ລິ້ງ ສຳຫລັບເຂົ້າຫາ

ລັດເທັກຊັສ ຍົກເລີກ ການກີດກັ້ນ ຕໍ່ການຕັ້ງຖິ່ນຖານ ຂອງ ອົບພະຍົບຊີເຣຍ


ອົບພະຍົບຊີເຣຍ ທ້າວ Mohammad word al Jaddou, ຢືນຢູ່ຕໍ່ໜ້າ ອ້າຍເອື້ອຍນອ້ງຂອງລາວ ທີ່ເມືອງ Dallas ລັດ Texas.

ອົບພະຍົບຊີເຣຍ ທ້າວ Mohammad word al Jaddou, ຢືນຢູ່ຕໍ່ໜ້າ ອ້າຍເອື້ອຍນອ້ງຂອງລາວ ທີ່ເມືອງ Dallas ລັດ Texas.

ລັດ​ Texas ​ໃນ​ວັນ​ສຸກ​ວານ​ນີ້ ​ໄດ້​ຍົກ​ເລີກການ​ທ້າ​ທາຍ​ດ້ານ​
ກົດໝາຍ ຕໍ່ ກະຊວງ​ຕ່າງປະ​ເທດສະຫະລັດ ​ແລະ​ຄະນະ​ກຳ
​ມະ​ການ​ກູ້​ໄພສາກົນ ຫຼື IRC ກ່ຽວ​ກັບ​ການ​ຕັ້ງ​ຖິ່ນຖານໃໝ່
ຂອງອົບ​ພະ​ຍົບຊີ​ເຣຍ ຢູ່​ໃນ​ລັດ ດັ່ງກ່າວ. ຫົວໜ້າ​ພະ​ແນ​ກ
​ຍຸຕິ​ທຳຂອງ​ລັດ ທ່ານ Ken Paxton ກ່າວ​ວ່າ ທາງລັດແ​ມ່ນ
ມີຄວາມ​ພໍ​ໃຈ ທີ່​ລັດຖະບານ​ກາງ ​ໄດ້​ຄໍ້າປະກັນການ​ຮ່ວມມື​
ແລະ​ແບ່ງປັນຂໍ້​ມູນ​ກ່ຽວ​ກັບ​ອົບ​ພະຍົບທີ່​ຈະ​ຖືກ​ສົ່ງ​ໄປ​ຍັງ​
ລັດ​ຂອງ ຕົນ.

ບັນດາ​ຜູ້​ຊ່ຽວຊານ​ດ້ານ​ກົດໝາຍ ​ບໍ່ມີ​ຄວາມ​ແປ​ກ​ໃຈ​ກ່ຽວ​
ກັບການ​ເຄື່ອນ​ໄຫວ​ດັ່ງກ່າວ ​ເນື່ອງຈາກ​ວ່າ ລັດບໍ່​ມີ​ສິດອຳ
ນາດ​ກ່ຽວ​ກັບ​ເລື້ອງຄົນ​ເຂົ້າ ​ເມືອງ ຫລືກາ​ນຕັ້ງ​ຖິ່ນ​ຖານ​ໃໝ່ຂອງອົບ​ພະຍົບ ​ແລະ​ລັດຖະ
ບານ​ກາງ ​ໄດ້ແຈ້ງໃຫ້​ທາງ​ລັດຊາບກ່ຽວກັບ​ ຂັ້ນຕອນ​ການ​ຄັດ​ເລືອກ​ເອົາ​ອົບ​ພະຍົບ​ ແລະ
​ໂຄ​ງການຕັ້ງ​ຖິ່ນ​ຖານ. ທ່ານ Michael Olivas ສາ​ດສະດາຈານ​ກົດໝາຍ​ທີ່​ໂຮງຮຽນ
​ກົດໝາຍ​ຂອງມະຫາວິທະຍາ​ໄລ Houston ກ່າວ​ວ່າ ລັດຖະບານ​ກາງມີອຳນາດ​ພິ​ເສດ
ກ່ຽວ​ກັບເລື້ອງ​ເຫລົ່າ​ນີ້.

ທ່ານ​ກ່າວ​ວ່າ “ມັນ​ຄວນ​ມີ​ການ​ປຶກສາ​ກັນ ດັ່ງ​ດຽວ​ກັນໃນ​ປະຕິບັດ​ກັບ​ລັດ​ຕ່າງໆ. ແຕ່
ການ​ຕັດສິນ​ໃຈຂັ້ນ​ສຸດ​ທ້າຍແລະ​ທາງ​ເລືອກຕ່າງໆ​ແມ່ນລັດຖະບາ​ນກາງ​ ເປັນ​ຜູ້​ເຮັດ.
ລັດ ມີ​ບົດບາດ​ນ້ອຍ​ດຽວ ທີ​ຈະ​ຫລີ້ນກ່ຽວ​ກັບ​ເລື້ອງ​ນີ້.”

XS
SM
MD
LG