ລິ້ງ ສຳຫລັບເຂົ້າຫາ

ສາມຄົນ ຖືກຈັບ ໃນຖານ ຕ້ອງສົງໄສ ກ່ຽວກັບ ການວາງລະເບີດ ໃນມຽນມາ (ວີດີໂອ/ສະໄລດ໌)


ຕໍາຫລວດມຽນມາຢືນຍາມ ຢູ່ວັດແຫ່ງນຶ່ງ ໃນມຽນມາ

ຕໍາຫລວດມຽນມາຢືນຍາມ ຢູ່ວັດແຫ່ງນຶ່ງ ໃນມຽນມາ

ບັນດາ​ເຈົ້າ​ໜ້າ​ທີ່​ມຽນມາ ​ໄດ້​ຈັບ​ຜູ້​ຊາຍທີ່ຕ້ອງ​ສົງ​ໄສ​ສາມ​ຄົນ ທີ່​
ພົວພັນ​ກັບ​ການວາງ​ລະ​ເບີດ​ຕໍ່​ເນື່ອງ​ກັນ ​ແລະ​ພະຍາຍາມຈະ
ວາງລະ​ເບີດ​ຢູ່​ທົ່ວ​ປະ​ເທດ ທີ່​ໄດ້​ເຮັດ​ໃຫ້​ມີ​ຜູ້​ເສຍ​ຊີວິດ​ສອງ​ຄົນ
ນັບ​ຕັ້ງ​ແຕ່​ທ້າຍ​ອາທິດ​ແລ້ວ​ນີ້ມາ.

ພັນ​ໂທ​ຕໍາ​ຫລວດ​ຄົນ​ນຶ່ງ ​ໃນ​ນະຄອນຢາງ​ກຸງ ກ່າວ​ວ່າ ຜູ້​ຕ້ອງ​ສົງ
​ໄສ​ສາມ​ຄົນ​ນັ້ນ ໄດ້​ຖືກຊີ້​ໂຕຈາກ​ຮູບ​ພາບ​ໃນ​ກ້ອງ​ວົງ​ຈອນ​ປິດ. ​
ທ່ານ​ກ່າວໄດ້​ກ່າວ​ຕໍ່ ວີ​ໂອ​ເອພະ​ແນ​ກພາສາ​ມຽນມາ ​ໃນ​ວັນ​ອັງຄານ​ວານນີ້ວ່າ:

“ຄົນ​ນຶ່ງ​ໄດ້​ຖືກ​ຈັບ​ຢູ່ ລັດມອນ ທາງ​ຕາ​ເວັນ​ອອກສຽງໃຕ້​
ຂອງ ປະເທດ ​ໂດຍ​ກໍາລັງ​ຕໍາຫລວດ​ຢາງ​ກຸງ”


ທ່ານ ກ່າວ​ອີກ​ວ່າ ຜູ້​ຕ້ອງສົງໄສ​ອີກສອງ​ຄົນ​ ​ຖືກ​ຈັບໄດ້​ ຢູ່່​ໃນ​ເຂດຊານ​ເມືອງ​ຢາງ​ກຸ້ງ.
ນາຍ​ພັນ​ໂທ ຜູ້​ທີ່​ປະຕິ​ເສດບໍ່​ຍອມບອກ​ຊື່ ກ່າວ​ວ່າ ​ຊາຍ​ທັງ​ສາ​ມ ​ເປັນ​ຜູ້​ຕ້ອງ​ສົງ​ໄສໃນ
ເຫດການວາງ​ລະ​ເບີດ​ທັງ​ໝົດ ​ແຕ່​ວ່າການ​ສືບ​ສວນ​ຍັງ​ດໍາ​ເນີ​ນ​ໄປ​ຢູ່.


ທາງ​ການ​ບໍ່​ໄດ້​ບອກ​ ຊື່​ສຽງ​ຂອງພວກ​ຜູ້​ຊາຍ​ທີ່​ຖືກ​ກັກ​ໂຕ​ໄວ້​ນີ້ ​ຫລື​ສາ​ເຫດຂອງການ​ໂຈມ
​ຕີ. ບໍ່ມີ​ກຸ່ມ​ໃດ ຫລື​ສ່ວນ​ບຸກຄົນ​ໃດ ອ້າງ​ເອົາ​ຄວາມ​ຮັບຜິດຊອບ ສໍາລັບ​ເຫດ​ການ​ເຫລົ່າ​ນັ້ນ
ທີ່​ມີຮວມ​ທັງ ​ເຫດລະເບີດ​ແຕກ​ໃນ​ນະຄອນ​ຢາງ​ກຸງ ທີ່​ເຮັດ​ໃຫ້​ຜູ້ຍິງ​ອາ​ເມຣິກັນ​ຄົນນຶ່ງ ຢູ່​ໃນ​
ຫ້ອງພັກໂຮງ​ແຮມ​ຂອງ​ລາວ ​ໄດ້​ຮັບ​ບາດ​ເຈັບ ຕອນ​ແລງ​ວັນ​ຈັນ​ຜ່ານ​ມາ.

ບັນດາ​ເຈົ້າ​ໜ້າ​ທີ່​ຍັງ​ລາຍ​ງານ​ວ່າ ມີລະ​ເບີດ​ແຕກ​ສອງ​ລູກ ​ໃນ​ວັນ​ອັງຄານ​ວານ​ນີ້ ​ໃນ​ເມືອງ
Sagaing ຢູ່​ພາກ​ກາງຂອງ​ມຽນມາ ຢູ່​ທີ່​ເຮືອນແຫ່ງ​ນຶ່ງ ​ແລະ​ຢູ່​ບ່ອນ​ຈອດ​ລົດ​ແຫ່ງ​ນຶ່ງ ຢູ່ໃກ້​
ກັບ​ວັດ. ບໍ່​ມີ​ໃຜ​ໄດ້​ຮັບ​ບາດ​ເຈັບ.

ບັນດາ​ເຈົ້າ​ໜ້າ​ທີ່​ມຽນມາ ກ່າວ​ວ່າ ຜູ້ຍິງອາ​ເມຣິກັນຄົນ​ນັ້ນໄດ້ ຮັບ​ບາດ​ເຈັບ ເວລາລະ​ເບີດ​
ເວລາ​ນ້ອຍໜ່ວຍ​ນຶ່ງ​ໄດ້ແຕກ​ຂື້ນ ຢູ່​ຫ້ອງ​ພັກ​ຂອງ​ນາງ ​ໃນໂຮງ​ແຮມ​ຫລູຫລາ​ Traders
Hotel ​ໃນນະຄອນ​ຢາງກຸ້ງ. ນາງ​ໄດ້​ຖືກນໍາໄປ​ຍັງໂຮງໝໍ​ທີ່​ບາງກອກ ​ເພື່ອ​ຮັບ​ການ​ປິ່ນປົວ
ແຕ່ ກ່າວ​ກັນວ່າ ບາ​ດ​ແຜ​ຂອງ​ນາງ ບໍ່​ຮ້າຍ​ແຮງ​ເຖີງ​ແກ່​ຊີວິດ.

​ກ່ອນ​ໜ້າ​ນັ້ນ ໃນ​ຕອນ​ເຊົ້າ​ວັນ​ຈັນ ຕໍາຫລວດກ່າວ​ວ່າ ​ໄດ້​ພົບ​ເຫັນ​ ​ລະ​ເບີດ ຢ່າງ​ໜ້ອຍ​ສອງ
​ລູກ ຢູ່ໃນ​ນະຄອນ​ຢາງ​ກຸ້ງ ​ແລະ​ມັນ​ດາ​ເລ.


XS
SM
MD
LG