ລິ້ງ ສຳຫລັບເຂົ້າຫາ

ລັດຖະບານ ທ່ານທຣຳ ຈະເປີດ ທຸກຊ່ອງທາງ ກ່ຽວກັບ ດຳລັດ ຫ້າມເດີນທາງ


ນາງ Beth Kohn ປະທ້ວງ ດຳລັດຫ້າມເດີນທາງ ຂອງ ປ. ທຣຳ ຢູ່ນອກສານອຸທອນເຂດ 9 ທີ່ນະຄອນ ແຊນແຟຣນຊິສໂກ. (7 ກຸມພາ 2017)

ນາງ Beth Kohn ປະທ້ວງ ດຳລັດຫ້າມເດີນທາງ ຂອງ ປ. ທຣຳ ຢູ່ນອກສານອຸທອນເຂດ 9 ທີ່ນະຄອນ ແຊນແຟຣນຊິສໂກ. (7 ກຸມພາ 2017)

ປະທານາທິບໍດີ​ສະຫະລັດ ທ່ານ​ດໍ​ໂນ​ລ ທຣຳ ກ່າວ​ວ່າ ທ່ານ​ກຳລັງ​ພິຈາລະນາ “ດຳລັດ​ສະ ບັບ​ໃໝ່” ກ່ຽວ​ກັບ​ພວກ​ຄົນ​ເຂົ້າ​ເມືອງ ຫລັງ​ຈາກ​ສານ​ອຸທອນ ໄດ້​ຕັດສິນ​ ຢ່າງ​ເປັນ​ເອກ​ກະ ສັນ ບໍ່​ເຫັນ​ພ້ອມ​ກັບ​ຄຳ​ສັ່ງ​ຫ້າມ​ພວກ​ອົບ​ພະຍົບ ​ແລະ​ປະຊາ​ຊົນ​ຈາກ 7 ປະ​ເທດ​ທີ່​ປະຊາ ຊົນ​ສ່ວນ​ໃຫຍ່ນັບຖື​ສາສະໜາ​ອິສລາມ ​ເຂົ້າມາໃນ​ສະຫະລັດ.

ທ່ານ​ທຣຳ ກ່າວ​ຕໍ່​ພວກ​ນັກ​ຂ່າວ ​ເທິງ​ເຮືອບິນ​ປະຈຳ​ຕຳ​ແໜ່​ງປະທານາທິບໍດີ ​ໃນວັນ​ສຸກ​ວານ​ນີ້ວ່າ ດຳລັດ​ສະບັບ​ໃໝ່ ອາດ​ຈະ​ນຳ​ອອກ​ມາ​ໃຊ້ ​ພາຍ​ໃນ​ວັນ​ຈັນ ຫຼືວັນ​ອັງຄານ​ຈະ​ມານີ້ ຖ້າ​ລັດຖະບານ​ຫາກ​ຕັດ​ສິນ​ໃຈ​ ທີ່​ຈະ​ດຳ​ເນີນ​ການ ໃນ​ທິດທາງນັ້ນ.

ເບິ່ງ: ປ. ທຣຳ ກ່າວກ່ຽວກັບ ດຳລັດຫ້າມເດີນທາງ ເທິງເຮືອບິນ ປະຈຳຕຳແໜ່ງ

ທ່ານ​ກ່າວ​ວ່າ ການ​ເຄື່ອນ​ໄຫວ​ທີ່​ວ່າ​ນີ້ ອາດ​ຈະ​ໄວ​ກວ່າ​ການ​ຕໍ່ສູ້ ​ເພື່ອ​ປົກ​ປ້ອງ​ດຳລັດ​ສະ ບັບ​ປັດຈຸບັນທີ່​ກຳລັງ​ຢູ່​ໃນ​ສານ. ທ່ານ​ໃຫ້ການ​ອະທິບາຍ​ວ່າ “ພວກ​ເຮົາ​ຕ້ອງການ​ຄວາມ​ໄວ ຍ້ອນ​ເຫດຜົນ​ທາງ​ດ້ານ​ຄວາມ​ໝັ້ນຄົງ.”

ຫົວໜ້າ​ທີ່​ປຶກສາປະຈຳ​ທຳນຽບຂາວ ທ່ານ Reince Priebus ພະຍາຍາມ​ໃຫ້ຄວາມ​ກະ ຈ່າງ​ແຈ້ງ ​ແກ່​ພວກ​ນັກ​ຂ່າວ​ວ່າ ​ແນວ​ໃດ​ກໍ​ຕາມ ທຸກໆ​ທາງ​ເລືອກ​ ກ່ຽວກັບ​ ການ​ດຳ​ເນີນ​ການ​ຢູ່​ສານ ​ແມ່ນ​ບໍ່​ໄດ້​ມີ​ການ​ຍົກ​ເວັ້ນ ຮວມທັງ​ການ​ຂໍ​ອຸທອນ​ຕໍ່ຄຳ​ຕັດສິນ​ຂອງສານ​ເຂດ 9 ເພື່ອ​ໂຈະ​ເປັນ​ການ​ຊົ່ວຄາວ ​ຕໍ່​ການ​ນຳ​ໃຊ້​ດຳລັດ ຕະຫລອດ​ເຖິງ​ສານ​ສູງ​ສຸດ ຮວມທັງ​ການ​ຕໍ່ສູ້​ຄະ​ດີ ກ່ຽວ​ກັບ​ຜົນ​ດີ​ທີ່​ສົມຄວນ​ຈະ​ໄດ້​ຮັບ​ການ​ຍົກ​ຍ້ອງ.

ເບິ່ງ: ສານອຸທອນ ປະຕິເສດທີ່ຈະຟື້ນຟູ ດຳລັດຫ້າມເດີນທາງ ຂອງ ປ. ທຣຳ

ຄວາມຜິດພາດຂອງ ເຊີເວີ

Oops, as you can see, this is not what we wanted to show you! This URL has been sent to our support web team to the can look into it immediately. Our apologies.

Please use Search above to see if you can find it elsewhere

ຂະນະ​ດຽວ​ກັນ ຜູ້​ພິພາກສາ​ທີ່​ບໍ່​ປະສົງ​ອອກ​ຊື່​ທ່ານ​ນຶ່ງຈາກ​ສານ​ອຸທອນ​ເຂດ 9 ​ໄດ້​ຮ້ອງ​ຂໍ​ໃຫ້​ພວກ​ຜູ້​ພິພາກສາ ​ທີ່​ເຮັດ​ວຽກ​ເຕັມ​ເວລາທັງ 25 ທ່ານ ລົງ​ຄວາມ​ເຫັນ​ກ່ຽວ​ກັບ​ວ່າ ການ​ໂຈະ​ດຳລັດ​ໃນ​ການ​ຫ້າມ​ເດີນທາງ​ຂອງ​ປະທານາທິບໍດີ​ເປັນ​ການ​ຊົ່ວຄາວນັ້ນຄວນ​ໄດ້​ຮັບ​ການ​ພິຈາລະນາ​ຄືນ​ໃໝ່ ​ຕໍ່ໜ້າ​ຄະນະ​ຜູ້​ພິພາກສາ 11 ທ່ານ​ຫຼື​ບໍ່ ອີງ​ຕາມ​ຄຳ​ສັ່ງ​ຂອງ​ສານ. ທັງ​ສອງ​ຝ່າຍ​ຂອງ​ຄະດີ​ນີ້ ​ໄດ້​ຖືກຮ້ອງ​ຂໍ​ ໃຫ້ສົ່ງ​ໃຈຄວາມ​ທີ່​ສຳຄັນໆ ​ໃຫ້​ແກ່​ສານ​ພາຍ​ໃນ ​ອາທິດ​ໜ້າ.

​ໃນ​ຕອນ​ເຊົ້າວັນ​ສຸກ​ວານ​ນີ້ ທ່ານ​ທຣຳ ກ່າວ​ວ່າ ທ່ານ​ບໍ່​ມີ “ຄວາມ​ສົງ​ໄສ​ໃດໆ” ທີ່​ທະນາຍ ຄວາມ​ຂອງ​ຝ່າຍ​ລັດຖະບານ​ ຈະ​ສາມາດ​ເອົາ​ຊະນະ​ການ​ຕັດສິນ​ ຂອງສານ​ອຸທອນ​ໄດ້.

​ໃນ​ຂະນະ​ນີ້ ພວກ​ເດີນທາງ​ຊາວ​ຕ່າງປະ​ເທດ ທີ່​ມີ​ວີ​ຊ່າ​ຄົບ​ຖ້ວນ​ສົມບູນຄາດ​ວ່າ ຍັຈະ​ສາ ມາດ​ເຂົ້າມາ​ໃນ​ສະຫະລັດ​ ໄດ້​ຢ່າງ​ບໍ່​ມີ​ອຸບປະສັກ​ໃດໆ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG