ລິ້ງ ສຳຫລັບເຂົ້າຫາ

ນາຍົກລັດຖະມົນຕີຄົນໃໝ່ຂອງໄທ ປະເຊີນກັບ ບັນຫາທ້າທາຍຫລາຍຢ່າງ (ເບິ່ງວີດີໂອ)

  • Ron Corben
  • Dara Baccam

ກອງປະຊຸມສະພາແຫ່ງຊາດຂອງໄທ ໃນນະຄອນຫລວງບາງກອກ ໄດ້ເລືອກຕັ້ງເອົານາຍົກລັດຖະມົນຕີຄົນໃໝ່ ໃນວັນສຸກ, ທີ 5 ສິງຫາ 2011 (REUTERS/Chaiwat Subprasom)

ອາທິດນີ້ ສະພາແຫ່ງຊາດຊຸດໃໝ່ຂອງໄທ ໄຂກອງປະຊຸມນັດປະຖົມມະເລີກຂຶ້ນ ນັບຕັ້ງ ແຕ່ມີການເລືອກຕັ້ງທົ່ວໄປໃນວັນທີ 3 ກໍລະກົດຜ່ານມາ ແລະກໍໄດ້ເລືອກເອົາ ທ່ານນາງ ຢິ່ງລັກ ຊິນນະວັດ ຜູ້ນໍາພັກເພື່ອໄທ ທີ່ໄດ້ຮັບໄຊຊະນະດ້ວຍສຽງສ່ວນຫລາຍຢ່າງແຈ້ງຂາວ ໃນການເລືອກຕັ້ງຄັ້ງວັນທີ 3 ກໍລະກົດນັ້ນ. ແຕ່ຢ່າງໃດກໍຕາມ ດັງທີ່ ສື່ຂ່າວວີໂອເອ Ron Corben ລາຍງານມາຈາກບາງກອກ ກໍແມ່ນວ່າ ທ່ານນາງຢິ່ງລັກປະເຊີນກັບຂໍ້ຫຍຸ້ງຍາກ ຫລາຍອັນ ຫລາຍຢ່າງ ນັບຕັ້ງແຕ່ການຄັດເລືອກເອົາຄະນະບໍລິຫານງານລັດຖະບານຂອງ ທ່ານນາງ ຕະຫລອດຮອດການປະຕິບັດຕາມຄໍາໝັ້ນສັນຍາ ທີ່ເຫັນແກ່ປະຊາຊົນທໍາມະດາ ສາມັນ ທີ່ທ່ານນາງໄດ້ໃຫ້ໄວ້ໃນຕອນໂຄສະນາຫາສຽງເລືອກຕັ້ງນັ້ນ.

ສະພາແຫ່ງຊາດຂອງໄທ​ໄດ້ເລືອກເອົາທ່ານນາງ ຢິ່ງລັກ ຊິນນະວັດ, ໄວ 44 ປີ ເປັນ
ນາຍົກລັດຖະມົນຕີແມ່ຍິງຄົນທໍາອິດຂອງປະເທດ ໃນວັນສຸກມື້ນີ້. ພັກເພື່ອໄທຂອງ​ທ່ານ
ນາງ ທີ່ໄດ້ຮັບ​ບ່ອນ​ນັ່ງ 265 ບ່ອນ​ ​ໃນ​ການ​ເລືອກ​ຕັ້ງ​ຄັ້ງ​ວັນ​ທີ 3 ກໍລະກົດ​ຜ່ານ​ມາ​ນັ້ນ
ໄດ້ດຶງ​ເອົາ​ພັກ​ນ້ອຍໆ​ເຂົ້າ​ມາ​ຮ່ວມ​ນໍາ ​ເພື່ອໃຫ້​ໄດ້​ເປັນ​ພັກ​ສຽງ​ສ່ວນ​ຫລາຍ​ຢ່າງ​ເດັດຂາດ
ຊຶ່ງເວລາ​ນີ້​ ແມ່ນ​ຄອບ​ຄອງ​ບ່ອນ​ນັ່ງລວມກັນເປັນ 300 ບ່ອນ​ໃນສະພາຜູ້ແທນທີ່ມີສະມາ
ຊິກທັງໝົດ 500 ທ່ານນັ້ນ.

ໃນ​ພິທີ​ໄຂ​ກອງ​ປະຊຸມ​ໃນ​ຕອນ​ແລງ​ວັນ​ຈັນ​ທີ່ຜ່ານມານີ້ ອົງ​ມົງກຸດ​ລາດຊະ​ກຸມມານ ມະຫາ
ວະ​ຊີີ​ລາ​ລົງ​ກອນ ຊຶ່ງຊົງໃຫ້ໂອວາດໃນນາມພະບິດາຂອງພະອົງ ກໍຄືກະສັດ​ພູມີ​ພົນ ​ອະດຸນ
ຍະ​ເດດນັ້ນ ໄດ້ຊົງຮຽກຮ້ອງໃຫ້ບັນດາຜູ້​ແທນ​ໃໝ່ສະແດງຄວາມຮັບຜິດຊອບໃນການປະຕິ
ບັດວຽກງານລັດຖະການຂອງຕົນ.

// ສຽງພາສາໄທ //

ອົງ​ມົງກຸດ​ລາດຊະ​ກຸມມານ ມະຫາວະ​ຊີີ​ລາ​ລົງ​ກອນ ຊົງກ່າວຕໍ່ຜູ້ແທນສະພາເກືອບ 500
ຄົນນັ້ນວ່າ ພະ​ອົງ​ເຊື່ອ​ວ່າ ພວກ​ເຂົາ​ເຈົ້າ​ຄົງ​ຮູ້​ດີ​ວ່າ ​ເຂົາ​ເຈົ້າ​ຕ້ອງ​ໄດ້ທໍາໜ້າທີ່ດ້ວຍຄວາມ
ຊື່ສັດສຸດຈະລິດ, ຈິງ​ໃຈ ແລະດ້ວຍ​ຄວາມ​ຮັບຜິດຊອບ ເພື່ອຜົນປະໂຫຍດສ່ວນລວມຂອງ
ປະຊາຊົນ ຫລາຍ​ກວ່າຜົນປະໂຫຍດ​ສ່ວນ​ຕົວ.

ການເລືອກຕັ້ງໃນເດືອນກໍລະກົດທີ່ຜ່ານມາ ແມ່ນໄດ້ລະງັບຄວາມວຸ້ນວາຍ ທີ່​ເກີດ​ຈາກການ
ແຕກແຍກກັນ ລະຫວ່າງອະດີດນາຍົກລັດຖະມົນຕີ ທັກ​ສິນ ຊິນນະວັດ ກັບພວກທີ່ຕໍ່ຕ້ານ
ທ່ານ. ທ່ານທັກສິນ ຊຶ່ງເປັນອ້າຍຂອງທ່ານນາງຢິ່ງລັກ ເວລາ​ນີ້ຍັງລີ້​ໄພຢູ່ໃນ Dubai ​ນັບ
ຕັ້ງແຕ່ໄດ້ໂຕນໜີຈາກໄທ​ໄປ​ໃນປີ 2008 ເພື່ອຫລົບຫລີກໂທດຈໍາຄຸກ 2 ປີ ໃນຄະດີສໍ້ລາດ ບັງຫຼວງ.

ພວກເດີນຂະບວນປະທ້ວງເສື້ອເຫລືອງ ທີ່ພວກສະໜັບສະໜູນອະດີດ ນາຍົກລັດຖະມົນຕີ ອະພິສິດ ເວດຊາຊີວະ ໂຮມຊຸມນຸມກັນໃນ ນະຄອນຫລວງບາງກອກ ໃນ ວັນທີ 15 ພະຈິກ, 2009
ພວກເດີນຂະບວນປະທ້ວງເສື້ອເຫລືອງ ທີ່ພວກສະໜັບສະໜູນອະດີດ ນາຍົກລັດຖະມົນຕີ ອະພິສິດ ເວດຊາຊີວະ ໂຮມຊຸມນຸມກັນໃນ ນະຄອນຫລວງບາງກອກ ໃນ ວັນທີ 15 ພະຈິກ, 2009

ພວກພັກທີ່ສະໜັບສະໜູນທ່ານ
ທັກສິນໄດ້ຮັບໄຊຊະນະໃນການ
ເລືອກຕັ້ງປີ 2007. ແຕ່ວ່າການ
ຕັດສິນຂອງສານ ແລະການເດີນ
ຂະບວນປະທ້ວງ ຕໍ່ຕ້ານ​ລັດຖະ
ບານ​ຫລາຍໆ​ບັ້ນ ໄດ້ນໍາ​ໄປ​ສູ່ລັດ
ຖະບານປະສົມ ຊຶ່ງນໍາພາໂດຍຜູ້
ນໍາພັກປະຊາທິປັດທ່ານອະພິສິດ
ເວດຊາຊີວະ ໃນເດືອນທັນວາປີ
2008 ທີ່ໄດ້ຮັບການໜູນຫລັງ
ໂດຍກອງທັບ ​ແລະພວກເຈົ້າຂຸນ
ມຸນນາຍ ຢູ່ໃນນະຄອນຫລວງ​ ບາງກອກ.

ແຕ່ວ່າ ລັດຖະບານຂອງທ່ານ
ອະພິສິດ ກໍໄດ້ປະເຊີນກັບການ
ເດີນຂະບວນປະທ້ວງເປັນເວລາ
ສອງປີໂດຍພວກສະໜັບສະໜູນ
ທ່ານທັກສິນ ຫລື​ພວກເສື້ອແດງນັ້ນ. ການປະ​ທ້ວງໄດ້ກັບກາຍເປັນຄວາມຮຸນແຮງຂຶ້ນໃນປີ
ກາຍນີ້ ​ເຮັດໃຫ້ຫລາຍກວ່າ 90 ຄົນເສຍຊີວິດ ເວລາກໍາລັງຮັກສາຄວາມສະຫງົບເຄື່ອນເຂົ້າ
ໄປທັບມ້າງການໂຮມຊຸມນຸມ ໃຫ້ສະຫລາຍຕົວ.

ອະດີດໂຄສົກຂອງລັດຖະບານ ແລະສະມາຊິກພັກເພື່ອໄທ, ທ່ານ ກູເດັບ ໃສກຣະຈາງ ເວົ້າ
ວ່າ ເປັນທີ່ຄາດກັນວ່າ ລັດຖະບານທີ່ນໍາພາໂດຍທ່ານນາງຢິ່ງລັກ ຄົງ​ຈະເຄື່ອນ​ໄຫວ​ຢ່າງລະ
ມັດລະວັງ ແຕ່ກໍຈະໄດ້ຮັບການສະໜັບສະໜູນຢ່າງແຂງແຮງ. ທ່ານໃຫ້ຄໍາເຫັນດັ່ງນີ້:

ພວກຂະບວນການເສື້ອແດງໃຫ້ການສະໜັບສະໜູນທ່ານນາງ ຢິ່ງລັກ ຊິນນະວັດ ຢ່າງຖ້ວມລົ້ນໃນການໂຮມຊຸມນຸມເພື່ອຫາສຽງຂອງ ພັກເພື່ອໄທ ທີ່ນະຄອນບາງກອກໃນວັນທີ 1 ກໍລະກົດ, 2011. (AP Photo/Sakchai Lalit)
ພວກຂະບວນການເສື້ອແດງໃຫ້ການສະໜັບສະໜູນທ່ານນາງ ຢິ່ງລັກ ຊິນນະວັດ ຢ່າງຖ້ວມລົ້ນໃນການໂຮມຊຸມນຸມເພື່ອຫາສຽງຂອງ ພັກເພື່ອໄທ ທີ່ນະຄອນບາງກອກໃນວັນທີ 1 ກໍລະກົດ, 2011. (AP Photo/Sakchai Lalit)

"ຂ້າພະເຈົ້າຄິດວ່າ ທ່ານນາງ
ຢິ່ງລັກ​ ເປັນ​ຄົນ​ທີ່ມີຄວາມລະ
ມັດລະວັງຫລາຍ ແລະ ທ່ານ
ທັກສິນກໍໄດ້ເລືອກທີ່ຈະດໍາ
ເນີນການໄປແບບນີ້ ​ເພື່ອ​ໂຕ
​ເອງແລະລັດຖະບານ. ຂ້າພະ
ເຈົ້າຄິດວ່າ ທ່ານນາງໄດ້ຮຽນ
ຮູ້ໃນວິທີທີ່ຈະປົກຄອງປະ
ເທດ, ວິທີ​ທີ່​ຈະ​ຂຶ້ນ​ຄອງອໍາ
ນາດໃນທາງທີ່ຢືດຢຸນຫລື
ຜ່ອນສັ້ນ ຜ່ອນຍາວຫລາຍ
ກວ່າ. ສະນັ້ນ ທ່ານນາງຈະ
ໄດ້ຮັບການແນະນໍາຈາກຜູ້
ທີ່ມີຄວາມເປັນຫ່ວງ ເປັນ
ໃຍນໍາຫລາຍໆທ່ານ. ຂ້າພະເຈົ້າຄິດວ່າ ທ່ານນາງຈະດໍາເນີນງານໄດ້ດີກວ່າ
ທີ່ພວກເຮົາຄາດຄິດໄວ້ອີກ."

ນັກວິເຄາະສະຖານະການເວົ້າວ່າ ທ່ານນາງຢິ່ງລັກ ປະເຊີນກັບຂໍ້ຫຍຸ້ງຍາກຫລາຍຢ່າງ ເຊິ່ງລວມທັງການຄັດເລືອກເອົາຜູ້ເຂົ້າຮັບຕໍາແໜ່ງໃນ ຄະນະລັດຖະບານຂອງທ່ານນາງ. ພວກນັກສັງເກດການທາງການເມືອງເວົ້າວ່າ ທ່ານນາງກໍາລັງພິຈາລະນາເລືອກເອົາຄົນ​
ຈາກນອກພັກຂອງທ່ານນາງ ເພື່ອເຂົ້າຮັບຕໍາແໜ່ງທີ່ສໍາຄັນ ໃນກະຊວງການເງິນ, ກະ
ຊວງການຕ່າງປະເທດ ແລະກະຊວງປ້ອງກັນຊາດນັ້ນ.

ນັກລັດຖະສາດການເມືອງ ທ່ານທິທິນັນ ພົງສຸດທີ່ຣັກ ຈາກມະຫາວິທະຍາໄລຈຸລາລົງ
ກອນ ໃຫ້ຂໍ້ຄິດເຫັນວ່າ ລັດຖະບານຊຸດໃໝ່ປະເຊີນກັບ​ການ​ທ້າ​ທາຍຢ່າງຫລວງຫລາຍ
ໃນການຈັດ​ຕັ້ງປະຕິບັດໂຄງການຕາມນະໂຍບາຍຂອງຕົນ ພ້ອມທັງການ​ທ້າ​ທາຍຈາກ
ພວກທີ່ຄັດຄ້ານຕໍ່ທ່ານທັກສິນ ໃນເວລາທີ່ທ່ານກໍາອໍານາດຢູ່ນັ້ນນໍາ. ທ່ານເວົ້າ​ວ່າ:

ທ່ານນາງຢິ່ງລັກ ຊິນນະວັດ, ນາຍົກລັດຖະມົນຕີໃໝ່ຂອງໄທ ສະແດງ ຄວາມຂອບໃຈຕໍ່ຜູ້ຄົນ ຢູ່ໃນສະມາຊິກສະພາແຫ່ງຊາດໄທ, ວັນສຸກ ທີ 5 ສິງຫາ, 20
ທ່ານນາງຢິ່ງລັກ ຊິນນະວັດ, ນາຍົກລັດຖະມົນຕີໃໝ່ຂອງໄທ ສະແດງ ຄວາມຂອບໃຈຕໍ່ຜູ້ຄົນ ຢູ່ໃນສະມາຊິກສະພາແຫ່ງຊາດໄທ, ວັນສຸກ ທີ 5 ສິງຫາ, 20

"ຈະບໍ່ມີຊ່ວງ​ເວລາແຫ່ງການ
ດື່ມນໍ້າເຜີ້ງພະຈັນສໍາລັບທ່ານ
ນາງຢິ່ງລັກເລີຍ. ທ່ານນາງ
ຕ້ອງໄດ້ລົງມືລົງແຮງໃນທັນ
ທີ​ໂລດ. ມີຄໍາຖາມອັນມາກ
ມາຍຫລາຍຢ່າງ ແລະການ​
ທ້າ​ທາຍ​ຢ່າງ​ໃຫຍ່​ຫລວງປະ
​ເຊີນໜ້າທ່ານນາງຢູ່. ທ່ານ
ນາງຈະຕ້ອງໄດ້ເອົາຕົວອອກ
ຫ່າງ ​ແຕ່​ກໍຕ້ອງຮັກສາຄວາມ
ສໍາພັນ ທີ່ສາມາດເປັນໄປໄດ້
ກັບອ້າຍຂອງທ່ານນາງ, ອະ
ດີດນາຍົກລັດຖະມົນຕີ ທັກ
ສິນ ຊິນນະວັດທີ່ໄດ້ຖືກປົດ
ອອກຈາກອໍານາດນັ້ນ ແລະ
ພ້ອມດຽວກັນນັ້ນ ທ່ານນາງ
ຈະຕ້ອງຕອບສະໜອງຕໍ່ຂໍ້
ຮຽກຮ້ອງຫລາຍໆອັນ ທີ່ມີຕໍ່ທ່ານນາງອີກດ້ວຍ."


ທ່ານທິທິນັນເວົ້າວ່າ ຂໍ້ຮຽກຮ້ອງເຫລົ່ານັ້ນມີ ລວມທັງການເອົາ​ອົກເອົາ​ໃຈ​ພວກຂະບວນການ
ເສື້ອແດງ ທີ່ສະໜັບສະໜູນທ່ານທັກສິນ ຊຶ່ງສະມາຊິກຫລາຍຄົນໄດ້ຖືກເລືອກຕັ້ງໃຫ້ເຂົ້ານັ່ງ
ໃນສະພາ ແລະປະຕິບັດຕາມຄໍາສັນຍາທີ່ໄດ້ໃຫ້ໄວ້ໃນຕອນໂຄສະນາຫາສຽງເລືອກຕັ້ງນັ້ນ
ຊຶ່ງມີຮວມທັງການຂຶ້ນຄ່າແຮງງານຕໍ່າສຸດ ພ້ອມທັງຂຶ້ນລາຄາເຂົ້າໃຫ້ແກ່ຊາວນາອີກດ້ວຍ.

ແລ້ວກໍຍັງມີຄະດີສໍ້ລາດບັງຫລວງຕໍ່ທ່ານທັກສິນ ທີ່ຍັງຄ້າງຄາຢູ່ຫລາຍບັນຫາ. ໃນຂະນະ
ທີ່ຄະດີເຫລົ່ານີ້ຈະດໍາເນີນໄປໄດ້ ກໍຕໍ່ເມື່ອທ່ານທັກສິນໄດ້ກັບຄືນປະເທດໄທເທົ່ານັ້ນ, ພັກ
ເພື່ອໄທເວົ້າວ່າ ຕົນກໍາລັງພິຈາລະນາຮ່າງກົດໝາຍ ກ່ຽວກັບການນິລະໂທດກໍາ ສໍາລັບຜູ້
ທີ່ມີສ່ວນພົວພັນນໍາເຫດການຕ່າງໆທີ່ເກີດຂຶ້ນນັບຕັ້ງແຕ່ປີ 2006 ເປັນຕົ້ນມາ ທີ່ນັກວິເຄາະ
ທັງຫລາຍຕ່າງກໍເວົ້າວ່າ ການນິລະໂທດກໍານີ້ ມີຄວາມເປັນໄປໄດ້ຫລາຍ ທີ່ຈະໂຮມເອົາທ່ານ
ທັກສິນເຂົ້ານໍາ. ການດໍາເນີນບາດກ້າວດັ່ງກ່າວ ຊຶ່ງຈະເປັນການປູທາງໃຫ້ທ່ານທັກສິນໄດ້ກັບ
ຄືນປະເທດນັ້ນ ອາດສາມາດເປັນຊະນວນກໍ່ໃຫ້ເກີດການປະທ້ວງຈາກກຸ່ມທີ່ນິຍົມກະສັດ
ແລະຕໍ່ຕ້ານທ່ານທັກສິນ ຄັ້ງໃໝ່ຄືນອີກ.

XS
SM
MD
LG