ທ່ານ ສົມດີ ດວງດີ ລັດຖະມົນຕີວ່າການກະຊວງແຜນການ ແລະການລົງທຶນໄດ້ຖະແຫຼງ
ຢືນຢັນ ໃນໂອກາດທີ່ທ່ານ ຫງວຽນ ເຕີນຢຸງ ນາຍົກລັດຖະມົນຕີຫວຽດນາມໄດ້ເດີນທາງ ມາຢ້ຽມຢາມປະເທດລາວ ຢ່າງເປັນທາງການໃນລະຫວ່າງວັນທີ 9-10 ກັນຍາ ທີ່ຜ່ານມາ
ນີ້ວ່າ ການລົງທຶນຂອງຫວຽດນາມ ໃນລາວມີມູນຄ່າເພີ່ມຂຶ້ນຢ່າງຕໍ່ເນື່ອງ ເຊິ່ງຈົນເຖິງປັດ
ຈຸບັນນີ້ກໍປະກົດວ່າ ພາກທຸລະກິດຂອງຫວຽດນາມ ໄດ້ມີການລົງທຶນໃນລາວແລ້ວໃນ 422
ໂຄງການ ແລະຄິດເປັນມູນຄ່າລົງທຶນລວມຫຼາຍກວ່າ 3,057 ລ້ານໂດລາ ຫຼື 24,456 ຕື້ກີບ.
ສໍາລັບເຂດທີ່ພາກທຸລະກິດຂອງ
ຫວຽດນາມໄດ້ລົງທຶນຫຼາຍທີ່ສຸດ
ໃນລາວນັ້ນ ກໍຄືເຂດນະຄອນ
ຫຼວງວຽງຈັນ ທີ່ມີມູນຄ່າການ
ລົງທຶນເຖິງ 1,888 ລ້ານໂດລາ
ຫຼືຄິດເປັນ 52% ຂອງມູນຄ່າ
ການລົງທຶນທັງໝົດຂອງຫວຽດ
ນາມໃນລາວ.
ສ່ວນເຂດແຂວງຊາຍແດນທີ່ພາກທຸລະກິດຂອງຫວຽດນາມໃນລາວສ່ວນເຂດແຂວງຊາຍ
ແດນທີ່ພາກທຸລະກິດຂອງຫວຽດນາມໄດ້ເຂົ້າມາລົງທຶນຫຼາຍທີ່ສຸດກໍຄືແຂວງເຊກອງ, ຕິດ
ຕາມດ້ວຍແຂວງຈໍາປາສັກ ແລະ ອັດຕະປືຕາມລໍາດັບ. ແຕ່ເຂດທີ່ບໍ່ມີການລົງທຶນຂອງ
ຫວຽດນາມເລີຍນັ້ນກໍມີພຽງແຕ່ແຂວງບໍ່ແກ້ວເທົ່ານັ້ນ. ແຕ່ກໍ່ເຊື່ອໝັ້ນວ່າ ພາກທຸລະກິດຂອງ
ຫວຽດນາມຈະພາກັນຂະຫຍາຍການລົງທຶນໄປໃນທຸກເຂດແຂວງ ທົ່ວປະເທດລາວໃນໄລຍະ
ຕໍ່ໄປ.
ທັງນີ້ກໍ່ເນື່ອງຈາກວ່າ ທັງສອງປະເທດໄດ້ເປີດກວ້າງການຮ່ວມມືທາງເສດຖະກິດລະຫວ່າງກັນ
ນັບຈາກປີ 1993 ແລະໄດ້ມີການຕົກລົງໃນສັນຍາວ່າດ້ວຍການສົ່ງເສີມ ແລະປົກປ້ອງການ
ລົງທຶນລະຫວ່າງກັນ ນັບຕັ້ງແຕ່ປີ 1996 ເປັນຕົ້ນມາແລ້ວ. ໃນປະຈຸບັນທາງການທັງສອງ
ຝ່າຍກໍກໍາລັງຮ່ວມກັນ ພິຈາລະນາປັບປຸງສັນຍາວ່າ ດ້ວຍການສົ່ງເສີມ ແລະປົກປ້ອງການລົງ
ທຶນດັ່ງກ່າວ ໃຫ້ມີຄວາມທັນສະໄໝອີກດ້ວຍ ດັ່ງທີ່ທ່ານ ສົມດີ ໄດ້ຖະແຫຼງຊີ້ແຈງໃນຕອນ
ນຶ່ງວ່າ:
“ເພື່ອຕອບສະໜອງການ
ສົ່ງເສີມການລົງທຶນໃນສະ
ພາບແວດລ້ອມເສດຖະກິດ
-ສັງຄົມອັນໃໝ່ນີ້ ສອງປະ
ເທດພວກເຮົາກໍາລັງດໍາເນີນ
ການທົບທວນສັນຍາສະບັບ
ດັ່ງກ່າວຮ່ວມກັນ ແລະຄາດ
ວ່າຈະໃຫ້ສໍາເລັດໃນທ້າຍປີ
2011 ນີ້ ພ້ອມດຽວກັນນັ້ນ
ສອງຝ່າຍໄດ້ເອົາໃຈໃສ່ກໍາ
ນົດທິດລະອຽດ ແລະສ້າງ
ເງື່ອນໄຂອໍານວຍຄວາມ
ສະດວກໃຫ້ແກ່ບັນດາຫົວ
ໜ່ວຍທຸລະກິດຂອງທຸກພາກສ່ວນເສດຖະກິດຂອງແຕ່ລະຝ່າຍ ໃຫ້ເຂົ້າໄປລົງທຶນ
ຂອງກັນແລະກັນ.”
ພາຍໃຕ້ສັນຍາວ່າດ້ວຍການສົ່ງເສີມ ແລະປົກປ້ອງການລົງທຶນດັ່ງກ່າວນີ້ ທັງສອງຝ່າຍກໍຈະ
ສົ່ງເສີມໃຫ້ມີການພົວພັນທາງເສດຖະກິດຫຼາຍຮູບແບບ ແລະມີການອໍານວຍຄວາມສະດວກ
ໃຫ້ກັບພາກທຸລະກິດການຄ້າ, ການລົງທຶນ ແລະພັດທະນາການເຊື່ອມຕໍ່ທາງດ້ານການຄົມ
ມະນາຄົມ-ຂົນສົ່ງລະຫວ່າງກັນຢ່າງຄົບຊຸດ ແລະຢ່າງທົ່ວເຖິງຕະຫຼອດພາກເໜືອຮອດພາກໃຕ້
ໃຫ້ໄດ້ ຢ່າງເປັນຮູບປະທໍາ.
ສໍາລັບໃນດ້ານການຄ້ານັ້ນ, ທັງສອງຝ່າຍກໍໄດ້ວາງເປົ້າໝາຍທີ່ຈະເພີ່ມມູນຄ່າການຄ້າລະຫວ່າງກັນໃຫ້ເຖິງ 2 ພັນລ້ານໂດລາໃນປີ 2015 ນີ້ ແລະໃຫ້ເພີ່ມຂຶ້ນເປັນ 5 ພັນລ້ານໂດລາໃນປີ
2020. ໃນປີ 2010 ທີ່ຜ່ານມາ
ກໍປາກົດວ່າ ການຄ້າລະຫວ່າງ
ລາວກັບຫວຽດນາມ ມີມູນຄ່າ
ລວມເກີນກວ່າ 1 ພັນລ້ານໂດ
ລາ ເປັນປີທໍາອິດ ແລະໃນໄລຍະ 6 ເດືອນຂອງປີ 2011 ນີ້ ການຄ້າສອງຝ່າຍກໍມີມູນຄ່າ
ລວມເກີນກວ່າ 500 ລ້ານໂດລາ ຫລືເພີ້ມຂຶ້ນກວ່າ 17% ແລ້ວ.
ນອກຈາກນັ້ນ ໃນໂອກາດ ທີ່ທ່ານ ຈູມມະລີ ໄຊຍະສອນ, ປະທານປະເທດລາວ ແລະ
ເລຂາທິການໃຫຍ່ພັກປະຊາຊົນໄດ້ເດີນທາງໄປຢ້ຽມຢາມປະເທດຫວຽດນາມຢ່າງເປັນທາງ
ການ ເມື່ອເດືອນສິງຫາ ທີ່ຜ່ານມານີ້. ຜູ້ນໍາພັກ ແລະລັດຖະບານຂອງທັງສອງຝ່າຍກໍຍັງ
ຢືນຢັນທີ່ ຈະເສີມຂະຫຍາຍສາຍພົວພັນແບບພິເສດ ແລະຄວາມຮ່ວມມືຢ່າງຮອບດ້ານລະ
ຫວ່າງສອງພັກແລະສອງປະເທດ ຕໍ່ໄປຢ່າງບໍ່ຢຸດຢັ້ງອີກດ້ວຍ.
