກຄອງປະເທດ ໃນເວລາທີ່ທ່ານເຂົ້າກຳອຳນາດ ໃນວັນທີ 20 ມັງກອນປີໜ້າ.

ທ່ານ Trump ຜູ້ທີ່ຈະກາຍເປັນປະທານາທິບໍດີ ທີ່ຮັ່ງມີທີ່ສຸດຂອງ ສະຫະລັດ​ໃນ​ໄວໆ​ນີ້ ໄດ້ກ່າວໃນການຂຽນຄຳເຫັນຫຼາຍຄັ້ງລົງ Twitter ໃນວັນພຸດວານນີ້ວ່າ ທ່ານຈະສະຫຼະ ການຄວບຄຸມພວກໂຮງແຮມ, ສະໜາມກອລ໌ຟ, ບ້ານພັກຕາກອາກາດ, ຜະລິດຕະພັນ ຕ່າງໆທີ່ມີຍີ່ຫໍ້ Trump, ອາຄານຫ້ອງການ ແລະ ອະສັງຫາລິມະຊັບຕ່າງໆ ທີ່ບາງເທື່ອມີ ມູນຄ່າຫຼາຍພັນລ້ານໂດລາ ແລະ ຂະຫຍາຍໄປທົ່ວ ສະຫະລັດ ແລະອີກ 18 ປະເທດ.

ກົດໝາຍບໍ່ໄດ້ບັງຄັບໃຫ້ທ່ານ Trump ຂາຍ​ການ​ຖື​ຮຸ້ນຂອງທ່ານ, ແຕ່ທ່ານໄດ້ກ່າວວ່າ ທ່ານຮູ້ສຶກວ່າ “ມັນມີຄວາມສຳຄັນຢ່າງເຫັນໄດ້ຊັດໃນຖານະເປັນປະທານາທິບໍດີ, ທີ່ຈະ ບໍ່ຂັດຜົນປະໂຫຍດ ກັບທຸລະກິດທີ່ຫຼາກຫຼາຍຂອງຂ້າພະເຈົ້າ.”

ທ່ານໄດ້ກ່າວວ່າ “ຕຳແໜ່ງປະທານາທິບໍດີ ແມ່ນໜ້າທີ່ທີ່ມີຄວາມສຳຄັນຫຼາຍ.”

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG