ລິ້ງ ສຳຫລັບເຂົ້າຫາ

ທ່ານ Trump ທ່ານນາງ Clinton ຄາດຫວັງ ຈະເປັນຕົວເກັງ ໃນການເລືອກຕັ້ງລັດ New York


ການ​ໄດ້ເລືອກ​ຕັ້ງຍາດ​ແຍ່ງ​ເອົາຄະ​ແນນ​ສຽງ​ທີ່​ຂ້ອນ​ຂ້າງ​ຫຼາຍ​ຈະ​ມີ​ຂຶ້ນ ​ໃນ​ຂະນະ​ທີ່​ລັດນິວ ຢອກ ທາງພາກ​ຕາ​ເວັນ​ອອກສຽງ​ເໜືອ​ຂອງ​ສະຫະລັດກຳລັງ​ທຳ​ການ​ປ່ອນ​ບັດຂັ້ນ​ຕົ້ນ ​ໂດຍ ​ການ​ຢັ່ງ​ຫາງ​ສຽງ​ສະ​ແດງ​ໃຫ້​ເຫັນ​ວ່າ ທ່ານ​ນາງ Hillary Clinton ສັງກັດ​ພັກ​ເດ​ໂມ​ແຄຣັດ ​ແລະທ່ານ Donald Trump ສັງກັດ​ພັກ ​Republican ມີ​ຄະ​ແນນ​ນຳ​ໜ້າ​ໝູ່.

ບໍ່​ມີ​ພັກ​ໃດ ທີ່​ສະ​ແດງ​ໃຫ້​ເຫັນວ່າ ຜູ້​ຊະນະ​ນັ້ນ​ຈະ​ໄດ້​ຮັບ​ຄະແນນ ທັງ​ໝົດ ​ໃນການ​ລົງ​ຄະ​ແນນ​ສຽງ​ຂັ້ນ​ຕົ້ນ ​ໃນລັດ​ນິວຢ໊ອກ ​ເພາະສະ​ນັ້ນ ​ເຖິງ​ແມ່ນ​ຜູ້​ສະໝັກ​ທ່ານໃດ​ກໍ​ຕາມ ທີ່​ຈະ​ຊະນະ​ໃນຄັ້ງ​ນີ້ ກໍ​ຈະ​ໄດ້​ຮັບ​ຄະ​ແນ​ນສຽງ ບໍ່​ຫຼາຍ​ກໍ​ໜ້ອຍ.

ສະມາຊິກ​ສະພາ​ສູ​ງສະຫະລັດ ຈາກ​ລັກ Vermont ທ່ານ Bernie Sanders ​ໄດ້​ສະ​ແດງ​ອອກ​ຢ່າງ​ໝັ້ນ​ໃຈ​ວ່າ ທ່ານ​ຈະ​ນຳ​ໜ້າ​ໃນ​ການ​ລົງ​ຄະ​ແນນ​ສຽງ ​ເຖິງ​ແມ່ນ​ວ່າ ການ​ຢັ່ງຫາງ​ສຽງ​ນັ້ນ ​ໄດ້​ຈັດ​ໃຫ້​ທ່ານ ມີ​ຢ່າງ​ນ້ອຍ 10 ຄະ​ແນນ​ຕາມ​ຫຼັງ​ທ່ານ​ນາງ Clinton ກໍ​ຕາມ ຊຶ່ງ​ທ່ານ Sanders ​ໄດ້​ບອກ​ກັບໂທລະພາບ NBC ວ່າ ທ່ານ​ໄດ້​ຮັບ​ໄຊຊະນະ​ໃນ​ຫຼາຍໆ​ລັດ​ມາ​ແລ້ວ ບ່ອນ​ທີ່​ທ່ານ​ມີ​ຄະ​ແນນ​ຕາມ​ຫຼັງ​ໃນການ​ຢັ່ງຫາງ​ສຽງ​ທັງ​ຫຼາຍນັ້ນ.

ທ່ານ Sanders ​ໄດ້​ກ່າວ​ວ່າ “ຄັນ​ເວົ້າ​ທົ່ວ​ໄປ ກໍ​ແມ່ນ​ວ່າ ການ​ຢັ່ງຫາງ​ສຽງ​ທັງ​ຫຼາຍ ​ແມ່ນ​ເປັນ​ບ່ອນ​ທຳລາຍ​ການ​ລົງ​ຄະແນນສຽງ​ແທ້ໆ ນັ້ນ.”​

ພວກທີ່ສະນັບສະໜູນທ່ານ Donald Trump ສັງກັດພັກ Republican ພະຍາຍາມທີ່ຈະຂໍລາຍເຊັ່ນທ່ານ ຫ5ັງຈາກທີ່ຜືນຖ້າ ທີ່ສະໜາມບິນນາໆຊາດທີ່ Griffiss ໃນໂລກ ໂຣມ, ນິວຟ໊ອກ, 12 ເມສາ, 2016.

ພວກທີ່ສະນັບສະໜູນທ່ານ Donald Trump ສັງກັດພັກ Republican ພະຍາຍາມທີ່ຈະຂໍລາຍເຊັ່ນທ່ານ ຫ5ັງຈາກທີ່ຜືນຖ້າ ທີ່ສະໜາມບິນນາໆຊາດທີ່ Griffiss ໃນໂລກ ໂຣມ, ນິວຟ໊ອກ, 12 ເມສາ, 2016.

ໃນ​ການ​ຢ່າງ​ກ້າວ​ເຂົ້າ​ໄປ​ໃນ​ວັນ​ອັງຄານ​ມື້​ນີ້ ທ່ານ​ນາງ Clinton ໄດ້​ນຳ​ໜ້າ​ທ່ານ Sanders ​ດ້ວຍ​ໄດ້​ຮັບ​ຜູ້​ແທນ 1,758 ຕໍ່ 1,076 ຊຶ່ງ​ຮວມທັງ​ຄະ​ແນນ​ຜູ້​ແທນ​ທີ່​ເອີ້ນ​ວ່າ super delegates ພວກ​ຊຶ່ງ​ປະຕິຍານ​ທີ່​ຈະ​ໃຫ້ການ​ສະໜັບສະໜູນ​ອະດີດ​ລັດຖະມົນຕີ​ການ ຕ່າງປະ​ເທດ ​ແຕ່ກໍ​ເປັນ​ອິດ​ສະລະ​ໃນ​ການ​ທີ່​ຈະ​ປ່ຽນ​ຄວາມ​ຄິດ​ນີ້. ພັກ Demo​crats ຈະ​ໄດ້​ຮັບ 291 ຜູ້​ແທນ ຈາກ​ລັດ ນິວຢ໊ອກ ນີ້.

ຍ້ອນ​ການ​ທ່ຽງ​ດຸນ​ຂອງ​ການ​ໃຫ້​ຄະ​ແນນ​ສຽງ​ຂອງ​ພັກ Demo​crats ​ໄດ້​ຮັບ​ຈາກການ​ແຂ່ງຂັນ ທ່ານ Sanders ຈຳເປັນ​ທີ່​ຈະຮັບ​ໄຊຊະນະ​ຢ່າງ​ໃຫຍ່​ຫຼວງ ທີ່​ຈະ​ຕາມ​ທັນ. ທ່ານ Robby Mook ຜູ້​ບໍລິຫານ​ຂອງ​ການ​ໂຄສະນາ​ຂອງ​ທ່ານ​ນາງ Clinton ​ໄດ້​ກ່າວ​ໃນ​ວັນ​ຈັນ​ວານ​ນີ້​ວ່າ “ສະມາຊິກ​ສະພາ​ສູ​ງສະຫະລັດ ​ໄດ້ປິດ​ເສັ່ນ​ທາງ​ຂອງທ່ານ​ແລ້​ວ ​ໃນ​ການ​ທີ່​ຈະ​ຖືກ​ເລື​ອກ​ໃຫ້​ເປັນ​ຕົວ​ແທນ​ນັ້ນ.”

​ທາງ​ພັກ Republican ສະມາຊິກ​ສະພາ​ສູ​ງສະຫະລັດ Texas ທ່ານ Ted Cruz ​ແລະ​ທ່ານ John Kasich ຜູ້​ປົກຄອງ​ລັດ Ohio ​ແມ່ນ​ພະຍາຍາມ​ທີ່​ຈະ​ໃຫ້​ໄດ້​ຮັບ​ໄຊຊະນະ​ໃຫ້​ພຽງພໍ ​ໃນ​ລັດ ນິວຢ໊ອກທີ່​ມີ​ຄະ​ແນ​ຜູ້​ແທນ 95 ສຽງ ທີ່​ຈະ​ເຮັດ​ໃຫ້​ທ່ານ Trump ສາມາດ​ຢື້​ເຖິງ 1 237 ຂອງ​ຄະ​ແນນ​ສຽງ​ສ່ວນ​ຫຼາຍ ທີ່​ຈະ​ສາມາດ​ປິດ​ການ​ໃຫ້​ໄດ້​ເປັນ​ຕົວ​ແທນ​ຂອງ​ພັກ ກ່ອນ​ກອງ​ປະຊຸມ​ໃຫຍ່​ຂອງ​ພັກ​ໃນ​ເດືອນກໍລະກົດ​ຈະ​ມາ​ເຖິງ​ນີ້.

ທ່ານ Trump ​ໄດ້​ກ້າວ​ໄປ​ສູ່​ການ​ເລືອກ​ຕັ້ງ​ໃນ​ວັນ​ອັງຄານ​ມື້​ນີ້ ດ້ວຍ​ຄະ​ແນນ​ສຽງ 744 ​ແລ້ວ ​ໃນ​ຂະນະ​ທີ່​ທ່ານ Cruz ມີ 599 ​ແລະ​ທ່ານ Kasich ​ໄດ້ 144 ຄະ​ແນນ.

ເຊີນອ່ານຂ່າວກ່ຽວກັບເລື້ອງນີ້ເປັນພາສາອັງກິດ

XS
SM
MD
LG