ລິ້ງ ສຳຫລັບເຂົ້າຫາ

13 ຄົນ​ເສຍ​ຊີວິດ ໃນການໂຈມຕີ ດ້ວຍລົດ​ບັນທຸກ​ລະ​ເບີດ ຢູ່ລີເບຍ ​(ສະໄລດ໌)


ຜູ້​ຊາຍ​ຄົນ​ນຶ່ງ​ກຳ​ລັງ​ກວດ​ເບິ່ງ​ລົດ ທີ​ຖືກວາງ​ລະ​ເບີດ ຢູ່​ໄກ້​ຄ້າຍ ທະ​ຫານ ທີ່​ເມືອງ Benghazi ປະ​ເທດ Libya

ຜູ້​ຊາຍ​ຄົນ​ນຶ່ງ​ກຳ​ລັງ​ກວດ​ເບິ່ງ​ລົດ ທີ​ຖືກວາງ​ລະ​ເບີດ ຢູ່​ໄກ້​ຄ້າຍ ທະ​ຫານ ທີ່​ເມືອງ Benghazi ປະ​ເທດ Libya

ເຈົ້າ​ໜ້າ​ທີ່ລີ​ເບຍ ກ່າວ​ວ່າ ລົດ​ບັນທຸກ​ລະ​ເບີດ​ຄັນ​ນຶ່ງ​ໄດ້​ແຕກ
​ຂື້ນ​ທີ່​ດ່ານ​ກວດຂອງ​ທະຫານ ຢູ່​ນອກ​ເມືອງ Benghazi ​ເຮັດ
​ໃຫ້ 13 ຄົນ​ເສຍ​ຊີວິດ ​ແລະ​ໄດ້​ຮັບ​ບາ​ດ​ເຈັບ ​ອີກ​ຫລາຍຄົນ.

ຜູ້​ໄດ້​ຮັບ​ບາດ​ເຈັບ​ສ່ວນ​ໃຫຍ່​ ແມ່ນທະຫານ ​ແລະ​ເຈົ້າ​ໜ້າ​ທີ່​ຮັກ
ສາ​ຄວາມ​ປອດ​ໄພ.

ເຈົ້າ​ໜ້າ​ທີ່​ກ່າວ​ວ່າ ການ​ໂຈມ​ຕີ ໃນ​ວັນ​ອາທິດ​ວານ​ນີ້ ​ເກີດ​ຂື້ນຢູ່ທາງ​ກໍ້າ​ຕາ​ເວັນອອກຂອງ​
Benghazi ​ເມື​ອງ​ໃຫຍ່​ທີ​ສອງ​ຂອງ​ລີ​ເບຍ ​ໄກອອກ​ໄປ ປະມານ 50 ກິ​ໂລ​ແມັດ.

ການວາງ​ລະ​ເບີດລົດ ​ແລະ​ລອບ​ສັງຫານ ທະຫານແລະເຈົ້າ​ໜ້າ​ທີ່ຕໍາຫລວດ ​ໄດ້​ເພີ້​ມທະວີ
ຂື້ນ​ ​ໃນ​ເຂດເມືອງ Benghazi ​ໃນ​ໄລຍະ​ບໍ່​ເທົ່າ​ໃດ​ເດືອນ​ທີ່​ຜ່ານ​ມາ.

​ເມືອງ​ Benghazi ​ເປັນ​ທີ່​ໝັ້ນ​ຂອງ​ພວກ​ທະຫານ​ບ້ານ ​ທີ່​ມີ​ຮາກ​ເຫງົ້າ ​ມາ​ຈາກພວກ​ໜ່ວຍ​ກອງ​ພົນ​ນ້ອຍ​ຂອງ​ພວກ​ກະບົດ ທີ່​ໂຄ່ນ​ລົ້ມ Moamamar Gadhgafi ຈອມ​ຜະເດັດ​ການທີ່​ປົກຄອງ​ປະ​ເທດ​ມາ​ເປັນ​ເວລາ​ຍາວ​ນານ ​ໃນ​ປີ 2011.

ບັນດາ​ປະ​ເທດ​ຕ່າງໆ ສ່ວນ​ໃຫຍ່​ແມ່ນໄດ້​ປິດ​ກົງສຸນ​ເຂົາ​ເຈົ້າ ຢູ່​ໃນ​ເມືອງ Benghazi ຍ້ອນ
ຄວາມ​ຮຸນ​ແຮງຢູ່​ທີ່​ນັ້ນ. ​ເອກ​ອັກຄະ​ລັດຖະທູດສະຫະລັດ ​ແລະ​ນັກ​ການ​ທູດສະຫະລັດ ອີກ​
ສາມ​ຄົນ​ໄດ້​ຖືກ​ສັງຫານ​ຢູ່​ໃນ​ເມືອງ Benghazi ເມື່ອ​ເດືອນ​ກັນຍາ ປີ 2012 ​ໃນລະຫວ່າງ​
ທີ່ກຸ່ມອິສລາມຫົວ​ຮຸນ​ແຮງ ​ທໍາ​ການ​ໂຈມ​ຕີ​ກົງສຸນສະຫະລັດ.

ຄວາມຜິດພາດຂອງ ເຊີເວີ

Oops, as you can see, this is not what we wanted to show you! This URL has been sent to our support web team to the can look into it immediately. Our apologies.

Please use Search above to see if you can find it elsewhere




XS
SM
MD
LG