ລິ້ງ ສຳຫລັບເຂົ້າຫາ

30 ຄົນ ເສຍຊີວິດ ຍ້ອນໄຟໄໝ້ ສູນອົບພະຍົບ ຢູ່ພາກເໜືອ ຂອງໄທ (ວີດິໂອ)


ກຳລັງຮັກສາຄວາມສະຫງົບຂອງໄທ ກວດກາເບິ່ງ ບ່ອນເກີດໄຟໄໝ້ ທີ່ສູນອົບພະຍົບບ້ານແມ່ສຸຣິນ ໃກ້ໆເມືອງແມ່ຮ່ອງສອນ ໃນພາກເໜືອຂອງໄທ (23 ມີນາ 2013)
ມີອົບພະຍົບຊາວມຽນມາຢ່າງໜ້ອຍ 30 ຄົນເສຍຊີວິດແລະ 200 ຄົນໄດ້ຮັບບາດເຈັບ ຍ້ອນອັກຄີໄພ ທີ່ສູນອົບພະຍົບແຫ່ງນຶ່ງ ໃນ ພາກເໜືອຂອງໄທ ໃນມື້ວັນສຸກວານນີ້.

ເຈົ້າໜ້າທີ່ເວົ້າວ່າ ໄຟເລີ້ມລຸກໄໝ້ ໃນເວລາປະມານ 4 ໂມງແລງ ຕາມເວລາທ້ອງຖິ່ນໂດຍໄດ້ທຳລາຍຕູບອາຄານພັກເຊົາປະມານ
100 ຫຼັງ ສຸກສາລາ ພ້ອມທັງບ່ອນແຈກຢາຍອາຫານຂອງສູນດັ່ງ
ກ່າວ.

ອົງການອົບພະຍົບຂອງສະຫະປະຊາຊາດ ຫຼື UNHCR ກ່າວໃນ ວັນເສົາມື້ນີ້ວ່າຕົນໄດ້ສົ່ງຍານພາຫະນະແລະການສະໜັບສະໜຸນ
ອື່ນໆໄປຊ່ອຍພວກອົບພະຍົບ ທີ່ໄດ້ຮັບບາດເຈັບໃນທັນທີ.

ພວກເຈົ້າໜ້າທີ່ ກ່າວວ່າ ການດຳເນີນຄວາມພະຍາຍາມບັນເທົາ
ທຸກແມ່ນໄດ້ຮັບການປະສານງານ ໂດຍພວກເຈົ້າໜ້າທີ່ປະຈຳຈັງ
ຫວັດ ຂອງລັດຖະບານ ແຫ່ງຣາຊະອານາຈັກໄທ ແລະພວກເຈົ້າ
ໜ້າທີ່ປະຈຳສູນ.

ສູນອົບພະຍົບທີ່ສອກຫຼີກຫ່າງໄກດັ່ງກ່າວໄດ້ສ້າງຕັ້ງຂຶ້ນໃນປີ 1992 ສຳລັບພວກອົບພະຍົບ ທີ່ຫຼົບໜີບັນຫາຂັດແຍ້ງ ລະຫວ່າງຊົນຊາດຊົນເຜົ່າ ຢູ່ໃນມຽນມາ ຊຶ່ງເປັນບ່ອນພັກພາອາໄສ ຂອງພວກອົບພະຍົບປະມານ 3,500 ຄົນ.

XS
SM
MD
LG