ລິ້ງ ສຳຫລັບເຂົ້າຫາ

ປະເທດ ໄທ ຂີ່ລົດຖີບ ເປັນກຽດໃຫ້ແດ່ພະລາຊິນີ


ອົງ​ມົງກຸດ​ຂອງ ປ​ະ​ເທດ ​ໄທ ມະຫາ ວະຊິລາ​ລົງ​ກອນ ຂີ່ລົດຖີບໃນງານ “ຂີ່ລົດຖີບເພື່ອມານດາ” ໃນນະຄອນຫຼວງ ບາງກອກ. 16 ສິງຫາ, 2015.

ອົງ​ມົງກຸດ​ຂອງ ປ​ະ​ເທດ ​ໄທ ມະຫາ ວະຊິລາ​ລົງ​ກອນ ຂີ່ລົດຖີບໃນງານ “ຂີ່ລົດຖີບເພື່ອມານດາ” ໃນນະຄອນຫຼວງ ບາງກອກ. 16 ສິງຫາ, 2015.

ອົງ​ມົງກຸດ​ຂອງ ປ​ະ​ເທດ ​ໄທ, ​ໄດ້ປະກົດ​ຕົວ​ຕໍ່​ສາ​ທາ​ລະນະທີ່ບໍ່ ຄ່ອຍ​ເກີດ​ຂຶ້ນ ​ໄດ້​ນຳ​ພາ​ນັກ​ຂ່ີ​ລົ​ດຖີບ​ຫຼາຍ​ພັນ​ຄົນ​ຜ່ານ​ຖະໜົນ​ຫຼາຍ​ເສັ້ນ​ຂອງ​ນະຄອນຫຼວງ ບາງກອກ ​ໃນ​ວັນ​ທິດ​ມື້​ນີ້ ​ໃນ​ພິທີ​ຈັດ​ຂຶ້ນ​ເພື່ອສະ​ແດງ​ຄວາມ​ເຄົາລົບ​ຕໍ່​ມານ​ດາ​ຂອງ​ພະ​ອົງ, ລາຊິນີ
ຊິ​ຣິ​ກິດ ຄົບ​ຮອບ​ອາຍຸ​ 83 ພັນ​ສາ.

ອົງ​ມົງກຸດ ມະ​ຫາ ວະຊິລາ​ລົງ​ກອນ ​ເຊິ່ງມີ​ອາຍຸ 63 ພັນສາ, ​ໄດ້​ນຳ​ພາບັນ​ດາ​ນັກ​ຂ່ີ​ລົດຖີບ​ຜ່ານ​ຄຸ້ມ​ປະຫວັດສາດ​ຂອງ​ນະຄອນຫຼວງ ​ໃນ​ພິທີ​ສະ​ເຫຼີ​ມສະຫຼອງ “ຂີ່ລົດຖີບ​ເພື່ອ​ມານ​ດາ​”. ​ເຂົ້າ​ຮ່ວມກັບ ພະອົງກໍ​ມີ ນາຍົກລັດຖະມົນຕີ ປະຍຸດ ຈັນ​ໂອຊາ ​ແລະ ​ສະ​ມາ​ຊິກ​ຄົນ​ອື່ນໆ​ຂອງ​ລັດຖະບານ​ທະຫານ​ທີ່​ກຳລັງ​ປົກ​ຄອງ​ປະ​ເທດຢູ່.

ບັນ​ດາ​ນັກ​ວິຈານ​ກ່າວ​ວ່າ ພິທີ​ສະ​ເຫຼີ​ມສະຫຼອງ​ຂີ່​ລົດຖີບນີ້ ​ແມ່ນ​ໄດ້​ຖືກ​ອອກ​ແບບ​ເພື່ອ​ຟື້ນ​ຟູ​ພາ​ບພົດ​ຂອງ​ອົງ​ມົງກຸ​ດ ທີ່​ບໍ່​ຄ່ອຍ​ມັກ​ປະກົດໂຕ​ຕໍ່​ສາ​ທາ​ລະນະພໍ​ທໍ່​ໃດ.

ພິທີ​ດັ່ງກ່າວ​ເກີດ​ຂຶ້ນ​ໃນ​ເວລາ​ຂອງ​ຄວາມ​ເປັນ​ຫ່ວງ​ຢ່າງ​ຍິ່ງ​ກ່ຽວ​ກັບ​ຜູ້​ສືບ​ທອດ​ຕຳ​ແໜ່​ງ ລາດ​ຊະ​ບັນລັງ​ຂອງ ​ໄທ ​ແລະ ອະນາຄົດ​ຂອງ​ປະ​ເທດ.

​ເຈົ້າ​ຊີວິດ ພູ​ມິ​ພົນ ອະດຸນ​ຍາ​ເດດ ອາຍຸ 87 ​ແລະ ພະ​ມະເຫ​ສີ ​ອາຍຸ 83 ປີ​ແມ່ນ​ມີ​ສຸຂະພາບ​ທີີ່​ຊຸດ​ໂຊມ​ລົງ ​ແລະ ​ໄດ້​ຂາດ​ການ​ປະກົດ​ຕົວ​ຕໍ່​ສາທາລະນະ​ມາ​ເປັນ​ເວລາ​ຫຼາຍ​ປີ​ແລ້ວ.

ປີ​ກາຍ​ນີ້, ລັດ​ຖະບານ​ທະຫານ​ທີ່​ປົກ​ຄອງປະ​ເທດ​ໃນ​ປະຈຸ​ບັນ ​ໄດ້ຍຶດ​ເອົາ​ອຳນາດ​ຈາກ​ລັດຖະບານ​ທີ່​ໄດ້​ຖືກ​ເລືອກ​ຕັ້ງ​ຂຶ້ນ ​ໃນ​ການ​ກໍ່​ລັດຖະປະຫານ​ທີ່ບໍ່​ມີ​ເລືອດ​ຕົກ​ຢາງ​ອອກ.

ສະແດງຄວາມເຫັນໃຫ້ເບິ່ງ

XS
SM
MD
LG