ລິ້ງ ສຳຫລັບເຂົ້າຫາ

ທ່ານ Trump ປະກາດ ແຜນການ 10 ຂໍ້ ກ່ຽວກັບ ນະໂຍບາຍ ຄົນເຂົ້າເມືອງ


ຜູ້​ສະ​ໜັກ​ເປັນປະທານາທິບໍດີ​ສະຫະລັດສັງກັດ​ພັກ Republican ທ່ານ Donald Trump ​ໄດ້​ກ່າວ​ເຖິງ​ນະ​ໂຍບາຍຄົນ​ເຂົ້າ​ເມືອງ​ຂອງ​ທ່ານ​ໃນຄືນ​ວັນ​ພຸດ​ວານ​ນີ້ ​ໂດຍໃຫ້​ບູລິ​ມະ​ສິດ​ໃນ​ການ​ຮັກສາ​ຄວາມ​ປອດ​ໄພ​ຊາຍ​ແດນ ແລະ​ຄ້ຳປະກັນ​ວ່າພວກ​ທີ່​ຈະ​ເຂົ້າ​ມາ​ໃນ​ສະຫະ ລັດນັ້ນ​ຕ້ອງ​ໃຫ້ການ​ເຄົາລົບ​ຕໍ່ຫລັກ​ຄຸນຄ່າ​ຂອງ​ປະ​ເທດນີ້.

ທ່ານ​ໄດ້​ກ່າວ​ຕໍ່​ພວກ​ສະໜັບສະໜຸນ​ທ່ານ​ໃນ​ລັດ Arizona ​ທາງ​ພາກ​ຕາ​ເວັນ​ຕົກ​ສຽງ​ໃຕ້​ຂອງປະ​ເທດ ​ໂດຍ​ໃຊ້​ພາ​ສາ​ທີ່​ໜັກ​ແໜ້ນກວ່າທີ່​ທ່ານ​ໄດ້​ກ່າວ​ກ່ອນ​ໜ້ານັ້ນຫລາຍ​ຊົ່ວ​ໂມງ​ທີ່ນະ​ຄອນ Mexico City ບ່ອນ​ທີ່​ທ່ານ​ໄດ້​ພົບ​ປະ ໃນ​ອັນ​ທີ່​ທ່ານ​ເອີ້ນ​ວ່າ ການ​ໂອ້​ລົມ​ສົນທະນາ​ທີ່ “ສຳຄັນ​ແລະ​ກົງ​ໄປ​ກົງ” ກັບ​ປະທານາທິບໍດີ Mexico ທ່ານ Enrique Pena Nieto.

ຜູ້ປະທ້ວງຄົນນຶ່ງ ຖືປ້າຍປະທ້ວງ ທ່ານ Donald Trump ຜູ້ສະໝັກເປັນປະທານາທິບໍດີສະຫະລັດ ສັງກັດພັກ Republican ທີ່ ສະຖານທີ່ Angel of Independence ໃນນະຄອນ Mexico City, Mexico, 31 ສິງຫາ, 2016.

ຜູ້ປະທ້ວງຄົນນຶ່ງ ຖືປ້າຍປະທ້ວງ ທ່ານ Donald Trump ຜູ້ສະໝັກເປັນປະທານາທິບໍດີສະຫະລັດ ສັງກັດພັກ Republican ທີ່ ສະຖານທີ່ Angel of Independence ໃນນະຄອນ Mexico City, Mexico, 31 ສິງຫາ, 2016.

ຕົວຢ່າງ​ສຳຄັນ​ຂອງ​ການ​ບໍ່​ລົງ​ຮອຍ​ກັນ​ ກໍ​ແມ່ນການ​ໃຫ້​ຄຳ​ໝັ້ນສັນຍາ​ຢ່າງ​ແຂງ​ຂັນມາ​ເປັນ​ເວລາ​ດົນ​ນານ​ແລ້ວ​ຂອງ​ທ່ານ Trump ​ທີ່​ຈະ​ສ້າງ​ກຳ​ແພງ ​ຕາມ​ຊາຍ​ແດນ ສະຫະລັດ ກັບ Mexico. ທ່ານ Trump ​ໄດ້​ກ່າວ​ວ່າ ຫຼັງຈາກທີ່​ທ່ານ​ໄດ້​ພົບ​ປະສົນທະນາກັບທ່ານ Pena Nieto ກ່ຽວ​ກັບ​ແຜນການ​ແລ້ວ ​ແຕ່​ວ່າ ບໍ່​ແມ່ນ​ການ​ກ່າວຢ້ຳ​ຂອງ​ທ່ານ Trump ທີ່​ວ່າ Mexico ຈະ​ເປັນ​ຜູ້​ຈ່າຍ​ຄ່າກຳ​ແພງ​ນີ້. ​ແຕ່​ເຖິງ​ຢ່າງ​ນັ້ນ​ກໍ​ຕາມ ທ່ານ Pena Nieto ​ໄດ້​ກ່າວ​ວ່າ Mexico ຈະ​ບໍ່ເປັນ​ຜູ້ຈ່າຍ.

​ແຕ່​ວ່າ ທ່ານ Trump ​ໄດ້​ເປີດ​ເຜີຍແຜນການ 10 ຂໍ້ ກ່ຽວ​ກັບ​ນະ​ໂຍບາຍຄົນ​ເຂົ້າ​ເມືອງ ​ຂອງ​ທ່ານ ທີ່ລັດ Arizona ຊຶ່ງ​ເປັນບ່ອນ​ທຳ​ອິດ ​ທີ່ກຳພ​ແງ​ອັນ “ສູງ, ​ແຂງ​ແຮງ​ແລ​ະສວຍ​ງາມ” ​ໄດ້​ສ້າງ​ຂຶ້ນ​.

ທ່ານ​ໄດ້​ກ່າວ​ວ່າ “ພວກ​ເຂົາເຈົ້າຍັງບໍ່​ຮູ້​ເທື່ອ​, ​ແຕ່​ວ່າ​ພວກ​ເຂົາ​ເຈົ້າ​ຈະ​ເປັນ​ຜູ້​ທີ່​ຈ່າຍ​ຄ່​າ​ເຮັດກຳ​ແພງ​ນີ້.” ຊຶ່ງ​ພວກ​ທີ່​ໄປ​ເຕົ້າ​ໂຮມຢູ່​ທີ່​ນັ້ນພາກັນ​ໂຮ​ຮ້ອງ​ອອກ​ມາ​ວ່າ “ສ້າງ​ກຳ​ແພງ​ນັ້ນ!”

ຜູ້ສະໜັກເປັນປະທານາທິບໍດີສະຫະລັດສັງກັດພັກ Republican ທ່ານ Donald Trump ກ່າວຖະແຫຼງການໃນເມືອງ Albuquerque, New Mexico.

ຜູ້ສະໜັກເປັນປະທານາທິບໍດີສະຫະລັດສັງກັດພັກ Republican ທ່ານ Donald Trump ກ່າວຖະແຫຼງການໃນເມືອງ Albuquerque, New Mexico.

ທ່ານ John Podesta ປະທານ​ຄະນະໂຄສະນາ​ຫາ​ສຽງ​ຂອງຜູ້​ສະ​ໜັກ​ເປັນປະທານາທິບໍດີ​ສະຫະລັດສັງກັດ​ພັກ Democrat ຂອງທ່ານ​ນາງ Hillary Clinton ​ໄ​ດ້ກ່າວເຖິງ ທ່ານ Trump ວ່າ ທ່ານ “ຊັອກ” ທີ່​ໄດ້​ອະທິບາຍ​ເຖິງ​ບັນຫາ​ຕ່າງໆ​ນາ​ໆ​ກັບ​ທ່ານ Pena Nieto.

“ສິ່ງ​ທີ່​ພວກ​ເຮົາ​ເຫັນ​ມື້​ນີ້ ຈາກ​ຜູ້​ຊາຍ​ຄົນ​ນຶ່ງ​ທີ່​ອ້າງ​ຕົນ​ວ່າ ​ເປັນ​ຜູ້​ທີ່​ສຸດ​ຍອດ​ຂອງ​ ‘ການ​ຕໍ່ລອງ’ ​ແມ່ນ​ວ່າ ທ່ານ ບໍ່​ມີຄວາມ​ກ້າ​ທີ່​ຈະ​ອະທິບາຍ ​ໃຫ້​ຄວາມ​ຮູ້​ເພື່ອ​ການ​ໂຄສະນາ​ຫາ​ສຽງທີ່​ທ່ານ​ໄດ້​ຮັບປາກ​ໄວ້ ຕອນ​ທີ່​ທ່ານ​ບໍ່​ຢູ່​ຊຶ່ງ​ໜ້າ​ກັບ​ພວກ​ທີ່ນິ​ໄສ​ດີ,” ຊຶ່ງ​ທ່ານ Podesta ​ໄດ້​ກ່າວ​ເຊັ່ນ​ນັ້ນ.

ຜູ້ສະໜັກເປັນປະທານາທິບໍດີສະຫະລັດສັງກັດພັກ Democrat ຂອງທ່ານນາງ Hillary Clinton ກ່າວຖະແຫຼງການໃນເມືອງ Reno, Nevada, 25 ສິງຫາ, 2016.

ຜູ້ສະໜັກເປັນປະທານາທິບໍດີສະຫະລັດສັງກັດພັກ Democrat ຂອງທ່ານນາງ Hillary Clinton ກ່າວຖະແຫຼງການໃນເມືອງ Reno, Nevada, 25 ສິງຫາ, 2016.

ຫຼັງ​ຈາກ​ຫຼາຍໆ​ສັບປະດາ​ທີ່​ມີ​ລາຍ​ງານ​ວ່າ ທ່ານ Trump ອາດ​ຈະ​ອ່ອນ​ຂໍ້​ລົງ ກ່ຽວ​ກັບ​ນະ​ໂຍບາຍ​ຂອງ​ຄົນ​ເຂົ້າ​ເມືອງ ທ່ານ​ໄດ້​ສະ​ເໜີ​ໃນແລງວັນ​ພຸດ​ວານ​ນີ້ ​ໂດຍຈະ​ຈ້າງບັນດາ​ເຈົ້າ​ໜ້າ​ທີ່ 5 ພັນ​ຄົນ ​ເພື່ອ​ລາດຕະ​ເວນຊາຍ​ແດນ ​ເພີ້​ມ​ເປັນ​ສາມ​ເທົ່າ ຂອງ​ຈຳນວນເຈົ້າ​ໜ້າ​ທີ່ປ້ອງ​ກັນຄົນ​ເຂົ້າ​ເມືອງ ​ແລະ​ຈະ​ຈັດ​ສົ່ງ​ເນລະ​ເທດ​ພວກ​ທີ່​ຖືກ​ຈັບ ​ໃນ​ການ​ເຂົ້າ​ມາ​ຍັງ​ສະຫະລັດ ​ແບບ​ຜິດ​ກົດໝາຍ. ທ່ານ​ໄດ້​ກ່າວ​ວ່າ ການ​ເຮັດ​ຜິດ​ກົດໝາຍ​ແລະ​ຜ່ານ​ຂ້າມມາ​ຈາກຊາຍ​ແດນ ຈະ​ຫຼຸດ​ໜ້ອຍ​ລົງ ​ແລະ​ພວກ​ໂຈນ​ອັນ​ຕະພານ​ຈະ​ຫລຸດ​ນ້ອຍລົງ.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG