ລິ້ງ ສຳຫລັບເຂົ້າຫາ

ພວກປະທ້ວງ ຢູ່​ໄທ ສ້າງກຳແພງ ຊີມັງ ອ້ອມຕຶກ ທຳນຽບ ລັດຖະບານ (ວີດີໂອ)


ພວກ​ປ​ະທ້ວງ ​ສ້າງ​ກຳແພງ​​ຊິ​ມັງຂຶ້ນ ​​ເພື່ອ​ຕັນທາງ​ເຂົ້າສູ່ ທໍານຽບລັດຖະບານ ​ທີ່ຕັ້ງ​ຂອງ​ຫ້ອງການ ​ຂອງນາຍົກລັດຖະມົນຕີ ທ່ານ​ນາງ ຍິ່ງ​ລັກ ຊິນນະ​ວັດ

ພວກ​ປ​ະທ້ວງ ​ສ້າງ​ກຳແພງ​​ຊິ​ມັງຂຶ້ນ ​​ເພື່ອ​ຕັນທາງ​ເຂົ້າສູ່ ທໍານຽບລັດຖະບານ ​ທີ່ຕັ້ງ​ຂອງ​ຫ້ອງການ ​ຂອງນາຍົກລັດຖະມົນຕີ ທ່ານ​ນາງ ຍິ່ງ​ລັກ ຊິນນະ​ວັດ

ທີ່​ປະ​ເທດໄທ ພວກ​ປະ​ທ້ວງຫລາຍ​ພັນ​ຄົນ ​ພາກັນ​ອ້ອມຕຶກ
ຫ້ອງ​ວ່າການ​ລັດຖະບານ ຢູ່​ໃນ​ເມືອງ​ຫລວງບາງກອກ ໃນ
ການ​ທ້າ​ທາ​ຍກັບຕຳຫລວດ ​ທີ່​ໄດ້​ສັນຍາ​ວ່າ​ຈະເຂົ້າ​ຍຶດ​ເອົາ​
ພື້ນ​ທີ່​ດັ່ງກ່າວຄືນ​ມາ​ຈາກພວກ​ປະ​ທ້ວງ​ທີ່ໄດ້​ພາກັນຍຶດຄອງ
ຢູ່​ມາ​ໄດ້​ຫລາຍ​ອາທິດ​ແລ້ວ​ນັ້ນ.

ພວກ​ປ​ະທ້ວງ ​ໄດ້​ສ້າງ​ກຳແພງຊິ​ມັງຂຶ້ນ ​ໃນ​ວັນ​ຈັນ​ມື້​ນີ້ ​ເພື່ອ​
ຕັນທາງ​ເຂົ້າສູ່ທຳນຽບລັດຖະບານ ​ທີ່ຕັ້ງ​ຂອງ​ຫ້ອງການ​ຂອງ
ນາຍົກລັດຖະມົນຕີ ທ່ານ​ນາງ ຍິ່ງ​ລັກ ຊິນນະ​ວັດນັ້ນ. ​ແຕ່​ວ່າ
ນາຍົກລັດຖະມົນຕີ ​ໄດ້​ຖືກ​ບັງຄັບ​ໃຫ້​ນຳພາ ລັດຖະບານ​ຮັກ
ສາການ​ຂອງ​ທ່ານ​ນາງ​ແລະ​ບໍລິຫານ​ປະ​ເທດຈາກ​ແຫ່ງ​ອື່ນໆ
ຫລາຍ​ແຫ່ງຢູ່​ທົ່ວ​ເມືອງ.

ຕຳຫລວດ​ປາບ​ປາມ​ຈາລະ​ຈົນ ​ໄດ້​ເລີ້ມ​ປະຕິບັດງານ​ໃນ​ວັນ​ສຸກຜ່ານ​ມາ​ເພື່ອ​ກວດ​ລ້າງ​ຫຼາຍໆ
ເຂດຂອງບາງກອກ ບ່ອນ​ທີ່​ພວກປະ​ທ້ວງຕໍ່​ຕ້ານ​ລັດຖະບານ​ໄດ້​ຕັ້ງ​ຄ້າຍ​ມາ​ເປັນ​ເວລາ​ຫລາຍ​ອາທິດ.

ຕຳຫລວດ ທີ່​ຖື​ໄມ້ຄ້ອນ ​ໄດ້ມ້າງ​ເພ​ຕູບ​ຜ້າໃບ ແລະ​ສິ່ງ​ກີດຂວາງ​ຕ່າງໆ ທີ່ພວກ​ປະ​ທ້ວງ​ໄດ້​ຕັ້ງ​ຂຶ້ນ ແລະ​ໄດ້ເຕືອນ​ພວກ​ປະ​ທ້ວງ ​ທາງ​ໂທລະ​ໂຄ່ງ ບໍ່ໃຫ້ຂັດ​ຂືນ.

​ເດືອນ​ແລ້ວ​ນີ້ ທາງ​ການ​ໄທ ​ໄດ້​ປະກາດ​ພາວະ​ສຸກ​ເສີນ ​ແລະ​ໄດ້​ອອກ​ໝາຍ​ຈັບ ພວກ​ຜູ້​ນຳປະ ທ້ວງ​ຫລາຍ​ໆຄົນ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG