ການພັດຖະຫຼົ່ມຂອງລົມພາຍຸຫົວກຸດ ຫຼື Tornado ທີ່ຮ້າຍແຮງໄດ້ເຮັດໃຫ້ມີຜູ້ເສຍຊີວິດ
ໄປ 20 ກວ່າຄົນຢູ່ໃນຫລາຍໆລັດ ທາງພາກຕາເວັນອອກຂອງສະຫະລັດ ແລະເຮັດໃຫ້
ເກີດຄວາມເສຍຫາຍຢ່າງໃຫ່ຍຫລວງໃນບາງເຂດ.
ເຈົ້າໜ້າທີ່ກ່າວວ່າຢ່າງໜ້ອຍ 27 ຄົນໄດ້ເສຍຊີວິດ ຄືຢູ່ໃນລັດ Kentucky 12 ຄົນໃນ
ລັດ Indiana 13 ຄົນ ແລະລັດ Ohio 2 ຄົນ ໃນວັນສຸກວານນີ້.
ລົມພາຍຸໂທເນໂດຫລືວ່າລົມຫົວກຸດນັ້ນໄດ້ພັດຖະຫຼົ່ມເມືອງ Hen-ryville ຢູ່ລັດ India-
na ຊຶ່ງໄດ້ສ້າງຄວາມເສຍຫາຍຮ້າຍແຮງໃຫ້ແກ່ ສ່ວນໃຫຍ່ຂອງເມືອງດັ່ງກ່າວ. ນອກນີ້
ລົມຫົວກຸດຍັງໄດ້ຜັນເອົາລົດຈຳນວນນຶ່ງຈົນບິດບ້ຽວໄປແລະຜັນຍົກເອົາລົດເມໂຮງຮຽນໄປ
ຕໍາໃສ່ເຮືອນແລະຮ້ານອາຫານ.
ເຈົ້າໜ້າທີ່ຂອງເມືອງ Henryville ທີ່ລັດ Indiana ກ່າວວ່າ ເມືອງຂອງເຂົາເຈົ້າໄດ້ “ຫາຍ
ສາບສູນໄປ” ໂດຍບໍ່ເຫັນຮ່ອງຮອຍເລີຍ.
ມີລາຍງານອີກວ່າ ໄດ້ມີຄວາມເສຍຫາຍໜັກຄືກັນ ຢູ່ໃກ້ໆກັບເມືອງ Louisville ໃນລັດ
Kentucky ບ່ອນທີ່ລົມໂທເນໂດ ໄດ້ພັດຖະຫຼົ່ມໃນຕອນແລງຂອງວັນສຸກວານນີ້.
ໃນຕອນເຊົ້າຂອງມື້ວານນີ້ ລົມພະຍຸໂທເນໂດ ກໍໄດ້ພັດຖະຫຼົ່ມລັດ Alabama ໃນພາກ
ໃຕ້ຂອງສະຫະລັດ ເຮັດໃຫ້ປະຊາຊົນໃນເຂດດັ່ງກ່າວ ໄດ້ຮັບບາດເຈັບໄປຫລາຍຄົນ. ນຶ່ງ
ໃນຈໍານວນຂອງລົມຫົວກຸດນີ້ ໄດ້ສ້າງຄວາມເສຍຫາຍຢ່າງໜັກ ໃຫ້ແກ່ຫລັງຄາຂອງຄຸກທີ່
ມີການຮັກສາການຢ່າງໜາແໜ້ນ ແຕ່ວ່າບໍມີນັກໂທດສາມາດຫລົບໜີໄປໄດ້.
ນອກນັ້ນແລ້ວໃນມື້ວານນີ້ ຍັງມີລາຍງານວ່າ ໄດ້ເກີີດລົມຫົວກຸດຂຶ້ນອີກ ຢູ່ທີ່ລັດ Ten-
nessee ໃນພາກກາງຂອງສະຫະລັດ.
ສະພາບດິນຟ້າອາກາດປັ່ນປ່ວນຮ້າຍແຮງໄດ້ປະກົດຂື້ນພຽງສອງມື້ ຫລັງຈາກເກີດລົມໂທ
ເນໂດຂະໜາດແຮງເທື່ອທໍາອິດ ໃນອາທິດນີ້ ພັດຜ່ານເປັນແລວທາງໄປ ໃນເຂດພາກກາງ
ແລະພາກໃຕ້ຂອງສະຫະລັດ ທີ່ເຮັດໃຫ້ມີຜູ້ເສຍຊີວິດໄປອີກ 13 ຄົນ.
ລະບົບລົມພາຍຸອັນຮ້າຍດັ່ງກ່າວນີ້ ໄດ້ພັດທຳລາຍຄຸ້ມຕ່າງໆ ຢູ່ໃນລັດ Illinoise, Mis-
souri ແລະ Tennessee ໃນວັນພຸດທີ່ຜ່ານມາ ແລະລົມໂທເນໂດ ຍັງໄດ້ສ້າງຄວາມ
ເສຍຫາຍຢູ່ທີ່ Kensas ແລະ Kentucky ນຳດ້ວຍ.