ລິ້ງ ສຳຫລັບເຂົ້າຫາ

ທ່ານ Trump ແລະທ່ານນາງ Clinton ປະນາມ ກັນແລະກັນ ໃນການຫາສຽງ ປີ 2016 ນີ້


ຮູບພາບຂອງສອງຜູ້ສະໝັກ ປະທານາທິບໍດີສະຫະລັດ ທ່ານ Donald Trump, (ຊ້າຍ) ແລະທ່ານນາງ Hillary Clinton.

ຮູບພາບຂອງສອງຜູ້ສະໝັກ ປະທານາທິບໍດີສະຫະລັດ ທ່ານ Donald Trump, (ຊ້າຍ) ແລະທ່ານນາງ Hillary Clinton.

ທ່ານນາງ Hillary Clinton ​ແລະ ທ່ານ Donald Trump ໄດ້ກ່າວໂຈມ​ຕີກັນ​ແລະ​ກັນ ​ ໃນ​ວັນ​ພຸດ​ວານ​ນີ້ ກ່ຽວ​ກັບເລື້ອງ​ນອງ​ນັນ​ຂອງ​ທັງ​ສອງ​ຜູ້​ສະໝັກ ຄື​ການ​ໃຫ້ຄວາມ​ເຫັນ​ຄັ້ງ
​ໃໝ່​ຂອງ ທ່ານ Trump ​ເລື້ອງ​ການ​ຄວບ​ຄຸມ​ປືນນັ້ນແມ່ນ​ໄດ້ສ້າງ​ຄວາມ​ຕື່ນ​ຕົກ​ໃຈ​ໃຫ້​ແກ່ພວກ​ທີ່​ສະໜັບສະໜຸນ​ທ່ານບາງ ​ແລະ​ເລື້ອງ email ​ເກົ່າໆ​ຂອງ​ທ່ານ​ນາງ Clinton ຊຶ່ງ​ພວກທີ່ສະໜັບສະໜຸນ​ທ່ານນາງ​ຫວັງ​ຢາ​ກ​ໃຫ້​ມັນ​ໄດ້​ຈົບສິ້ນ​ໄປ​ແລ້ວ.

ກຸ່ມ​ນິຍົມ​ແນວທາງ​ເດີມ ທີ່​ມີ​ຊື່ວ່າ Judicial Watch ​ໄດ້​ນຳ​ອອກ​ເຜີຍ​ແຜ່ emails ຊຸດ​ໃໝ່​ທີ່ໄດ້ສົ່ງ​ແລະໄດ້​ຮັບໃນ​ຂະນະ​ທີ່​ທ່ານ​ນາງ​ດຳລົງ​ຕຳ​ແໜ່​ງ​ເປັນ​ລັດຖະມົນຕີ​ການ​ຕ່າງປະ​ເທດ. ຂໍ້ຄວາມໃນ​ນັ້ນ​ແມ່ນ​ລະຫວ່າງ​ຜູ້​ຊ່ອຍ​ຂອງທ່ານ​ນາງ Clinton ​ທີ່​ກະຊວງ​ການ​ຕ່າງປະ ເທດ ​ແລະ​ມູນ​ນິທິ Clinton ຊຶ່ງ​ເປັນມູນ​ນິທີທີ່​ທ່ານ​ນາງ​ເປັນ​ຜູ້​ລິ​ເລີ້ມ ກັບ​ສາມີ​ຂອງ​ທ່ານ​ນາງ ຄືອະດີດ​ປະທານາທິບໍດີ Bill Clinton.

ກຸ່ມ​ນິຍົມ​ແນວທາງ​ເດີມ ກ່າວ​ຫາວ່າ ບັນດາ​ emails ທັງຫຼາຍ​ທີ່​ກ່າວ​ມາ​ນີ້ ພິສູດ​ໃຫ້​ເຫັນ​ວ່າ ພວກ​ທີ່​ປະກອບ​ທຶນ​ສົມທົບ​ມູນ​ນິທິ ​ແມ່ນ​ມີຊ່ອງ​ທາງ​ພິ​ເສດ​ທີ່​ຈະ​ເຂົ້າ​ເຖິງ​ກະຊວງ​ການ​ຕ່າງປະ​ເທດ​ໄດ້ ຊຶ່ງ​ເປັນ​ສິ່ງ​ທີ່​ຄະນະໂຄສະນາ​ຫາ​ສຽງ​ຂອງ​ທ່ານ​ນາງ​ໄດ້​ປະຕິ​ເສດ​ມາ​ໂດຍ​ຕະຫຼອດ.

ໃນ​ການ​ກ່າວ​ຄຳ​ປາ​ໄສຕໍ່​ພວກ​ຄົນ​ງານບໍ່​ຖ່ານ​ຫີນ ​ໃນລັດ Virginia ທາງ​ພາກ​ຕາ​ເວັນ​ອອກ​ຂອງປະ​ເທດ ທ່ານ Trump ​ເອີ້ນ​ພວກ emails ຫຼ້າ​ສຸດ​ ຂອງ​ທ່ານ​ນາງ Clinton ນີ້​ວ່າ ​ເປັນ​ການ “pay to play” ທີ່​ແປ​ວ່າ “ຈ່າຍເພື່ອ​ມີ​ບົດບາດ” ທີ່​ມີ​ຄວາມ​ໝາຍວ່າ ທ່ານ​ສາ ມາດ​ຊື້ອິດ​ທິພົນ ​ໃນ​ວົງ​ການ​ທູດຊັ້ນນຳ​ຂອງໂລກ​ໄດ້.

“ມັນ​ເປັນ​ສິ່ງ​ທີ່​ຊົ່ວ​ຮ້າຍ ຊົ່ວ​ຮ້າຍແທ້ໆ” ​ແລະ​ມັນ​ກໍ​ຍັງ​ຜິດ​ກົດໝາຍ​ອີກ ຊຶ່ງ​ທ່ານ Trump ​ໄດ້​ກ່າວ​ເຊັ່ນ​ນັ້ນ ກ່ອນ​ທີ່​ທ່ານ​ຈະໂຈມ​ຕີ​ສື່​ມວນ​ຊົນ ຊຶ່ງ​ທ່ານໄດ້​ກ່າວ​ຫາ​ວ່າ ບໍ່​ໄດ້​ລາຍ​ງານກ່ຽວ​ກັບ​ຄວາມຈິງ.

ຜູ້ສະໝັກເປັນປະທານາທິບໍດີສະຫະລັດ ສັງກັດ Democratic ທ່ານນາງ Hillary Clinton ຂຶ້ນກ່າວໃນການໂຮມຊຸມນຸມ ທີ່ມັດທະຍົມປາຍ Lincoln ໃນນະຄອນ Des Moines, Iowa, 10 ສິງຫາ , 2016.

ຜູ້ສະໝັກເປັນປະທານາທິບໍດີສະຫະລັດ ສັງກັດ Democratic ທ່ານນາງ Hillary Clinton ຂຶ້ນກ່າວໃນການໂຮມຊຸມນຸມ ທີ່ມັດທະຍົມປາຍ Lincoln ໃນນະຄອນ Des Moines, Iowa, 10 ສິງຫາ , 2016.

​ໃນເວລາດຽວ​ກັນ ທີ່​ທ່ານ Trump ​ກ່າວ​ຕໍ່​ພວກ​ຄົນ​ງານ​ບໍ່​ຖ່ານ​ຫີນ ທ່ານ​ນາງ Clinton ກໍ​ໄດ້​ໂອ້​ລົມ​ກັບ​ພວກ​ສະໜັບສະໜຸນ​ທ່ານ​ນາງ ​ໃນ​ລັດ Iowa. ທ່ານ​ນາງ ​ໄດ້ຕຳ​ໜິຕິຕຽນ​ຢ່າງ​ແຮງ ​ຕໍ່​ການ​ໃຫ້​ຄວາມ​ເຫັນຂອງ​ທ່ານ Trump ເມື່ອ​ວັນ​ອັງຄານ​ຜ່ານ​ມາ​ນີ້ ທີ່ພວກ​ຕ້ອງ​ຕິ ກ່າວ​ວ່າ ​ແມ່ນຮຽກຮ້ອງ​ໃຫ້​ພວກ​ທີ່​ພວກ​ສະໜັບສະໜຸນສິດທິ​ໃນ​ການ​ຄອບ​ຄອງ​ປືນ ສັງຫານ​ທ່ານ​ນາງ Clinton ​ແລະບັນດາ​ຜູ້​ພິພາກສາສານ​ສູງ​ສຸດ​ ທີ່ຕ້ອງການ​ຢາກ​ໃຫ້​ມີ​ການ​ຄວບ ຄຸມປືນຫຼາຍຂຶ້ນ.

ທ່ານ​ນາງ Clinton ​ໄດ້​ກ່າວ​ວ່າ ຄວາມ​ເຫັນ​ຂອງ​ທ່ານ Trump ນັ້ນ ​ແມ່ນ “​ໄດ້​ກາຍຂອບ ​ເຂດ​ໄປ​ແລ້ວ.”

“ຄຳ​ເວົ້າ​ນັ້ນ​ແມ່ນ​ສຳຄັນ, ໝູ່ເຮົ​າເອີຍ. ​ແລະ​ຖ້າ​ຫາກວ່າ ​ທ່ານກຳລັງ​ລົງ​ແຂ່ງຂັນເປັນ​ປະທາ ນາທິບໍດີ ຫຼືວ່າ ທ່ານເປັນ​ປະທານາທິບໍດີສະຫະລັດ ຄຳ​ເວົ້າ​ຕ່າງໆ​ນີ້ ຈະ​ມີ​ຜົນ​ສະທ້​ອນທີ່ ຕິດຕາມ​ມາຢ່າງ​ໃຫຍ່​ຫຼວງ”

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG