ລິ້ງ ສຳຫລັບເຂົ້າຫາ

ເຈົ້າໜ້າທີ່ຂັ້ນສູງ ສຫລ ຈະຂໍຮ້ອງ ໃຫ້ປັກກິ່ງ ຢ່າສ້າງຄວາມເຄັ່ງຕຶງ ຢູ່ທະເລຈີນໃຕ້


ທີ່ປຶກສາດ້ານຄວາມໝັ້ນຄົງແຫ່ງຊາດ ສຫລ ທ່ານນາງ Susan Rice (ຊ້າຍ) ຈັບມືກັບທ່ານ Yang Jiechi ທີ່ບ້ານພັກ Diaoyutai ໃນນະຄອນຫຼວງປັກກິ່ງ. (28 ສິງຫາ 2015)

ທີ່ປຶກສາດ້ານຄວາມໝັ້ນຄົງແຫ່ງຊາດ ສຫລ ທ່ານນາງ Susan Rice (ຊ້າຍ) ຈັບມືກັບທ່ານ Yang Jiechi ທີ່ບ້ານພັກ Diaoyutai ໃນນະຄອນຫຼວງປັກກິ່ງ. (28 ສິງຫາ 2015)

ທີ່​ປຶກສາ​ດ້ານ​ຄວາມ​ໝັ້ນຄົງ​ແຫ່ງ​ຊາດ​ຂອງ​ສະຫະລັດ ທ່ານ​ນາງ Susan Rice ຈະ​ເດີນ ທາງ​ໄປ​ປັກ​ກິ່ງ​ແລະ​ຊຽງ​ໄຮ້ ​ໃນ​ອາທິດ​ໜ້ານີ້ ກ່ອນ​ໜ້າ​ກອງ​ປ​ະຊຸມ​ຂອງກຸ່ມ G-20 ທີ່​ປະ​ເທດ​ຈີນ ​ໃນ​ເດືອນ​ກັນຍາ​ ອີງ​ຕາມ​ຖະ​ແຫຼງຂ່າວ​ຂອງ​ທຳນຽບຂາວ​ທີ່​ນຳ​ອອກ​ເຜີຍ​ແຜ່​ໃນ​ວັນ​ສຸກ​ວານ​ນີ້.

ທີ່​ນະຄອນຫລວງປັກ​ກິ່ງ ທ່ານ​ນາງ Rice ມີ​ໝາຍ​ກຳນົດ​ທີ່​ຈະ​ພົບ​ປະ​ກັບ​ພວກ​ເຈົ້າໜ້າ​ທີ່​ອະ​ວຸ​ໂສ ຮວມທັງທ່ານ Yang Jiechi ຫົວໜ້າ​ສະພາ​ທີ່​ປຶກສາ​ຂອງລັດ ​ເພື່ອ​ປຶກສາ​ຫາລື​ກ່ຽວ​ກັບ​ບັນຫາ​ສອງຝ່າຍ ບັນຫາ​ພູມີພາກແລະ​ບັນຫາ​ຂອງໂລກກ່ອນ​ໜ້າການ​ເດີນທາງ​ໄປ​ຢ້ຽມຢາມ​ຈີນ ຂອງ​ປະທານາທິບໍດີ​ບາຣັກ ​ໂອບາ​ມາ ​ໃນ​ເດືອນ​ກັນຍາ ​ເພື່ອ​ເຂົ້າຮ່ວມ​ກອງ​ປະຊຸມ​ສຸດ​ຍອດ ​ຂອ​ງກຸ່ມຈີ 20 ຫຼື 20 ປະ​ເທດ​ທີ່​ມີ​ເສດຖະກິດ​ຈະ​ເລີ​ນທາງ​ດ້ານ​ອຸດ ສາຫະກຳ ອີງ​ຕາມ​ຖະ​ແຫຼງຂ່າວຂອງ​ທຳນຽບຂາວ.

ທີ່​ນະຄອນ​ຊຽງ​ໄຮ້ ທ່ານ​ນາງ Rice ຈະ​ພົບ​ປະ​ກັບບັນດາ​ຜູ້​ບໍລິຫານ​ທຸລະກິດ​ເພື່ອ​ປຶກສາ​ຫາລື​ກ່ຽວ​ກັບ​ເງື່ອນ​ໄຂ​ສຳລັບ​ການ​ເຮັດ​ທຸລະ​ກິດ​ຢູ່​ຈີນ ​ແລະພົບ​ປະກັບ​ປະຊາຊົນ​ທຳ​ມະ​ ດາ​ສາມັນ​ຂອງ​ຈີນ.

ຖະ​ແຫຼງຂ່າວ​ກ່າວ​ຕື່ມ​ວ່າ ທ່ານ​ນາງ Rice ​ໄດ້​ກ່າວ​ເນັ້ນ​ເຖິງ​ຄວາມ​ໝັ້ນໝາຍ​ຂອງ​ສະຫະ ລັດທີ່​ຈະ​ຂະຫຍາຍການ​ຮ່ວມ​ມື​ໃນ​ພາກ​ໂຕ​ຈິງ​ແລະ​ການ​ຄຸ້ມ​ຄອງ​ຄວາມ​ເຫັນ​ທີ່​ແຕກ​ຕ່າງ​ແບບ​ສ້າງສັນ​ກັບ​ຈີນ.

ການ​ເດີນທາງ​ໄປ​ຢ້ຽມຢາມ​ຂອງ​ທ່ານ​ນາງ Rice ​ແຕ່​ວັນ​ທີ 24 ຫາ 27 ກໍລະກົດນີ້ ​ແມ່ນ​ການ​ຢ້ຽມຢາມ​ໃນ​ລະດັບ​ສູງ​ສຸດ​ຂອງ​ສະຫະລັດ​ຕໍ່​ຈີນ ນັບ​ຕັ້ງ​ແຕ່​ສານສະຫະ​ປະຊາ​ຊາດ ​ໄດ້​ຕັດສິນ​ປະຕິ​ເສດ​ການ​ອ້າງ​ກຳມະສິດ​ເອົາ​ເຂດ​ນ່ານນ້ຳຍຸດ​ທະ​ສາດ​ໃນ​ທະ​ເລ​ຈີນ​ໃຕ້.

ການ​ເດີນທາງ​ໄປ​ຢ້ຽມຢາມ​ຂອງ​ທ່ານ​ນາງ Rice ບັງ​ເອີນ ​ມີ​ຂຶ້ນ​ພ້ອມໆ​ກັນ​ກັບ​ການ​ເດີນ ທາງ​ໄປ​ຢ້ຽມຢາມ ສປປ ລາວ ​ແລະ​ຟີ​ລິບ​ປິນ ຂອງ​ລັດຖະມົນຕີ​ການ​ຕ່າງປະ​ເທດ​ສະຫະ ລັດ ທ່ານ John Kerry ບ່ອນ​ທີ່​ຄາດ​ກັນ​ວ່າ ທ່ານ​ຈະ​ພະຍາ​ຍາມ​ໃຫ້ການ​ຄ້ຳປະກັນ​ແກ່​ບັນດາ​ປະ​ເທດ​ພາຄີ​ໃນ​ເຂ​ດ​ເອ​ເຊຍ​ຕາ​ເວັນ​ອອກ ສຽງ​ໃຕ້​ກ່ຽວ​ກັບ​ຄວາມ​ໝັ້ນໝາຍ​ຂອງ​ ວໍຊິງ​ຕັນທີ່​ມີ​ຕໍ່​ຂົງ​ເຂດ​ດັ່ງ​ກ່າວ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG