ຕໍາຫລວດໄທໄດ້ຊ່ອຍກູ້ຊີວິດໂຕລິ່ນ ຈໍານວນເກືອບ 100 ໂຕ ຊຶ່ງເປັນສັດຢູ່ໃນຈໍາພວກ
ຖືກປົກປັກຮັກສາເຊື້ອພັນໄວ້ ທີ່ມີລາຄາແພງໃນຖານະເປັນອາຫານໂອຊາລົດໃນປະເທດ
ຈີນແລະຫວຽດນາມ.
ຕໍາຫລວດໄດ້ວາງສະແດງໃຫ້ຄົນເບິ່ງ ລິ່ນ 97 ໂຕທີ່ຖືກຊ່ອຍຊີວິດໄວ້ນັ້ນ ຊຶ່ງໄດ້ຖືກພົບ
ເຫັນໃນກົ້ນລົດກະບະຄັນນຶ່ງທີ່ພະຍາຍາມຫລີກລ່ຽງດ່ານກວດກາແຫ່ງນຶ່ງໃນພາກໃຕ້
ຂອງໄທໃນແລງວັນອາທິດວານນີ້. ຄົນຂັບລົດຄັນນີ້ໄດ້ຖືກຈັບໂຕໄວ້ແລ້ວ.
ເຈົ້າໜ້າທີ່ພາສີໄທຄົນນຶ່ງ ກ່າວວ່າ ພວກສັດທີ່ມີຮູບຮ່າງແປກປະຫລາດ ແຕ່ເປັນສັດທີ່
ເຊື່ອງບໍ່ດຸຮ້າຍເຫລົ່ານີ້ ແມ່ນໄດ້ຖືກລັກລອບອອກໄປຂາຍໃນປະເທດອື່ນໆເປັນປະຈໍາ
ເພື່ອໄປຂ້າເອົາຊີ້ນມັນ.
ບັນດາເຈົ້າໜ້າທີ່ກ່າວວ່າ ຊີ້ນລິ່ນນີ້ ສາມາດຂາຍໄດ້ລາຄາເຖິງ 350 ໂດລາຕໍ່ກີໂລ.
ລິ່ນເປັນສັດທີ່ມີເກັດແລະກິນມົດເປັນອາຫານນີ້ ແມ່ນຖືກປົກປັກຮັກສາໄວ້ພາຍໃຕ້ຂໍ້ຕົກ
ລົງນາໆຊາດທີ່ຄຸ້ມຄອງພວກສັດທີ່ໃກ້ຈະສູນພັນ.