ຜູ້ຖືກສະເໜີຊື່ໃຫ້ສະໝັກເປັນປະທານາທິບໍດີຈາກພັກຣີພັບບລິກັນ ທ່ານ Donald Trump ກ່າວໃນວັນອັງຄານວານນີ້ວ່າ ທ່ານອາດຈະດີຂຶ້ນກວ່າເກົ່າ ຖ້າປາດສະຈາກການສະໜັບສະໜູນຂອງພວກທີ່ “ອ່ອນແອ ແລະບໍ່ມີປະສິດທິຜົນ” ຢູ່ພາຍໃນພັກ ຮວມທັງປະ ທານສະພາຕໍ່າ ທ່ານ Paul Ryan.
ທ່ານກ່າວຢູ່ໃນການໃຫ້ສຳພາດກັບ ໂທລະພາບ Fox News ວ່າທ່ານ Ryan ແລະບັນດາສະມາຊິກຄົນອຶ່ນໆຂອງສະພາໄດ້ພາກັນເປັນຄົນ “ບໍ່ດີ” ຕໍ່ທ່ານ ແລະບໍ່ໃຫ້ການສະໜັບສະໜູນການເປັນຜູ້ສະໝັກຂອງທ່ານ.
ຖະແຫລງການໄດ້ເກີດຂຶ້ນຫລາຍມື້ຫລັງຈາກວີດີໂອ ປີ 2005 ໄດ້ປາກົດອອກມາໃນອັນທີ່ທ່ານໄດ້ເວົ້າຄຳຫຍາບຄາຍກ່ຽວກັບພວກແມ່ຍິງ ແລະຈາກຫລາຍຄົນຂອງສະມາຊິກພັກ ຣີພັບບລິກັນ ທີ່ກ່າວວ່າເຂົາເຈົ້າຈະບໍ່ໜູນຫລັງທ່ານ Trump.
ທ່ານ Trump ໄດ້ອອກຂ່າວທາງ Twitter ໃນວັນອັງຄານວານນີ້ວ່າ “ມັນດີຫລາຍທີ່ສາຍໂສ້ໄດ້ປົດອອກຈາກຂ້າພະເຈົ້າ ແລະບັດນີ້ຂ້າພະເຈົ້າຈະສາມາດຕໍ່ສູ້ໃຫ້ແກ່ອາເມຣິກາໃນທາງທີ່ຂ້າພະເຈົ້າຕ້ອງການເຮັດ.”
ເວລານັກຂ່າວປະຈຳລາຍການ ທ່ານ Bill O’Reilly ໄດ້ສະເໜີວ່າຖ້າຫາກຖືກຄັດເລືອກ ທ່ານ Trump ອາດຈະຕ້ອງການທ່ານ Ryan ແລະຜູ້ແທນສະພາສູງ ທ່ານ John McCain ຜູ້ທີ່ຍັງບໍ່ສະເໜີທ່ານ Trump ຜູ້ທີ່ຖືກສະເໜີສັງກັດ ພັກຣີພັບບລິກັນເນັ້ນໜັກວ່າ “ເຂົາເຈົ້າຈະໄປທີ່ນັ້ນ.”
ທ່ານ Trump ຜູ້ທີ່ເສຍຄະແນນຢັ່ງສຽງໃນໃນເດືອນນີ້ ໄດ້ກ່າວຊໍ້າແລ້ວຊໍ້າອີກປ້ອງກັນໂຕທ່ານເອງວ່າ ຄຳເວົ້າຢູ່ໃນວີດີໂອ “ເປັນຄຳເວົ້າຢູ່ໃນຫ້ອງຜູ້ຊາຍ” ແລະກ່າວຕື່ມອີກວ່າພວກແມ່ຍິງຫລາຍໆຄົນໄດ້ບອກທ່ານວ່າ ເຂົາເຈົ້າເຄີຍໄດ້ຍິນຄຳທີ່ຮ້າຍແຮງໄປກວ່ານັ້ນອີກ.
ທ່ານກ່າວຕໍ່ ທ່ານ O’Reilly ວ່າ “ຖ້າຫາກວ່າມັນຈະເກີດຂຶ້ນທີ່ເຮັດໃຫ້ເສຍການເລືອກຕັ້ງ ມັນກໍຈະເປັນທີ່ໂສກເສົ້າທີ່ສຸດ.
ທຳນຽບຂາວກ່າວໃນວັນອັງຄານວານນີ້ວ່າ ປະທານາທິບໍດີ Barack Obama ພົບເຫັນວ່າຄຳເວົ້າຂອງທ່ານ Trump ທີ່ກ່າວການຈັບບາຍພວກ ແມ່ຍິງ “ເປັນການດູໝິ່ນ” ແລະເຫັນວ່າເປັນການລວນລາມທາງເພດ.
