ລິ້ງ ສຳຫລັບເຂົ້າຫາ

ໄທເສຍເງິນ ຫລາຍຕື້ດອນລາ ນຳໂຄງການ ຈຳນຳເຂົ້າ (ວີດີໂອ ຮຽນພາສາອັງກິດ)


ຊາວນາຄົນນຶ່ງ ກຳລັງເຮັດວຽກຢູ່ໃນນາຂອງລາວ ທີ່ຈັງຫວັດ ນະຄອນສະຫວັນ.

ທ່ານ​ນາງ​ຍິ່ງລັກ ຊິນນະ​ວັດ ອະດີດ​ນາຍົກລັດຖະມົນຕີ​ໄທ ຍັງ​ຢູ່
​ພາຍ​ໃຕ້​ການ​ກວດ​ສອບ​ທາງ​ດ້ານ​ກົດໝາຍໃນ​ຂໍ້​ຫາ​ທີ່ບໍ່​ສາມາດ
ຢຸດຢັ້ງ ​ການສູນເສຍຫຼືລຸບທຶນຂະໜານ​ໃຫຍ່ ​ແລະ​ການ​ສໍ້​ລາດ
​ບັງ​ຫຼວງ​ໃນການ​ໃຫ້ການ​ສະໜັບສະໜຸນຂຶ້ນລາຄາ​ເຂົ້າທີ່​ເປັນ​ບັນ
ຫາ​ໂຕ້​ແຍ້​ງກັນ​ນັ້ນ. ສິງ​ຈະ​ນຳເອົາ​ລາຍ​ງານ​ກ່ຽວ​ກັບ​ເລືອ​ງນີ້​ ຈາກ
ນາຍ Ron Corben ຜູ້​ສື່ ຂ່າວ​ວີ​ໂອ​ເອທີ່​ບາງກອກ ທີ່​ວ່າ ກະຊວງ
​ການ​ເງິນ​ໄທ ກະ​ປະມານ​ວ່າ ປະ​ເທດຊາດ​ໄດ້​ໃຊ້​ຈ່າຍ​ເງິນ​ຈຳ
ນວນ​ຫຼາຍ​ກວ່າ 21 ຕື້​ດອນ​ລາ​ ເພື່ອ​ສະໜັບສະໜຸນ ໂຄງການ
ຂຶ້ນລາຄາເຂົ້າ ​ໂດຍ​ລັດຖະບານ​ຕ່າງໆໃນ​ຮອບ​ນຶ່ງ​ທົດ​ສະ​ວັດ
ຜ່ານ​ມາ​ນີ້ ມາສະ​ເໜີ​ທ່ານ ​ໃນ​ອັນ​ດັບ​ຕໍ່​ໄປ.


ແຜນການສະໜັບສະໜຸນລາຄາເຂົ້າຫຼືຈຳນຳເຂົ້າ ທີ່ໄດ້ຮັບການ ໜຸນຫຼັງຈາກລັດຖະບານ ທີ່ລິເລີ້ມຂຶ້ນໂດຍອະດີດນາຍົກລັດຖະມົນຕີໄທ ທ່ານນາງຍິ້ງລັກ ຊິນນະວັດ ແລະພັກເພື່ອ
ໄທຂອງທ່ານນາງ ໄດ້ພິສູດ ໃຫ້ເຫັນວ່າເປັນໄຊຊະນະໃນການເລືອກຕັ້ງ ໃນການປ່ອນ
ບັດແຫ່ງຊາດ ໃນປີ 2011 ນັ້ນ.

ແຜນການດັ່ງກ່າວ ໄດ້ໃຫ້ຄຳໝັ້ນສັນຍາຕໍ່ພວກກະສິກອນປູກເຂົ້າວ່າ ຈະໃຫ້ລາຄາທີ່
ແນ່ນອນຕາຍໂຕ ແລະສູງກວ່າລາຄາໃນທ້ອງຕະຫຼາດ ສຳລັບເຂົ້າຂອງເຂົາເຈົ້າ. ບັນດາ
ເຈົ້າໜ້າທີ່ຫວັງວ່າ ຈະອຳນວຍໃຫ້ພວກເຂົາເຈົ້າສາມາດຄວບຄຸມການສົ່ງອອກເຂົ້າຂອງ
ປະເທດໄດ້ຫຼາຍຂຶ້ນແລະເສີມຄວາມເຂັ້ມແຂງ ໃຫ້ແກ່ທ່າທີຂອງໄທ ໃນຖານະເປັນປະ ເທດທີ່ສົ່ງອອກເຂົ້າ ລາຍໃຫຍ່ທີ່ສຸດຂອງໂລກ.

ແຕ່ພວກປະເທດ ທີ່ປູກເຂົ້າໃນພາກພື້ນ ເຊັ່ນ ອິນເດຍ ຫວຽດນາມ ແລະມຽນມາ ເພີ້ມ
ຜົນເກັບກ່ຽວຂອງເຂົາເຈົ້າ ແລະສົ່ງເຂົ້າອອກໄປຂາຍຫຼາຍຂຶ້ນໃນຕະຫຼາດທີ່ເປີດກວ້າງ ໂດຍສາມາດຄວາມຮຽກຮ້ອງ ຕ້ອງການເຂົ້າ ໄດ້ດີຂຶ້ນກວ່າໃນອະດີດທີ່ຜ່ານມາຫຼາຍປີ.

ການກະທຳເຊັ່ນນີ້ ເຮັດໃຫ້ເຂົ້າໄທຂາຍບໍ່ອອກແລະການໃຊ້ຈ່າຍເງິນໃຫ້ພວກກະສິກອນ
ປູກເຂົ້າລ້າຊ້າໄປ. ລັດຖະບານໄດ້ເລີ້ມເກັບສະ ສົມເຂົ້າທີ່ບໍ່ໄດ້ຂາຍນັ້ນໄວ້ໃນສາງ ຊຶ່ງປັດ
ຈຸບັນນີ້ ທາງການກະປະມານ ວ່າ ມີເຂົ້າທີ່ບໍ່ໄດ້ຂາຍ ປະມານ 19 ລ້ານໂຕນ.

ທ່ານວິໂຣດ ນະ ຣະນອງ ນັກ​ເສດຖະສາດ ປະຈຳ​ສະ​ຖາ​ບັນ​ຄົ້ນຄວ້າການ​ພັດທະນາໄທ
ທີ່​ເປັນ​ສະ​ຖາ​ບັນ​ອິດ​ສະລະ ກ່າວ​ວ່າ ການ​ສູນ​ເສຍທີ່​ກະຊວງ​ການ​ເງິນ​ກະ​ປະມານ​ກັນ​ນີ້
ສາມາດ​ເພີ້​ມຂຶ້ນ​ໄດ້ ຂະນະ​ທີ່​ລັດຖະບານ​ທະຫານ​ກຳນົດ​ທີ່ຈະພະຍາຍາມ​ສະ​ສາງ​ ກອງ​ເຂົ້າ​ທີ່ໃຫຍ່​ໂຕ​ນີ້​ ໃຫ້​ໝົດ​ໄປ.

“ຄວາມ​ຈິງ​ແລ້ວ ສິ່ງ​ທີ່​ບໍ່​ດີ​ນີ້ ບໍ່​ແມ່ນ​ແຕ່​ລັດຖະບານພັກ​ເພື່ອ​ໄທ​ເທົ່າ​ນັ້ນ ​ທີ່​ບໍ່​
ສາມາດຂາຍ​ເຂົ້າຂອງ​ຕົນ​ໄດ້ ​ແຕ່​ຄວາມ​ຄາດໝາຍ​ຂອງ​ຂ້າພະເຈົ້າກໍ​ແມ່ນ​ວ່າ ​
ເຂົ້າ​ສ່ວນ​ຫຼາຍ ​ຈະ​ກອງ​ກັນ​ຢູ່​ນີ້​ຕື່ມ​ອີກເປັນ​ເວລາ​ດົນ​ນານ ກ່ອນທີ່ພວກ​ທະຫານ​
ຈະ​ສາມາດ​ເຮັດ​ຫຍັງ​ໄດ້​ກັບ​ເຂົ້າ​ຈຳນວນນີ້.”

ກະຊວງ​ການ​ເງິນ​ໄທ ກະ​ປະມານ​ວ່າ ການ​ລຸບທຶນ​ຈາກ​ໂຄງການ​ຂາຍ​ເຂົ້າ​ພາຍ​ໃຕ້​ນາຍົກ​ລັດຖະມົນຕີ​ຍິ່ງລັກ ຊິນນະ​ວັດ ທັງ​ໝົດ​ແມ່ນ​ຫຼາຍ​ກວ່າ 16 ຕື້​ດອນ​ລາ. ກະຊວງ​ການ​ເງິນ​ກ່າວ​ວ່າທັງ​ໝົດ​ນີ້ ​ແມ່ນ​ຄ້າຍຄື​ກັນ​ກັບ​ໂຄງການ​ທີ່​ເລີ້ມ​ຂຶ້ນ​ໃນ​ປີ 2004 ທີ່​ພາ​ໃຫ້​ເສຍ​ເງິນ
​ທັງ​ໝົດ 21 ຕື້​ດອນ​ລາ​ນັ້ນ.

ພວກ​ທີ່​ຕຳ​ໜິຕິຕຽນ​ໂຄງການ​ເຂົ້າ​ນີ້ ກ່າວ​ວ່າ ​ໂຄງການ​ດັ່ງກ່າວ​ໄດ້​ສູນເສຍ​ເງິນ​ໄປ​ຢ່າງ​ຫຼວງ​ຫຼາຍ​ເຊັ່ນ​ກັນ​ນຳ​ການ​ສໍ້​ລາດ​ບັງ​ຫຼວງ. ພວກສະມາ​ຊິກ​ພັກ​ທ່ານ​ນາງ​ຍິ້ງລັກ ພາກັນ​ຢືນ​ຢັດ​ວ່າ ພວກ​ທີ່​ໄດ້​ຮັບ​ຜົນ​ກຳ​ໄລ ທີ່​ສຳຄັນ​ນັ້ນ ​ແມ່ນ​ພວກ​ກະສິກອນ​ປູກ​ເຂົ້າ​ໄທ.

​ແຕ່​ພັກ​ປະຊາທິປັດ​ຝ່າ​ຍຄ້ານ ​ໄດ້​ພິມ​ເຜີຍ​ແຜ່​ລາຍ​ງານຢ່າງ​ລະອຽດ​ ​ກ່ຽວ​ກັບ​ໂຄງການ​ເຂົ້າ​ນີ້ ​ໂດຍ​ອີງ​ໃສ່​ຂ່າວ​ຂໍ້​ມູນ​ທີ່​ໄດ້​ຮັບ​ຈາກ​ພວກ​ຂ້າ​ລາດຊະ​ການ ​ແລະ​ພວກ​ເຈົ້າ​ໜ້າ​ທີ່​ໃນ​ກະ
ຊວງ​ທະບວງ​ກົມ​ຕ່າງໆ​ຂອງ​ລັດຖະບານ ​ແລະ​ພວກ​ທະນາຄານ​ລັດ​ວິ​ສາ​ຫະກິດ​ຕ່າງໆ.

ທ່ານ Warong Dechgitvigrom ສະມາຊິກ​ພັກ​ປະຊາທິປັດ ກ່າວ​ວ່າ ການ​ສໍ້​ລາດ​ບັງ​ຫຼວງ​ຕ້ອງ​ມີ​ການ​ພົວພັນ​ນຳ​ຂອງ​ພວກ​ໂຮງສີ​ເຂົ້າ ພວກ​ທະນາຄານ​ທີ່​ລັດ​ເປັນ​ເຈົ້າ​ຂອງ ຕະຫຼອດ​ທັງ​ພວກ​ເຈົ້າ​ໜ້າ​ທີ່​ສຳຫລວດ ທີ່​ສົ່ງ​ໄປ​ກວດກາ​ເບິ່ງ​ຄຸນ​ນະພາ​ບຂອງ​ເຂົ້າ​ນັ້ນ​ນຳ. ການ​ຂາຍ​ເຂົ້າ​ອອກ ຕ່າງປະ​ເທດ ອີງ​ຕາມ​ພື້ນ​ຖານລະຫວ່າງ​ລັດຖະບານ​ຫາ​ລັດຖະບານກໍ​ຍັງ​ເປັນ​ບັນຫາ​ຄື​ກັນ.

ທ່ານ​ວາຣົງ ກ່າວ​ວ່າ “ ຜູ້​ສຳຫຼວດລາຄາກໍ​ສໍ້​ລາດ​ບັງ​ຫຼວງ​ຄື​ກັນ. ດ້ວຍ​ເຫດ​ນີ້​ເຂົ້າ​ທີ່​ມີ​ຄຸນ​ນະພາ​ບບໍ່​ດີ ​ເຂົ້າ​ສີ​ເຫຼືອງ ຫຼື​ເຂົ້າ​ທີ່​ມາ​ຈາກ​ກຳປູ​ເຈຍ ຫຼື​ມຽນມາ ​ໄດ້​ຖືກ​ສົ່ງ​ໄປ​ໄວ້​ໃນ​ສາງ​ເກັບ​ເຂົ້າ ​ແລະ​ໃນ​ທີ່​ສຸດ​ ເວລາ​ລັດຖະບານ​ຂາຍ​ເຂົ້າ ​ເຂົາ​ເຈົ້າ​ກໍ​ສໍ້​ລາດ​ບັງ​ຫຼວງ​ເຊັ່ນ​ກັນ​ ລະຫວ່າງ​ລັດຖະບານ​ຕໍ່​ລັດຖະບານ​ນັ້ນ ຊຶ່ງ​ເປັນ​ເລື້ອງປອມ​ແປງ ມັນ​ບໍ່​ແມ່ນ​ຂອງ​ຈິງ.”

ທ່ານ​ນາງຍິ້ງລັກ ທີ່​ເປັນ​ປະທານ​ຄະນະ​ກຳມະການ​ກຳກັບ​ດູ​ແລ​ໂຄງ ການ​ຈຳນຳ​ເຂົ້າ ປະ​ເຊີນ​ກັບ​ຂໍ້​ກ່າວ​ຫາ​ຕ່າງໆ ຖານລະເລີຍ​ຫຼື​ບໍ່​ເອົາ​ໃຈ​ໃສ່ຕໍ່ໜ້າທີ່ ​ແລະ​ມີ​ໝາຍກຳນົດທີ່​ຈະ​ໄປ​ປາກົດ​ໂຕ​ຢູ່​ໃນ​ສະພາ​ແຫ່ງ​ຊາດ​ໃນ​ວັນ​ທີ 28 ພະຈິກ​ນີ້. ຖ້າ​ທ່ານ​ນາງ​ຖືກ​ຟ້ອງ​ຮ້ອງ​ຢ່າງ​ເປັນ​ທາງ​ການ ທ່ານ​ນາງຈະຖືກ​ຫ້າມບໍ່​ໃຫ້​ຫຼິ້ນ​ການ​ເມືອງ​ເປັນ​ເວລາ 5 ປີ.

ທ່ານ​ວິ​ໂຣດ ນັກ​ເສດຖະສາດ​ກ່າວ​ວ່າ ການ​ເຄື່ອນ​ໄຫວ ​ຂອງຄະນະ​ກຳມະການ​ປາບ​ການ
​ສໍ້​ລາດ​ບັງ​ຫຼວງ​ແຫ່ງ​ຊາດ​ ທີ່ແນ​ເປົ້າ​ໝາຍ​ໃສ່ອະດີດ​ນາຍົກລັດຖະມົນຕີຍິ່ງລັກ ປາກົດ​ວ່າ
“​ເປັນ​ເລື້ອງ​ການ​ເມືອງ” ທີ່ອີງ​ໃສ່​ຂໍ້​ກ່າວ​ຫາ​ທີ່​ອ່ອນ​ແອ​ຂອງ​ຕຳ​ແໜ່​ງຂອງ​ທ່ານ​ນາງ ​ໃນ
ຖານະ​ເປັນ​ປະທານ​ຂອງ​ໂຄງການຈຳນຳເຂົ້າ​ແຫ່ງ​ຊາດ ທີ່​ທ່ານ​ນາງ​ຄວນ​ຈະ​ເປັນຜູ້​ຮັບ
ຜິດຊອບ​ນັ້ນ.

​ແຕ່​ທ່ານ Warong Dechgitvigrom ຈາກ​ພັກ​ປະຊາທິປັດ ກ່າວ​ວ່າ ການ​ເຄື່ອນ​ໄຫວ​ທາງ​ດ້ານ​ກົດໝາຍ​ຕໍ່​ທ່ານ​ນາງ​ຍິ້ງລັກ ສາມາດ​ບັນລຸ​ຜົນສຳ​ເລັດ​ໄດ້ ຍ້ອນວ່າ ພາກສ່ວນ​ນຶ່ງ​ກໍ​ເພາະວ່າ ພວກ​ກະສິກອນ​ປູກ​ເຂົ້າ​ຫຼາຍ​ຄົນ ​ເກີດ​ໂມ​ໂຫ​ໂທ​ໂສ ຍ້ອນການຊັກ​ຊ້າ​ໃນ​ການ
​ໃຊ້​ຈ່າຍ​ເງິນ​ໃຫ້ພວກ​ເຂົາ​ເຈົ້າ​ນັ້ນ.

ທ່ານ​ວາຣົງ ກ່າວ​ວ່າ “ຂ້າພະ​ເຈົ້າ​ເຊື່ອ​ວ່າ ການ​ຟ້ອງ​ຮ້ອງ​ຈະ​ປະສົບ​ກັບ​ຜົນສຳ​ເລັດ ​
ແລະ​ສານ​ອາຍາ​ສູງ​ສຸດ ​ໃນ​ທີ່​ສຸດ ຂ້າພະ​ເຈົ້າ​ເຊື່ອ​ວ່າ ຈະປະສົບ​ຜົນສຳ​ເລັດ​ເຊັ່ນ​ກັນ.
ທັງ​ສອງ​ທາງ ຜູ້​ທຸກ​ຈະ​ເຫັນ​ດີ​ນຳ​ສານ​ນັກ​ການ​ເມືອງ​ຕ້ອງ​ຮັບຜິດຊອບ ສຳລັບ​ການ​
ສໍ້​ລາດ​ບັງ​ຫຼວງ ​ແລະ​ກ່ຽວ​ກັບການ​ຟ້ອງ​ຮ້ອງ ​ແລະ​ພຶດຕິ​ກຳ​ດ້ານ​ອາຍາ​ຕ່າງໆ.”

ພວກ​ເອກກະຊົນທີ່ສົ່ງເຂົ້າ​ອອກໄປຂາຍຕ່າງປະເທດ ຍັງ​ຄົງ​ມີ​ຄວາມ​ໝັ້ນ​ໃຈ​ຢູ່​ວ່າ ​ໄທຈະ​ຟື້ນໂຕ​ຄືນ ​ໃນຖານະທີ່ເປັນ​ປະ​ເທດສົ່ງ​ອອກ​ເຂົ້າ​ຫຼາຍ​ທີ່​ສຸດ​ຂອງໂລກ​ ໃນ​ປີ​ຕໍ່ໜ້າ​ນີ້.

ພວກ​ຫົວໜ້າ​ບໍລິຫານ​ອຸດສາຫະກຳ​ເຂົ້າ ທຳນາຍ​ວ່າ ​ໄທ​ຈະ​ສົ່ງ​ເຂົ້າອອກ​ໄປ​ຂາຍ​ໃນ​ຕ່າງ
ປະ​ເທດ​ໃນ​ປະລິມານ 10 ຫາ 12 ລ້ານໂຕນ​ໃນ​ປີ 2014 ນີ້ ພ້ອມໆ​ກັບ​ອິນ​ເດຍ ​ໃນ​ປະລິ
ມານ 10 ລ້ານໂຕນ​ນັ້ນ.

ເບິ່ງວີດີໂອ ຂອງພະແນກຮຽນພາສາອັງກິດ ກ່ຽວກັບໂຄງການຈຳນຳເຂົ້າ ຂອງໄທ:

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG