ລິ້ງ ສຳຫລັບເຂົ້າຫາ

ໄທ ກ່າວວ່າ ການໂຈມຕີ ສານເຈົ້າ ເອຣະວັນ ບໍ່ພົວພັນ ກັບການກໍ່ການຮ້າຍ ຕ່າງປະເທດ


ຜູ້ຍິງຄົນນຶ່ງ ວາງດອກໄມ້ ໄວ້ອາໄລຢູ່ ສານເຈົ້າເອຣະວັນ ທີ່ບາງກອກ.

ຜູ້ຍິງຄົນນຶ່ງ ວາງດອກໄມ້ ໄວ້ອາໄລຢູ່ ສານເຈົ້າເອຣະວັນ ທີ່ບາງກອກ.

ບັນດາ​ເຈົ້າ​ໜ້າ​ທີ່​ໄທ ກ່າວວ່າ ການວາງ​ລະ​ເບີດ​ຮ້າຍ​ແຮງ ​ທີ່​
ສານ​ເຈົ້າ​ເອຣະວັນໃນ​ບາງກອກ ເມື່ອແລງ​ວັນ​ຈັນ ອາທິດແລ້ວ
ນີ້ ​ມີທ່າທາງວ່າ ເປັນ​ແຜນ​ຂອງ​ຢ່າງ​ໜ້ອຍ 10 ຄົນ ຮວມທັງ​
ຊາວ​ຕ່າງປະ​ເທດຈຳນວນນຶ່ງມາ​ໄດ້​ນຶ່ງ​ເດືອນກວ່າໆ​ແລ້ວ. ​ແຕ່​
ວ່າ ເຫດລະ​ເບີດ​ ​ທີ່ໄດ້​ສັງຫານ 22 ຄົນ ແລະ​ເຮັດໃຫ້ມີຜູ້ບາດ
​ເຈັບອີກ 120 ຄົນ​ນັ້ນ ບໍ່​ເຊື່ອ​ວ່າ ​ເປັນການໂຈມຕີຂອງພວກ ກໍ່
ການຮ້າຍຕ່າງປະ​ເທດ. ນັກ​ຂ່າວ ວີ​ໂອ​ເອ Steve Herman ມີ
ລາຍ​ງານເລື່ອງນີ້ຈາກບາງກອກ ຊຶ່ງ ກິ່ງ​ສະ​ວັນ ຈະ​ນຳ​ເອົາລາຍ
ລະອຽດມາສະ​ເໜີ​ທ່ານ.

ຄະນະ​ປົກຄອງທະຫານໄທ ກຳລັງ​ຊ​ອກຫາ​ຊ່ອງທາງເພື່ອໃຫ້ການ​ຄຳ້ປະກັນ ແກ່ ບັນດາ​ນັກ​ທ່ອງ​ທ່ຽວຕ່າງປະເທດ​ວ່າ ກຸ່ມ​ກໍ່​ການ​ຮ້າຍນາໆຊາດບໍ່​ໄດ້​ແນ ເປົ້າ​ໝາຍ​ໃສ່ປະ​ເທດ​ໄທ ຫລື​ຄົນສັນຊາດ​ຈີນ ທີ່​ເປັນ​ຜູ້​ເຄາະ​ຮ້າຍໃນການວາງ​ລະ​ເບີດ ທີ່​ສານ​ເຈົ້າ​ເອຣະວັນ.

​ໃນ​ຕອນ​ທ່ຽງ​ຂອງ​ວັນ​ພະຫັດ​ແລ້ວ​ນີ້ ທະຫານ​ໄດ້​ປະກາດພິ​ເສດທາງ​ໂທລະພາບ ​ທຸກໆ ຊ່ອງ ທີ່​ໄດ້​ອອກຄືນອີກ ​ເປັນພາສາ​ອັງກິດ ​ແລະ​ຈີນ​ກາງ.

ຜູ້​ປະກາດ ທ່ານນາງ Pariya Netvichien ​ໄດ້​ອ່ານ​ເປັນ​ພາສາ​ອັງກິດວ່າ:

“ບັນດາ​ພະແນກ​ຮັກສາ​ຄວາມ​ປອດ​ໄພໄດ້​ປະສານ​ງາ​ນກັບ​ອົງການ​ສືບ​ລັບ​ຕ່າງໆ​ຈາກປະ​ເທດ​ພັນທະ​ມິດ ​ແລະ​ໄດ້​ລົງ​ຄວາມ​ເຫັນກັນໃນຂັ້ນຕົ້ນ​ວ່າ ​ເຫດ​ຮ້າຍບໍ່ມີ ທ່າທາງວ່າ ມີການ ພົວພັນ​ກັບພວກກໍ່​ການ​ຮ້າ​ຍຕ່າງປະ​ເທດແລະ​ບັນດາ​ນັກ​ທ່ອງ ​ທ່ຽວ​ຊາວ​ຈີນ​ ກໍບໍ່​ໄດ້​ເປັນ​ເປົ້າ​ໝາ​ຍໂດຍກົງ.”

​ໃນ​ວັນ​ພຸດ​ທີ່​ຜ່ານ​ມາ ລັດຖະບານ​ໄດ້​ອອກ​ໝາຍ​ຈັບ ​ແລະ​ເຜີ​ຍແຜ່​ຮູບ​ແຕ້ມຂອງ​ຜູ້​ຊາຍ​ຕ່າງປະ​ເທ​ດ ທີ່​ເຂົາ​ເຈົ້າ​ເຊື່ອ​ວ່າ ທຳ​ການ​ໂຈມ​ຕີ.

ຜູ້​ຊາຍ​ສູງ ຮ່າງ​ຄີງ​ບາງ ນຸ່ງ​ເສື້ອຍືດສີ​ເຫ​ລື​ອງ ​ໄດ້​ເຫັນ​ຢູ່​ກ້ອງ​ວົງ​ຈອນ​ປິ​ດ ຍ່າງ​ໄປແບບ ງຽບໆ​ ອອກຈາກສານເຈົ້າ ຫລັງ​ຈາກ​ໄດ້​ວາງ​ຖົງ​ເປ້​ໄວ້​ກ້ອງ​ຕັ່ງແປ້ນ​ມ້າ ກ່ອນ​ລະເບີດໄດ້ ແຕກ​ຂື້ນ.

ບັນດາ​ເຈົ້າ​ໜ້າ​ທີ່​ຕຳຫລວດ​ກ່າວ​ວ່າ ຜູ້​ຊາຍ​ອີກ​ສອງ​ຄົນ ຜູ້​ນຶ່ງ​ນຸ່ງ​ເສື້ອແດງ ​ແລະ​ອີກ​ຜູ້​ນຶ່ງ
​ນຸ່ງ​ເສື້ອຂາວ ທີ່​ເຫັນ​ຢູ່​ໃນ​ກ້ອງ​ວົງ​ຈອນ​ປິດນັ້ນ ກໍ​ເປັນ​ຜູ້​ຕ້ອງສົງ​ໄສ​ໃນ​ການ​ໂຈມ​ຕີດ້ວຍ.

ທີ່​ປຶກສາ​ກະຊວງ​ປ້ອງ​ກັນ​ປະ​ເທດ ທ່ານ Panitan Wattanayagorn ກ່າ​ວຕໍ່ ວີໂອ​ເອ
ວ່າ ການ​ສື​ບສວນ​ເປັນ​ວຽກ​ຂອງຕຳຫລວດ​ໄທ​ແລະ​ເຂົາ​ເຈົ້າ​ສາມາດຮັບ ມືກັບ​ມັນ​ໄດ້ ​ໃນ
​ປັດ​ຈຸ​ບັນ​ນີ້ ໂດຍປາດ​ສະ​ຈາກ​ການ​ຊ່ວຍ​ເຫລືອໃດໆ ຈາກ​ຕ່າງ ປະ​ເທດ​.

ທ່ານເວົ້າວ່າ “​ເທັກ​ນິກບາງຢ່າງ ຫລື​ການ​ວິ​ເຄາະລະດັບ​ສູງ​ ໂດຍ​ສະ​ເພາະນັ້ນ ສາມາດ​ຂໍຮ້ອງ​ໄດ້ ຖ້າ​ຫາກ​ມີຄວາມຈຳເປັນ. ​ແຕ່​ເທົ່າ​ທີ່​ຜ່ານ​ມາ ບັນດາ​ເຈົ້າ​ໜ້າ​ທີ່​ໄທມີ​ຄວາ​ມສາມາດ​ຮັບ​ມື ​ກັບ​ຄະດີໄດ້​ຢ່າງ​ເຕັມທີ່.”

ຍັງ​ບໍ່​ທັນ​ມີການລົງຄວາມເຫັນກ່ຽວກັບສາ​ເຫ​ດໃນ​ການ​ໂຈມ​ຕີຄັ້ງນີ້. ນອກນັ້ນ​ຍັງ​ບໍ່​ທັນ
​ເປັນ​ທີ່ແຈ້ງ​ຂາວເທື່ອ​ວ່າ ມີຜູ້​ຕ້ອງ​ສົງ​ໄສ​ໃດໆ​ໄດ້​ຫລົບໜີ​ອອກໄປ​ນອກ​ປະເທດແລ້ວຫລືບໍ່. ນາຍົກລັດຖະມົນ​ຕີ​ໄທກ່າວ​ວ່າ ມັນ​ອາດເປັນການໂຈມຕີທີ່ມີຈຸດ ປະສົງທາງ​ການ​ເມືອງ ທີ່
ແນ​ໃສ່​ເພື່ອ​ສ້າງຄວາມເສຍຫາຍໃຫ້ແກ່ການທ່ອງທ່ຽວ ຫລື​ເສດຖະກິດ.

ສະແດງຄວາມເຫັນໃຫ້ເບິ່ງ

XS
SM
MD
LG