ລິ້ງ ສຳຫລັບເຂົ້າຫາ

ປ. ທຣໍາວ່າ ອິສຣາ​ແອ​ລ​ແລະ ປາ​ແລ​ສ​ໄຕ​ນ໌ ອາດມີຂໍ້​ຕົກ​ລົງສັນຕິພາບ​ ນໍາກັນໄດ້


ປະທານາທິບໍດີ ດໍໂນລ ທຣໍາ ຈັບມືກັບຜູ້ນຳປາແລສໄຕນ໌ ທ່ານ Mahmoud Abbas ໃນໄລຍະທີ່ມີການພົບປະກັນທີ່ທໍານຽບຂາວ, ນະຄອນວໍຊິງຕັນ ໃນວັນທີ 3 ພຶດສະພາ 2017

ປະທານາທິບໍດີ ດໍ​ໂນ​ລ ທຣໍາ ອາດ​ຈະ​ໝັ້ນໃຈວ່າ​ທ່ານ​ສາມາດ​ຊ່ວຍໃນ​ການເຈລະຈາ​
ຂໍ້​ຕົກ​ລົງສັນຕິພາບ​ຄັ້ງ​ປະຫວັດສາດ ລະຫວ່າງ​ອິສຣາ​ແອ​ລ ​ແລະ​ປາ​ແລ​ສ​ໄຕ​ນ໌ນັ້ນ​ໄດ້.
​ແຕ່​ບໍ່ຕ້ອງ​ໄປ​ຖາມ​ທ່ານ​ວ່່າ ຂໍ້​ຕົກລົງ​ສັນຕິພາບນັ້ນ​ແມ່ນເປັນ​ໄປ​ຢ່າງ​ໃດ ​ເພາະປະກົດ​
ວ່່າ ທ່ານ​ຈະບໍ່​ບອກໃຫ້​ຮູ້​ດອກ.

ຜູ້ຍິງຄົນນຶ່ງກໍາລັງອ່ານໜັງສືພິມ ໃນຂະນະທີ່ໂທລະພາບສາຍໃຫ້ເຫັນການພົບປະກັນລະຫວ່າງ ປ. ດໍໂນລ ທຣໍາຂອງສະຫະລັດ ແລະທ່ານ Benjamin Netanyahu ນາຍົກລັດຖະມົນຕີອິສຣະແອລ ທີ່ນະຄອນວໍຊິງຕັນຢູ່ຂ້າງຮ້ານຂາຍກາເຟ ຢູ່ນະຄອນ Tel Aviv ຂອງອິສຣະແອລ ໃນວັນທີ 15 ກຸມພາ 2017
ຜູ້ຍິງຄົນນຶ່ງກໍາລັງອ່ານໜັງສືພິມ ໃນຂະນະທີ່ໂທລະພາບສາຍໃຫ້ເຫັນການພົບປະກັນລະຫວ່າງ ປ. ດໍໂນລ ທຣໍາຂອງສະຫະລັດ ແລະທ່ານ Benjamin Netanyahu ນາຍົກລັດຖະມົນຕີອິສຣະແອລ ທີ່ນະຄອນວໍຊິງຕັນຢູ່ຂ້າງຮ້ານຂາຍກາເຟ ຢູ່ນະຄອນ Tel Aviv ຂອງອິສຣະແອລ ໃນວັນທີ 15 ກຸມພາ 2017

ຢູ່ໃນໄລຍະ​ທີ່​ມີການ​ປະຊຸມກັບປະທານາທິບໍດີ ປາ​ແລ​ສ​ໄຕ​ນ໌ ທ່ານ Mahmood
Abbasໃນ​ອາທິດ​ນີ້ ປະທານາທິບໍດີ​ທຣໍາ ​ໄດ້​ສະ​ແດງ​ອອກ​ມາ​ໃຫ້​ເຫັນ​ຄັ້ງ​ແລ້ວ ຄັ້ງ
​ເຫລົ່າ ວ່າ​ທ່ານ​ມີ​ຄວາມ​ຫວັງ ວ່າ ຈະ​ມີ “ຂໍ້ຕົກລົງ” ຫລື ການ​ເຫັນ​ດີ​ນໍາ​ກັນ ຫລື ​ຖ້າ​ຈະ
​ເວົ້າແບບ​ກວ້າງໆ ກວ່າ​ນັ້ນກໍ​ຄື ​ເປັນ​ການຈັດ​ແຈ​ງທີ່​ຈະ​ເຮັດ​ໃຫ້​ເກີດ “ສັນຕິພາບ” ລະ
ຫວ່າ​ງສອງ​ປະ​ທດ​ໄດ້.

ປ້າຍທີ່ຂຽນເປັນພາສາອາຣັບສະໜັບສະໜຸນໃຫ້ຕັ້ງອິສຣະແອລ ແລະປາແລສໄຕນເປັນປະເທດດຽວ.
ປ້າຍທີ່ຂຽນເປັນພາສາອາຣັບສະໜັບສະໜຸນໃຫ້ຕັ້ງອິສຣະແອລ ແລະປາແລສໄຕນເປັນປະເທດດຽວ.

ອັນ​ທີ່​ເຫັນ​ແຈ້ງ​ວ່າ​ຂາດຢູ່​ໃນ​ຄຳ​ຖະ​ແຫລ​ງຂອງປະທານາທິບໍດີ​ທຣໍາ ກໍ​ຄື​ຫລັກ​ຖານ​ອ້າງ
​ອີງ ​ການ​ແກ້​ໄຂ​ທີ່​ແບ່ງ​ເປັນ​ສອງ​ປະ​ເທດ ຫລື​ແນວ​ຄິດທີ່​ໃຫ້ປາ​ແລ​ສ​ໄຕນ໌ ​ຕັ້ງປະ​ເທດ
ຊຶ່ງ​ສະຫະລັດ​ໄດ້​ເຫັນ​ວ່າ​ເປັນຜົນທີ່​ເພິ່ງປາດ​ຖະໜາຂອງ​ການ​ເຈລະ​ຈາ​ສັນຕິພາບ​ຕາ​
ເວັນ​ອອກ​ກາງ.

ການ​ທີ່​ສິ່ງ​ອ້າງ​ອີງ​ນັ້ນຂາດ​ໄປ ບໍ່​ແມ່ນ​ວ່າ​ຈະ​ບໍ່ມີ​ສັງ​ເກດ​ຮູ້.

ກໍາມະກອນຊາວປາແລສໄຕນກໍາລັງສ້າງອາຄານຫລັງນຶ່ງຢູ່ຄຸ້ມ Maale Adumim ຊຶ່ງເປັນເຂດຕັ້ງຖິ່ນຖານໃໝ່ ຢູ່ໃກ້ນະຄອນເຢຣູຊາແລມ ໃນວັນທີ 7 ກຸມພາ 2017
ກໍາມະກອນຊາວປາແລສໄຕນກໍາລັງສ້າງອາຄານຫລັງນຶ່ງຢູ່ຄຸ້ມ Maale Adumim ຊຶ່ງເປັນເຂດຕັ້ງຖິ່ນຖານໃໝ່ ຢູ່ໃກ້ນະຄອນເຢຣູຊາແລມ ໃນວັນທີ 7 ກຸມພາ 2017

ທ່ານ Hanan Ashrawi ສະມາຊິກ​ຂອງ​ຄະນະ​ກໍາມະການ​ບໍລິຫານ​ຂອງ​ອົງການ​ປົດ​
ປ່ອຍ ປາແລັສ​ໄຕ ​ໄດ້​ກ່າວ​ຕໍ່ວີ​ໂອ​ເອວ່າ “ທ່ານໄດ້​ສັງ​ເກດ​ບໍ່ວ່າ ທ່ານ​ທຣໍາບໍ່​ເຄີຍ​ເວົ້າ
ຄໍາ​ວ່າ ປາແລັສ​ໄຕ​ເລີຍ?” “ຂ້າພະ​ເຈົ້າຄິດ​ວ່າ ​ເບິ່ງ​ຈັ່ງ​ນຶ່ງ ທ່ານ​ທຣໍາກໍາລັງໄຂວ່​ຂວາ​
ໄປ​ຈາກ​ນະ​ໂຍບາຍ​ຂອງ​ອາ​ເມຣິກາກ່ຽວກັບ​ມັດ​ຕິໃນ​ການ​ຕັ້ງ​ເປັນ​ສອງ​ປະ​ເທດທີ່​ມີ​ມາ​
ແຕ່ດົນ​ນານນັ້ນ.”

ອ່ານຂ່າວນີ້ເພີ້ມເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG