ລິ້ງ ສຳຫລັບເຂົ້າຫາ

ຜູ້​ຊ່ວຍ​ຄົນ​ສຳຄັນ ຂອງຜູ້ນຳ​ ​ເກົາຫລີ​ເໜື​ອ ​​ເສຍ​ຊີວິດ ​ຍ້ອນ​ອຸປະຕິ​ເຫດ ​ທາງ​ລົດ


ລັດຖະມົນຕີທ້ອນໂຮມຊາດ ເກົາຫລີໃຕ້ ທ່ານ Hong Yong-pyo ຊ້າຍ ສຳພັດມືກັບທ່ານ Kim Yang Gon ຫົວໜ້າພະ​ແນ​ກແນ​ວ​ໂຮມ​ສາມັກຄີພຽງ​ຢາງ .

ລັດຖະມົນຕີທ້ອນໂຮມຊາດ ເກົາຫລີໃຕ້ ທ່ານ Hong Yong-pyo ຊ້າຍ ສຳພັດມືກັບທ່ານ Kim Yang Gon ຫົວໜ້າພະ​ແນ​ກແນ​ວ​ໂຮມ​ສາມັກຄີພຽງ​ຢາງ .

ສື່ມົນ​ຊົນ​ຂອງ​ລັດຖະບານເກົາຫລີ​ເໜືອ ກ່າວ​ວ່າ ຜູ້​ຊ່ວຍ​ຄົນ​ສຳ
ຄັນ ຂອງຜູ້ນຳ​ ​ເກົາຫລີ​ເໜື​ອ ທ່ານ Kim Jong Un ​ໄດ້​ເສຍ​ຊີວິດ
​ຍ້ອນ​ອຸປະຕິ​ເຫດ​ທາງ​ລົດ.

ອົງການ​ຂ່າວສູນ​ກາງ​ຂອງທາງ​ການ​ເກົາຫລີ​ເໜືອ ຫລື KCNA
​ກ່າວ​ວ່າ ທ່ານ Kim Yang Gon ອາຍຸ 73 ປີ ຫົວໜ້າພະ​ແນ​ກ
ແນ​ວ​ໂຮມ​ສາມັກຄີພຽງ​ຢາງ ຊຶ່ງ​ເປັນ​ໜ່ວຍງານຄຸ້ມ​ຄອງ​ຄວາມ
ສຳພັນ​ ລະຫວ່າງເກົາຫລີ​ເໜືອ ​ແລະ​ເກົາຫລີ​ໃຕ້ ​ໄດ້ເສຍ​ຊີວິດ​
ໃນ​ຕອນ​ເຊົ້າ​ວັນ​ອັງຄານ​ວານ​ນີ້.

ນັທ່ານ Kim ກ​ການ​ທູດ​ມື​ອາຊີບ​ຂອງ​ພັກ ​ໄດ້​ນຳພາ​ຜູ້​ຕາງໜ້າ
ລະດັບ​ສູງ ທີ່​ໄດ້​ຈັດການ​ເຈລະຈາ​ສຸກ​ເສີນຂຶ້ນ ​ໃນ​ເດືອນ​ສິງ​ຫາຜ່ານ​ມາ ກັບທູດ​ພິ​ເສດ​ຂອງເກົາ ຫລີ​ໃຕ້ ຫລັງ​ຈາກ​ກອງ​ທະຫານ ຂອງ​ລັດຖະບານທີ່​ເປັນ​ຄູ່​ປໍ​ລະ​ປັກ ​ໄດ້ຢິງປືນ​ໃຫຍ່​ໂຈມ​ຕີກັນ ​ໃນອັນທີ່​ເປັນ​ພາກສ່ວນນຶ່ງ​ຂອງ​ການ​ໂຕ້​ແຍ້​ງກ່ຽວ​ກັບການ​ອອກ ອາກາດ
ໂຄສະນາ​ຊວນ​ເຊື່ອຂອງ​ເກົາຫລີ​ໃຕ້ ​ເຂົ້າ​ໄປໃນ​ເກົາຫລີ​ເໜືອ.

ບັນດາ​ຜູ້​ເຈລະຈາ ​ໄດ້ບັນລຸ​ຂໍ້​ຕົກລົງ​ຫລາຍ​ມື້ຕໍ່​ມາ ຊຶ່ງພາຍ​ໃຕ້ຂໍ້​ຕົກລົງ​ດັ່ງກ່າວເກົາຫລີ​ໃຕ້
ຈະ​ຢຸດ​ເຊົາ​ການ​ອອກ​ອາກາດ ​ແລະ​ເກົາຫລີ​ເໜືອ ຂໍ​ຂະ​ມາ​ໂທດ​ຕໍ່​ການ​ກໍ່ກວນຢູ່​ໃນ​ເຂດ​
ຊາຍ​ແດນຈຳນວນ​ນຶ່ງ. ນອກ​ນັ້ນ ທ່ານ Kim ຍັງ​ໄດ້​ຫລີ້ນ ບົດບາດ​ການ​ນຳພາ​ໃນ​ປີ 2007
ຢູ່ກອງ​ປະຊຸມ​ສຸດ​ຍອດ ລະຫວ່າງມື້ລາງ​ຜູ້ນຳ Kim Jong II ​ແລະ​ປະທານາທິບໍດີເກົາຫລີ
​ໃຕ້ ທ່ານ Roh Moo-hyun ​ທີ່​ໄດ້​ເສຍ​ຊີວິດ​ໃນ​ປີ 2009.

ພິທີີສົ່ງສະການ​ຢ່າງ​ເປັນທາງ​ການ​ ກຳລັງ​ວາງ​ແຜນຈະ​ຈັດ​ໃຫ້​ແກ່ ທ່ານ Kim ທີ່​ອົງການ
KCNA ບັນຍາຍວ່າ​ ​ເປັນ​ສະຫາຍ​ທີ່​ໃກ້ຊິດ​ທີ່​ສຸດ​ ຂອງທ່ານ Kim Jong Un ​ແລະ​
ເປັນພາຄີ​ໃນ​ການປະຕິ​ວັດ​ທີ່​ໜັກ​ແໜ້ນ.”

ການ​ຂາດ​ລາຍລະ​ອຽດກ່ຽ​ວກັບ​ອຸປະ​ຕິເຫດທາງ​ລົດ ​ໃນ​ວັນ​ອັງຄານ​ວານ​ນີ້ ​ໄດ້​ກໍ່ ​ໃຫ້​ເກີດ
​ມີ​ຂ່າວ​ລື​ວ່າ ການ​ເສຍ​ຊີວິດ​ຂອງ ທ່ານ Kim ​ເປັນ​ທີ່ໜ້າ​ສົງ​ໄສ ​ແລະ​ແມ່ນ​ກະ​ທັງ​ມີ​ຄວາມ
​ຕັ້ງ​ໃຈກໍ​ເປັນ​ໄດ້. ​ແຕ່​ວ່າ ນັກວິ​ເຄາະກ່ຽວ​ກັບ​ເກົາຫລີ ທ່ານ Sung-Yoon Lee ຈາກມະ
ຫາວິທະຍາ​ໄລ Tuffs ກ່າວ​ຕໍ່ ວີ​ໂອ​ເອ ວ່າ ທ່ານ​ມີ​ຄວາມ​ຕັ້ງ​ໃຈ ທີ່​ຈະ​ເຊື່ອ​ກ່ຽວ​ກັບ​ການ
​ອະທິບາຍ​ຂອງລັດຖະບານ ວ່າ​ນີ້​ແມ່ນ​ອຸປະ​ຕິ​ເຫ​ດ.

XS
SM
MD
LG