ກະສັດ ພູມິພົນ ອາດຸລຍະເດດ ຂອງປະເທດໄທ ທີ່ຊົງປະຊວນ
ຢູ່ນັ້ນ ໄດ້ຍົກເລີກແຜນ ທີ່ຈະສະເດັດອອກປາກົດ ພະວໍລະກາຍ
ໃຫ້ປະຊາຊົນ ໄດ້ເຫັນ ເນື່ອງໃນຂີດໝາຍວັນຄ້າຍວັນປະສູດ ຫຼື ວັນສະເຫລີມພະຊົນພັນສາຄົບຮອບ 87 ປີຕາມຄຳແນະນຳໂດຍ
ບັນດາທ່ານໝໍຂອງພະອົງ.
ການຍົກເລີກການປາກົດພະວໍລະກາຍ ໃນວັນສຸກມື້ນີ້ ໄດ້ເຮັດ
ໃຫ້ຫຼາຍພັນຄົນ ຜູ້ທີ່ຈົ່ງຮັກພັກດີ ທີ່ໄດ້ຕັ້ງຄ້າຍຢູ່ນອກໂຮງໝໍ
ສີຣິຣາດ ໃນນະຄອນຫລວງບາງກອງນັ້ນ ເພື່ອຫວັງ ທີ່ຈະໄດ້ມອງ
ເຫັນພະອົງ ຊຶ່ງເປັນກະສັດທີ່ປົກຄອງປະເທດ ດົນນານທີ່ສຸດ
ໃນໂລກ ພາກັນເສຍອົກເສຍໃຈ.
ວັນຄ້າຍວັນປະສູດ ຂອງພະອົງ ທີ່ຊາວໄທເອີ້ນກັນວ່າ “ວັນພໍ່” ນັ້ນ ແມ່ນເປັນວັນພັກ
ແຫ່ງຊາດ. ພະອົງຊົງອອກມາປາກົດໂຕ ຕໍ່ສາຍຕາມວນຊົນ ຕາມປະເພນີສະເໝີ ແລະ
ຊົງໃຫ້ພະໂອວາດສັ້ນໆ ແກ່ຝຸງຊົນຂອງພະອົງ.