ລິ້ງ ສຳຫລັບເຂົ້າຫາ

ຝູງ​ຊົນຂະໜາດ​ໃຫຍ່​ ໂຮມ​ຊຸມນຸມ ປະທ້ວງ ທ່ານ Trump ໃນທົ່ວປະເທດ


ມີ​ການ​ຖືປ້າຍ​ຕ່າງ​ໆ ​ແລະ​ກໍ​ຮ້ອງ​ໂຮ​ ປະນາມ​ປະທານາທິບໍດີ​ທີ່​ຫາ​ກໍ​ຖືກ​ເລືອກໃໝ່
ວ່າ​ເປັນ​ພວກແບ່ງ​ແຍກ​ເຊື້ອຊາດ​ຜິວ​ພັນ ແລະ​ເປັນ​ຄົນ​ກຽດ​ຊັງ​ພວກ​ແມ່ຍິງ ຊຶ່ງ​ພວກ​
ປະ​ທ້ວງ​ຫຼາຍ​ພັນ​ຄົນ ​ໄດ້​ພາກັນ​ລົງ​ສູ່​ຖະນົນ​ຫົນທາງ ​ຢູ່​ຕາມ​ຫົວ​ເມືອງ​ຕ່າງໆ​ໃນ​ທົ່ວ​
ສະຫະລັດ ​ໃນ​ວັນ​ພຸດ​ວານ​ນີ້ ​ເພື່ອ​ປະ​ທ້ວງ​ການ​ໄດ້​ຮັບ​ໄຊຊະນະ​ໃນການ​ເລືອກ​ຕັ້ງ
​ປະທານາ ທິບໍດີຂອງ​ທ່ານ Donald Trump.

ຝູງ​ຊົນ​ຂະໜາດ​ໃຫຍ່​ພາກັນ​ເຕົ້າ​ໂຮມ​ກັນຈົນ​ແໜ້ນຖະໜົນ​ Fifth Ave ​ໃນ​ນະຄອນ
New York ຕໍ່​ໜ້າ​ຕຶກ​ຂອງ​ທ່ານ Trump ບ່ອນ​ທີ່ປະທານາທິບໍດີ​ຜູ້​ຊຶ່ງ​ຫາ​ກໍ​ຖືກ​ເລືອກ
ໃໝ່ນີ້​ອາ​ໄສ​ຢູ່ ​ໂດຍ​ພາກັນຍົກ​ປ້າຍ​ໄປມາ ທີ່​ມີ​ຄຳຂວັນ​ຂຽນ​ວ່າ “Love Trumps Hate”
ທີ່​ມີ​ຄວາມ​ໝາຍວ່າ ຮັກ​ໃນ​ສິ່ງ​ທີ່​ທ່ານ​ Trumps ກຽດ​ຊັງ.

ພວກປະທ້ວງພາກັນຖືປ້າຍຮຽກຮ້ອງໃຫ້ຟ້ອງ​ແລະ​ປົດ​ຕຳ​ແໜ່​ງທ່ານ Donald Trump ປະທານາທິບໍດີທີ່ຫາກໍຖືກເລືອກໃໝ່ ໃນນະຄອນ Seattle, 9 ພະຈິກ, 2016.

ພວກປະທ້ວງພາກັນຖືປ້າຍຮຽກຮ້ອງໃຫ້ຟ້ອງ​ແລະ​ປົດ​ຕຳ​ແໜ່​ງທ່ານ Donald Trump ປະທານາທິບໍດີທີ່ຫາກໍຖືກເລືອກໃໝ່ ໃນນະຄອນ Seattle, 9 ພະຈິກ, 2016.

ອີກ​ກຸ່ມ​ນຶ່ງ​ກໍ​ພາກັນ​ໂຮມ​ຊຸມນຸມ ກົງກັນຂ້າມ​ກັບ​ທຳນຽບຂາວໃນນະຄອນຫຼວງວໍຊີງຕັນ
ຊຶ່ງຈະ​ເປັນບ່ອນພຳນັກ​ຂອງທ່ານ Trumps ໃນເວລາອັນໃກ້ໆນີ້. ພຽງແຕ່ບໍ່ເທົາໃດຮ່ອມ
ຈາກຖະໜົນ Pennsylvania ບ່ອນທີ່ໂຮງແຮມຂອງທ່ານ Trumps ທີ່ຫາກໍເປີດ ໃຫ້ບໍລິ ການນັ້ນ ພວກປະທ້ວງກໍພາກັນ ໂຮຮ້ອງອອກມາວ່າ“ບອກອອກມາດັງໆບອກອອກມາ ຢ່າງຈະ​ແຈ້ງວ່າ ທີ່ນີ້ຍິນດີຕ້ອນຮັບພວກອົບພະຍົບ.”

ສ່ວນໃນບ່ອນອື່ນໆ ທາງຝັ່ງຕາເວັນອອກຂອງສະຫະລັດນັ້ນ ພວກປະທ້ວງແມ່ນໄດ້
ພາກັນເຕົ້າໂຮມກັນ ທີ່ນະຄອນ Miami ນະຄອນ Philadelphia ແລະນະຄອນ
Boston ບ່ອນທີ່ພວກປະທ້ວງພາກັນຖືປ້າຍຮຽກຮ້ອງໃຫ້ຟ້ອງ​ແລະ​ປົດ​ຕຳ​ແໜ່​ງທ່ານ Trump ແລະໃຫ້ຍຸຕິ ການເລືອກແບບ​ໃຊ້​ຄະ​ແນນ​ສຽງຜູ້ແທນລັດ ຊຶ່ງເປັນຂັ້ນຕອນ ທີ່ລັດຖະທຳມະນູນ​ໄດ້​ກຳນົດ​ໄວ້ທີ່ນຳໄປສູ່ການໄດ້ຮັບໄຊຊະນະເປັນປະທານາທິບໍດີ
ສະຫະລັດຂອງທ່ານ Trump ເຖິງແມ່ນວ່າ ທ່ານ​ຈະ​ມີ​ຄະ​ແນນ​ສຽງ​ຫລຸດ​ໜ້ອຍ​ນຶ່ງ ​
ເມື່ອ​ນັບ​ຄະ​ແນນ​ທັງ​ໝົດ​ຂອງ​ປະຊາຊົນໃນທົ່ວປະເທດ.

ປ. ບາຣັກ ໂອບາມາ ຄຽງຂ້າງດ້ວຍ ທ່ານJoe Biden ຮອງປະທານາທິບໍດີ ຖະແຫຼງການກ່ຽວກັບ ຜົນສະຫຼຸບ ຂອງການເລືອກຕັ້ງ ປະທານາທິບໍດີສະຫະລັດ ໃນ Rose Garden ທີ່ທຳນຽບຂາວ, ວໍຊີງຕັນ, 9 ພະຈິກ, 2016.

ປ. ບາຣັກ ໂອບາມາ ຄຽງຂ້າງດ້ວຍ ທ່ານJoe Biden ຮອງປະທານາທິບໍດີ ຖະແຫຼງການກ່ຽວກັບ ຜົນສະຫຼຸບ ຂອງການເລືອກຕັ້ງ ປະທານາທິບໍດີສະຫະລັດ ໃນ Rose Garden ທີ່ທຳນຽບຂາວ, ວໍຊີງຕັນ, 9 ພະຈິກ, 2016.

ໃນຝັ່ງກົງກັນຂ້າມອີກດ້ານນຶ່ງຂອງປະເທດພວກປະທ້ວງໃນນະຄອນ Los Angeles
San Francisco, Portland ​ແລະ Seattle ກໍພາກັນອອກມາ​ເດີນ​ຂະ​ບວນແລະຂັດ
ຂວາງການສັນຈອນ​ໄປມາ ເພື່ອສະແດງອອກເຖິງຄວາມໂກດແຄ້ນຕໍ່ການທີ່ທ່ານ
Trump ໄດ້ຊະນະ ທ່ານນາງ Hillary Clinton.

ໃນພາກກາງຂອງປະເທດນັ້ນ ພວກປະທ້ວງ​ໄດ້ໂຮມຊຸມນຸມກັນໃນນະຄອນ Chicago ເມືອງແຝດ ລັດ Minnessota ເມືອງ Omaha ລັດ Nebraska ​ແລະ​ເມືອງ Kasas City ລັດ Missouri.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG