ລິ້ງ ສຳຫລັບເຂົ້າຫາ

3 ຄົນຖືກຈັບ ຢູ່ລັດ Kansas ຖານວາງແຜນ ໂຈມຕີ ຄົນເຂົ້າເມືອງ


ແຜນທີ່ເມືອງ Garden City

ແຜນທີ່ເມືອງ Garden City

ກະຊວງ​ຍຸຕິ​ທຳ​ຂອງ​ສະຫະລັດ ກ່າວ​ວ່າ ຜູ້​ຊາຍ 3 ຄົນ​ທີ່​ຖືກ​ກ່າວ​ຫາ​ວ່າ​ວາງ​ແຜນ​ໂຈມ​ຕີ​ ວັດ​ສາສະໜາ​ອິສລາມ​ ແລະຄຸ້ມ​ບ້ານແຫ່ງ​ນຶ່ງທີ່​ເມືອງ Garden City ​ໃນ​ລັດ Kansas ຖືກ​ເຈົ້າໜ້າ​ທີ່​ຈັບ.

ຮັກສາ​ການ​ໄອ​ຍະ​ການ​ປະຈຳ​ເຂດຂອງ​ສະຫະລັດ ທ່ານ Tom Beall ກ່າວ​ຕໍ່​ພວກ​ນັກ ຂ່າວ​ທີ່​ເມືອງ Wichita ລັດ Kansas ​ໃນ​ວັນ​ສຸກ​ວານ​ນີ້ວ່າ ຜູ້​ຕ້ອງ​ສົງ​ໄສ​ທັງສາມ ໄດ້​ແກ່​ທ້າວ Curtis Allen, Gavin Wright ​ແລ​ະ Patrick Stein ​ຖືກ​ກ່າວ​ຫາ​ ​ເປັນ​ຜູ້​ກໍ່​ການ​ຮ້າຍ​ພາຍ​ໃນ​ປະ​ເທດ.

ບຸກຄົນ​ທັງ 3 ​ໄດ້​ຖືກຈັບ ໃນວັນ​ສຸກ​ວານ​ນີ້ ທີ່​ເມືອງ Liberal ​ລັດ Kansas ປະມານ 100 ຫລັກ​ກິ​ໂລ​ແມັດ ຫ່າງ​ຈາກ​ເມືອງ Garden City ​ໄປ​ທາງ​ທິດ​ໃຕ້.

​ສາຍ​ລັບຄົນ​ນຶ່ງໄດ້​ເຂົ້າຮ່ວມ​ໃນ​ການ​ສືບສວນ ​ແລະ​ໄດ້​ຈັດ​ສົ່ງ​ຂໍ້​ມູນ​ກ່ຽວ​ກັບ​ແຜນການ​ຂອງພວກ​ຜູ້​ຊາຍ​ຈຸນີ້​ໃຫ້​ແກ່​ເຈົ້າໜ້າ​ທີ່.

ທ່ານ Beall ກ່າວ​ວ່າ ຜູ້​ຊາຍ​ຈຸນີ້​ໄດ້​ວາງ​ແຜນ​ແນ​ເປົ້າໝາຍ​ການ​ໂຈມ​ຕີ​ໃສ່​ສະຖານ​ທີ່ຢູ່ ຂອງພວກ​ອົບ​ພະຍົບ​ໂຊ​ມາ​ເລຍ. ທ່ານ​ກ່າວ​ຕື່ມ​ວ່າ ພວກ​ເຂົາ​ເຈົ້າ​ໄດ້ເກັບ​ສະ​ສົມ​ອາວຸດ​ແລະ​ກະສຸນ​ປືນ ​ແລະ​ວາງ​ແຜນ​ທີ່​ຈະເອົາ​ລົດ​ທີ່​ບັນທຸກ​ດິນ​ລະເບີດ​ໄປ​ຈອດ​ໄວ້​ຢູ່​ທາງ​ສີ່​ດ້ານ​ຂອງ​ຕຶກຫ້ອງ​ແຖວ​ໃນ​ເມືອງ Garden City ທີ່ມີຜູ້​ຄົນ​ອາ​ໄສ​ຢູ່​ປະມານ 120 ຄົນ.

ທ່ານ Beall ກ່າວ​ວ່າ ການ​ໂຈມ​ຕີ​ແມ່ນ​ໄດ້​ວາງ​ແຜນ​ໃສ່​ວັນ​ທີ 9 ພະ​ຈິກນຶ່ງ​ມື້ຫຼັງຈາກ​ການ​ເລືອກ​ຕັ້ງປະທານາທິບໍດີ​ສະຫະລັດ.

ທ່ານ​ກ່າວ​ວ່າ ພວກ​ຜູ້​ຊາຍ​ຈຸນີ້​ແມ່ນສ່ວນ​ນຶ່ງ​ຂອງ​ອົງການ​ທີ່​ເອີ້ນຕົນ​ເອງ​ວ່າ ນັກ​ລົບ​ສາສະ ໜາ​ຫຼື Crusader ທີ່​ທ່ານ​ເອີ້ນວ່າ “ວັດທະນະທຳ​ທີ່​ລີ້ລັບແຫ່ງ​ຄວາມ​ກຽດ​ຊັງ​ແລະຄວາມ​ຮຸນ​ແຮງ.”

ຮູບພາບຂອງວັນທີ 14 ເດືອນຕຸລາ 2016 ຈາກຫ້ອງການຕຳຫລວດເມືອງ Sedgwick ທີ່ສະແດງໃຫ້ເຫັນທ້າວ Curtis Allen ທ້າວ Gavin Wright ແລະທ້າວ Patrick Eugene Stein.

ຮູບພາບຂອງວັນທີ 14 ເດືອນຕຸລາ 2016 ຈາກຫ້ອງການຕຳຫລວດເມືອງ Sedgwick ທີ່ສະແດງໃຫ້ເຫັນທ້າວ Curtis Allen ທ້າວ Gavin Wright ແລະທ້າວ Patrick Eugene Stein.

ຖ້າ​ຫາກ​ບຸ​ກຄົນ​ທັງ​ສາມ ​ຖືກ​ພົບ​ເຫັນ​ວ່າ​ມີ​ຄວາມ​ຜິດ ພວກ​ເຂົາ​ເຈົ້າອາດ​ຈະ​ປະ​ເຊີນ​ກັບ​ໂທດ​ທີ່​ໜັກ​ສຸດ​ຄື​ຈຳ​ຄຸກ​ຕະຫລອດ​ຊີວິດ.

ເມືອງ Garden City ຊຶ່ງຕັ້ງຢູ່​ທາງ​ພາກ​ຕາ​ເວັນ​ຕົກ​ຂອງ​ລັດ​ Kansas ​ເປັນ​ເມືອງ​ປາດ ​ຊີ້ນ​ແລະ​ໄດ້​ວ່າ​ຈ້າງ​ພວກ​ຄົນ​ເຂົ້າ​ເມືອງ ​ທີ່​ມາ​ຈາກ​ຫລາຍໆ​ປະ​ເທດ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG