ລິ້ງ ສຳຫລັບເຂົ້າຫາ

ພວກສະ​ໜັບສະ​ໜຸນ ແລະຕໍ່ຕ້ານ ລັດຖະບານໄທ ໂຮມ​ຊຸມນຸມ​ ທີ່ບາງກອກ (ສະໄລດ໌/ວີດີໂອ)


ພວກສະ​ໜັບສະ​ໜຸນ ນາຍົກ​ລັດຖະມົນຕີ ຍິ່ງ​ລັກ ຊິນນະ​ວັດ
ທີ່ຖືກປົດ​ອອກຈາກຕຳແໜ່ງ ຫຼາຍພັນ​ຄົນ ໄດ້ຫຼັ່ງ​ໄຫຼ ​ໄປໂຮມ
ຊຸມນຸມກັນໃນເຂດ ພາກ​ຕາ​ເວັນ​ຕົກຂອງ​ບາງກອກ ​ໃນວັນເສົາ
ມື້​ນີ້ ​ເພື່ອ​ຕ້ານ​ຢັນກັບ ການ​ເດີນຂະບວນປະທ້ວງ ​ຂອງພວກຕໍ່
ຕ້ານ​ລັດຖະບານ​ ທີ່​ກຳລັງ​ຮຽກຮ້ອງ​ ໃຫ້​ຈັດຕັ້ງລັດ​ຖະບານ​ ໂດຍ​
ບໍ່​ຜ່ານ​ການ​ເລືອ​ກ​ຕັ້ງ.

ການໂຮມ​ຊຸມນຸມ​ຂະໜາດໃຫຍ່ໃນຄັ້ງນີ້ ມີ​ຂຶ້ນນຶ່ງມື້ ຫຼັງຈາກພວກ
ປະທ້ວງຕໍ່​ຕ້ານ​ລັດຖະບານ ​ໄດ້​ບຸກ​ເຂົ້າ​ໄປ ເພື່ອ​ພະຍາຍາມຢຶດ​
ເອົາ ສະຖານີ​ໂທລະ​ພາບ​ຕ່າງໆ ​ແລະ ອາຄານໂຮງການລັດຖະ
ບານຫຼາຍໆ​ແຫ່ງ​ ໃນບາງກອກ ໃນອັນທີ່​ພວກ​ເຂົາ​ເອີ້ນ​ວ່າ “ການ​ເຄື່ອນໄຫວ ຄັ້ງສຸດ​ທ້າຍ ຫຼື final push” ​ເພື່ອ​ຂັບ​ໄລ່ ລັດຖະບານ ທີ່​ໄດ້​ຮັບເລືອກ ແບບ​ປະຊາທິປະ​ໄຕ​.

ຕຳຫລວດ​ປາບ​ຈາລະ​ຈົນ ​ໄດ້​ໃຊ້​ແກັສນ້ຳຕາ ​ແລະທໍ່ສີດນ້ຳຂະໜາດ​ໃຫຍ່ ສີດໃສ່ເພື່ອ
ຂັບໄລ່ ພວກ​ປະທ້ວງ​ ທີ່​ພະຍາຍາມ​ຈະບຸກເຂົ້າ​ໄປ​ໃນ​ຕຶກ ອົງການ​ປ້ອງ​ກັນ​ຄວາມ​ປອດ​ໄພ​ຂອງ​ລັດຖະບານ.

ພວກ​ປະ​ທ້ວງທັງສອງກຸ່ມ​ດັ່ງກ່າວ​ ໄດ້​ຕັ້ງຫຼັກຢູ່​ຫ່າງ​ກັນ​ຫຼາຍກິ​ໂລ​ແມັດ ສະນັ້ນ ຫວັງ​ວ່າ ຄົງຈະບໍ່​ມີ​ຄວາມ​ຮຸນ​ແຮງ​ເກີດ​ຂຶ້ນ ​ໃນວັນເສົາ​ມື້​ນີ້.

ໃນມື້ວັນພຸດຜ່ານມານີ້ ສານ​ລັດຖະທຳ​ມະນູນ ​ໄດ້​ຕັດ​ສິນ​ປົດ ທ່ານ​ນາງ ຍິ່ງ​ລັກ ​ແລະ
ສະມາຊິກໃນຄະນະ​ລັດຖະບານ​ ຂອງທ່ານ​ນາງ 9 ຄົນ ອອກ​ຈາກ​ຕຳ​ແໜ່​ງ ​ໃນ​ຄະດີ​ນຶ່ງ
ທີ່​ພົວພັນ​ກັບ​ການ​ແຕ່ງ​ຕັ້ງ ລັດ​ຖະ​ກອນອະວຸ​ໂສ​ຄົນ​ນຶ່ງ.

ກຸ່ມຕໍ່ຕ້ານລັດຖະບານ ໄດ້ຟັງຄຳປາໄສ ຂອງ ທ່ານ ສຸເທບ ເທືອກສຸບັນ ຊຶ່ງເປັນຜູ້ນຳຕໍ່ຕ້ານລັດຖະລານ.

ກຸ່ມຕໍ່ຕ້ານລັດຖະບານ ໄດ້ຟັງຄຳປາໄສ ຂອງ ທ່ານ ສຸເທບ ເທືອກສຸບັນ ຊຶ່ງເປັນຜູ້ນຳຕໍ່ຕ້ານລັດຖະລານ.


ລັດຖະບານ​ໃນປັດຈຸບັນ ​ແມ່ນ​ນຳພາໂດຍ ນາຍົກ​ລັດຖະມົນຕີ
ຮັກສາການຊົ່ວຄາວ ຄື​ ທ່ານນິວັດ​ທຳ​ຣົງ​ ບຸນ​ສົງ​ໄພ​ສານ ຊຶ່ງ
ເປັນລັດຖະມົນຕີການຄ້າ ທີ່ມີຄວາມສຳພັນໃກ້ຊິດ​ ກັບທ່ານ​ນາງ
ຍິ່ງ​ລັກ ​ແລະ ອ້າ​ຍ ຂອງ​ນາງ​ ຜູ້​ທີ່​ມີ​ອິດ​ທິພົນ ຄື ອະດີດນາຍົກ​
ລັດຖະມົນຕີ ທັກສິນ ຊິນນະ​ວັດ.

​ເຖິງ​ແມ່ນ​ວ່າ​ ມີ​ການ​ຕັດສິນໄປ​ແລ້ວ​ກໍ່ຕາມ ພວກ​ປະ​ທ້ວງຫຼາຍ
ຄົນ​ ຍັງ​ບໍ່​ມີ​ຄວາມ​ພໍ​ໃຈ ຍ້ອນ​ວ່າ ລັດຖະບານ​ ຂອງ​ທ່ານ​ນາງ
ຍິ່ງລັກ ຈຳນວນ​ຫຼາຍຄົນ ທີ່ຍັງ​ຄົງ​ຮັກສາ​ຕຳ​ແໜ່​ງຢູ່ຕໍ່ໄປນັ້ນ.

ຄະນະ​ກຳມະການ ​ຕໍ່ຕ້ານ​ການ​ທຸ​ຈະລິດ ​ຄໍຣັບຊັ່ນ​ຂອງ​ໄທ ​ໄດ້​ຕັດສິນຕື່ມ​ອີກ ໃນວັນພະຫັດ
ຜ່ານມານີ້ວ່າ ມີຫຼັກຖານ​ພຽງພໍທີ່​ຈະຟ້ອງທ່ານ​ນາງ ຍິ່ງ​ລັກ ​ໃນຖານ​ພົວພັນ​ກັບໂຄງການ
​ຈຳນຳ​ເຂົ້າ​ ທີ່​ເປັນ​ບັນຫາ​ ໂຕ້​ແຍ້​ງກັນນັ້ນ ຊຶ່ງ​ພວກຕຳໜິຕິຕຽນ​ກ່າວ​ວ່າ ​ໂຄງການດັ່ງກ່າວ
​ເຕັມ​ໄປ​ດ້ວຍ​ການ​ທຸ​ຈະລິດ ​ແລະ ສິ້ນເປືອງເງິນລັດຖະບານ ຫຼາຍລ້ານ​ດອນ​ລາ.
XS
SM
MD
LG