ລິ້ງ ສຳຫລັບເຂົ້າຫາ

ຊາວມຸສລິມ ຍັງສືບຕໍ່ ປະທ້ວງ ຮູບເງົາໝິ່ນປະໝາດ ສາສະໜາອິສລາມ


ພວກປະທ້ວງກຸ່ມນຶ່ງ ໃນປາກິສຖານ.

ແລະໃນວັນເສົາວານນີ້ ຊາວມຸສລິມໄດ້ເຕົ້າໂຮມກັນໃນປາກິສ
ຖານ ແລະບັງກລາແດສ ເພື່ອສືບຕໍ່ປະທ້ວງຮູບເງົາຕໍ່ຕ້ານສາສະ
ໜາອິສລາມ ທີ່ສ້າງຂຶ້ນຢູ່ໃນສະຫະລັດ ທີ່ເປັນສາເຫດໃຫ້ເກີດ ການປະທ້ວງຢູ່ທົ່ວໂລກມຸສລິມ ນັ້ນ.

ປະຊາຊົນປະມານ 15,000 ຄົນ ໄດ້ທໍາການໂຮມຊຸມນຸມຢູ່
Karachi ເມືອງໃຫຍ່ທີ່ສຸດຂອງປາກີສຖານ ຮ້ອງໂຮສະແດງ
ຄວາມຈົ່ງຮັກພັກດີ ຕໍ່ສາສະໜາອິສລາມ ແລະພະສາສະດາ
ມູຮໍາມັດຂອງພວກເຂົາເຈົ້າ ແລະຮຽກຮ້ອງໃຫ້ຂັບໄລ່ເອກອັກ ຄະລັດຖະທູດສະຫະລັດອອກຈາກປະເທດ.

ນອກນີ້ ພວກປະທ້ວງຍັງໄດ້ຍ່າງຢຽບທຸງຊາດອະເມຣິກັນ
ແລະທຸບຕີຮູບ ພາບຂອງປະທານາທິບໍດີບາຣັກ ໂອບາມາ.

ສ່ວນທີ່ Dhaka ເມືອງຫຼວງຂອງປະເທດບັງກລາແດສ ກໍາລັງຮັກສາຄວາມປອດໄພໄດ້
ຢືນປ້ອງກັນຄວາມຮຸນແຮງ ໃນຂະນະພວກປະທ້ວງພາກັນເດີນຂະບວນຜ່ານ ຖະໜົນ
ຫົນທາງສາຍຕ່າງໆນັ້ນ.

ພວກປະທ້ວງບາງກຸ່ມ ໄດ້ຮຽກຮ້ອງໃຫ້ປະຫານຊີວິດຜູ້ສ້າງຮູບເງົາດັ່ງກ່າວ ໂດຍກ່າວວ່າ ຜູ້ກ່ຽວດູໝິ່ນພະສາສະດາມູຮໍາມັດ.

ການປະທ້ວງຫຼາຍໆບັ້ນຕໍ່ຕ້ານຮູບເງົາ ບາງຄັ້ງກໍເຖິງຂັ້ນເລຶອດຕົກຢາງອອກ. ຫຼາຍສິບ ຄົນຖືກຂ້າຕາຍ ຫຼາຍໆຄົນໃນນັ້ນແມ່ນຢູ່ໃນປາກີສຖານ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG