ລິ້ງ ສຳຫລັບເຂົ້າຫາ

ຫຼາຍພັນຄົນ ເຂົ້າຮ່ວມ ພິທີ ສົ່ງສະການ ໃຫ້ໄວລຸ້ນ ຜິວດຳ ທີ່ຖືກຍິງຕາຍ ຢູ່ St. Louis (ສະໄລດ໌/ວີດີໂອ)


ນາງ Lesley McSpadden ແມ່ຂອງທ້າວ Michael Brown ຮ້ອງໄຫ້ ຕໍ່ໜ້າຫີບສົບຂອງລູກຊາຍ ໃນພິທີສົ່ງສະການ ຢູ່ທີ່ ໂບດ Friendly Temple ຂອງສາສະໜາ Baptist ໃນນະຄອນ St. Louis ລັດ Missouri, ວັນທີ 25 ສິງຫາ 2014.

ບັນດາສະມາຊິກ​ຄອບ​ຄົວ ​ແຂກ​ຜູ້​ມີ​ກຽດ ​ແລະ ​ຜູ້​ໄວ້ທຸກທັງຫຼາຍ
​ໄດ້​ເຂົ້າ​ໄປ​ນັ່ງ​ເຕັມ​ຢູ່ໃນ​ໂບດ​ແຫ່ງ​ນຶ່ງ ​ທີ່ນະຄອນ Saint Louis
​ເມື່ອ​ວັນ​ຈັນ​ວານ​ນີ້ ​ເພື່ອ​ໄວ້ອາໄລໃຫ້ແກ່ທ້າວ Michael Brown
​ໄວ​ລຸ້ນຜິວ​ດຳ​ບໍ່​ມີ​ອາວຸດ​ທີ່​ຖືກ​ຍິງ​ຕາຍ​ໂດຍ​ເຈົ້າໜ້າ​ທີ່​ຕຳຫລວດ
​ຜິວ​ຂາ​ວຢູ່​ທີ່ເມືອງ ​Ferguson ທີ່ຕັ້ງຢູ່ໃນເຂດຊານເມືອງນັ້ນ.

ມີຜູ້ນຳ​ສິດທິ​ພົນລະ​ເມືອງ​ລະດັບຊາດ ນັກ​ການ​ເມືອງ ​ແລະດາລາ
ຜູ້ມີ​ຊື່​ສຽງ ຈຳນວນ​ນຶ່ງ ​ໄດ້ເຂົ້າຮ່ວມ​ພິທີ​ສົ່ງສະການ​ ຢູ່​ທີ່ໂບດ
Friendly Temple ຂອງສາສະໜາ Baptist ທີ່ນະຄອນ
St. Louis.

ນັກສອນສາສະໜາ Al Sharpton ຜູ້​ທີ່​ໄດ້​ກ່າວ​ຄຳ​ສະດຸ​ດີ ເວົ້າ​ວ່າ ມູນເຊື້ອ​ຂອງ ທ້າວ Michael Brown ບໍ່​ຄວນ​ທີ່​ຈະ​ກ່ຽວ​ກັບ​ເລື້ອງ​ຈາລະ​ຈົນ ​ແຕ່​ລາວ​ຄວນ​ຈະ​ຖືກ​ຈົດ​ຈຳ​ວ່າ ​ເປັນ​ຄົນ​ທີ່​ໄດ້​ເຮັດ​ໃຫ້​ອາ​ເມ ຣິກາ ​ປະ​ເຊີນ​ໜ້າ​ກັບວິທີການ​ປະຕິງານ​ຂອງ​ຕຳຫລວດ​ໃນ​ສະຫະລັດ.

ກ່ອນ​ ໜ້າ​ພິທີ​ສົ່ງສະການ​ສົບ​ທ້າວ Brown ນັ້ນທ່ານ Brown Sr. ຊຶ່ງ​ເປັນພໍ່​ຂອງ​ທ້າວ Brown ຮຽກຮ້ອງ ໃຫ້ຢູ່​ໃນ​ຄວາມ​ສະ​ຫງົບ ​ແລະ​ຂໍ​ຮ້ອງ​ໃຫ້ການ​ປະ​ທ້ວງ​ ຍຸດຕິ​ໃນ​ລະຫວ່າງ​ພິທີ​ສົ່ງສະການ​.

XS
SM
MD
LG