ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ທ່ານ Trump ຕ້ອງຕິ ການຄວບຄຸມປືນ ທ່ານໂອບາມ ແລະ ທ່ານນາງ Clinton ຢູ່ບ່ອນ ໂຄສະນາຫາສຽງ


ຜູ້ສະໝັກເປັນປະທານາທິບໍດີ ສັງກັດພັກຣີພັບບລີກັນ ທ່ານ Donald Trump ພວມໂຄສະນາຫາສຽງ ທີ່ນະຄອນ Houston ລັດ Texas. (17 ມິຖຸນາ 2016)
ຜູ້ສະໝັກເປັນປະທານາທິບໍດີ ສັງກັດພັກຣີພັບບລີກັນ ທ່ານ Donald Trump ພວມໂຄສະນາຫາສຽງ ທີ່ນະຄອນ Houston ລັດ Texas. (17 ມິຖຸນາ 2016)

ຜູ້ທີ່​ຄາດ​ວ່າ ​ຈະ​ໄດ້​ຮັບ​ການສະ​ເໜີ​ຊື່​ແຕ່ງຕັ້ງ​ເປັນ​ຜູ້​ສະໝັກ​ປະທານາທິບໍດີ​ຂອງພັກ​ຣີພັບ ບລີ​ກັນ ​ໄດ້​ໃຊ້​ຄຳ​ເວົ້າທີ່​ບໍ່​ສຸພາບ ​ໃນ​ການ​ໂຄສະນາ​ຫາ​ສຽງ​ທີ່​ລັດ​ເທັກຊັສ ​ໃນ​ຄືນວັນ​ສຸກ ວານ​ນີ້​ ໃນ​ການ​ກ່າວ​ເຖິງ​ມື​ປືນ ທ້າວ Omar Mateen ທີ່ໄດ້​ຍິງສັງຫານຢູ່​ບາ​ກະ​ເທີຍ​ໃນເມືອງ Orlando ລັດ Florida ທີ່​ໄດ້​ສັງຫານ 49 ຄົນ​ແລະ​ໄດ້​ຮັບ​ບາດ​ເຈັບ​ອີກ 53 ຄົນ.

ນອກ​ນັ້ນ ທ່ານ Donald Trump ຍັງ​ໄດ້​ກ່າວ​ຕໍ່​ຝູງ​ຊົນ​ເຖິງ​ຜົນ​ຂອງ​ຄ່ຳ​ຄືນ​ທີ່​ເສົ້າ​ໂສກ​ດັ່ງ ກ່າວອາດ​ຈະແຕກ​ຕ່າງ​ໄປ​ຈາກ​ນີ້ ຖ້າ​ພວກ​ທີ່​ໄປ​ທ່ຽວ​ບາຫາກ​ມີ​ອາ ວຸດ​ປືນ.

ມະຫາ​ເສດ​ຖີພັນ​ລ້ານ ​ກ່າວ​ຕໍ່​ຝູງ​ຊົນ​ທີ່​ພາກັນ​ໂຮ່ຮ້ອງ​ຊົມ​ເຊີຍ​ວ່າ “ຖ້າຈຳນວນ​ນຶ່ງ​ຂອງ​ຜູ້​ຄົນ​ເຫລົ່ານັ້ນຫາກ​ມີ​ປືນ​ຄັດ​ຢູ່ນີ້ ຄັດ​ໃສ່​ແອວ​ຫລື​ຫົວ​ເຂົ່າ​ຂອງ​ເຂົາ​ເຈົ້າ​ແລະທ້າວ​ໂຈນ​ຊົ່ວ​ອອກ​ມາ ​ແລະ​ເລີ້ມຍິງ​ສັງຫານ ​ແລະ​ນຶ່ງ​ໃນ​ຜູ້​ຄົນ​ທີ່ຢູ່​ໃນ​ຫ້ອງ​ບັງ​ເອີນມີ​ປືນແລະ​ກໍ​ເລີ້ມຍິງ​ຕອບ​ໂຕ້ ບຸ້ມ ບຸ້ມ ບຸ້ມ ພວກ​ທ່ານ​ຄົງ​ຮູ້​ວ່າ​ມັນຄົງ​ຈະ​ເປັນ​ພາບ​ທີ່​ສວຍ​ງາມ​ສຳລັບ​ສາຍຕາ.”

ພ້ອມ​ດຽວ​ກັນນີ້ ທ່ານ Trump ຍັງ​ໄດ້​ຕຳ​ໜິຕິຕຽນ ​ປະທານາທິບໍດີ​ບາຣັກ ​ໂອ​ບາມາ ຊຶ່ງ​ອີກຄັ້ງນຶ່ງ​ໄດ້​ຮຽກຮ້ອງ​ໃຫ້​ຄວບ​ຄຸມ​ປືນ​ເຄັ່ງ​ຄັດ​ຂຶ້ນກວ່າ​ເກົ່າ​ຫລັງ​ຈາກ​ໄດ້​ມີ​ການ​ສັງຫານ ໝູ່ຢູ່​ເມືອງ Orlando. ປະທານາທິບໍດີ​ໂອ​ບາ​ມາ ກຳລັງ​ພະຍາຍາມນຳ​ເອົາ​ເລື້ອງກໍ່​ການ​ຮ້າຍ​ ເຂົ້າມາ​ພົວພັນ​ກັບ​ປືນ ​ແລະ​ພວກ​ທ່ານ​ຄົງ​ຮູ້​ມັນ​ບໍ່​ແມ່ນ​ປືນ. ທ່ານ Trump ກ່າວ​ວ່າ “ມັນ​ບໍ່​ແມ່ນ​ປືນ ​ມັນ​ແມ່ນພວກ​ຫົວ​ຮຸນ​ແຮງ ມັນ​ແມ່ນ​ຄວາ​ມກຽດ​ຊັງ. ມັນ​ແມ່ນ​ຄວາມ​ກຽດ​ຊັງ​ທີ່​ຝັງ​ເລິກ​ຢູ່​ໃນ​ຈິດ​ໃຈ.”

ສ່ວນ​ຄູ່​ແຂ່ງ​ຂອງ​ທ່ານ Trump ຈາກ​ພັກ​ເດ​ໂມ​ແຄ​ຣັດກໍ​ບໍ່​ສາມາດ​ຫຼົບ​ຫຼີກ​ໄປຈາກ​ຄວາມ ໂກດ​ແຄ້ນ​ຂອງ​ທ່ານ​ໄດ້​ເຊັ່ນ​ດຽວ​ກັນ. ທ່ານ​ໄດ້​ກ່າວ​ຕໍ່​ພວກ​ສະໜັບສະໜຸນ​ທ່ານ​ວ່າ ທ່ານ​ນາງ Hillary Clinton ຢາກ​ອະນຸຍາດ​ໃຫ້​ພວກ​ອົບ​ພະຍົບ​ເຂົ້າມາ​ໃນ​ສະຫະລັດຈາກ​ປະ​ເທດ​ຕ່າງໆ ບ່ອນ​ທີ່​ພວກ​ເຂົາ​ເຈົ້າຕ້ອງການ ຢາກ​ສັງຫານ​ພວກ​ກະ​ເທີບ​ແລະ​ຈັບ​ເອົາ​ພວກ​ແມ່ຍິງ​ໄປ​ເປັນ​ຂ້າ​ທາດ ແລະ​ທ່ານນາງ Clinton ຢາກ​ໃຫ້​ພວກ​ເຂົາ ​ຫລັ່ງ​ໄຫລ​ເຂົ້າມາ​ໃນ​ປະ​ເທດ​ນີ້.

ພວກ​ຜູ້ນຳ​ ຂອງ​ພັກ​ຣີພັບ​ບລີ​ກັນ​ບາງ​ຄົນ ​ຂໍ​ຮ້ອງ​ໃຫ້​ທ່ານ Trump ຜ່ອນ​ເບົາ​ສຳນວນ​ໂວ ຫານ​ຂອງ​ທ່ານ​ລົງ ​ແຕ່​ທ່ານ​ໄດ້​ປະຕິ​ເສດ​ແບບ​ບໍ່​ເອົາ​ຫົວຊາ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG