ລິ້ງ ສຳຫລັບເຂົ້າຫາ

ທາງການ ເທັກຊັສ ກ່າວວ່າ ບໍ່ໃຫ້ສາສະໜາ ມາຂັດຂ້ອງກັບ ການແຕ່ງງານ ຂອງເພດດຽວກັນ


ທ້າວ Carlos McKnight ຈາກ Washington ໂບກທຸງໄປມາ ເພື່ອເປັນການສະໜັບສະໜູນ ການແຕ່ງງານເພດດຽວກັນ ຢູ່ນອກສານສູງສຸດ ໃນນະຄອນຫຼວງ Washington, 26 ມິຖຸນາ 2015.

ທ້າວ Carlos McKnight ຈາກ Washington ໂບກທຸງໄປມາ ເພື່ອເປັນການສະໜັບສະໜູນ ການແຕ່ງງານເພດດຽວກັນ ຢູ່ນອກສານສູງສຸດ ໃນນະຄອນຫຼວງ Washington, 26 ມິຖຸນາ 2015.

ລັດຖະມົນຕີ​ຍຸດຕິ​ທຳ​ຂອງ​ລັດ ​ເທັກ​ຊັສ ທາງ​ພາກ​ໃຕ້​ຂອງ
​ສະຫະລັດ ກ່າວ​ວ່າ ບັນດາ​ພະນັກງານ​ຫ້ອງການສານ ​ແລະ
ຜູ້​ພິພາກສາ ​ບໍ່​ຈຳ​ເປັນ​ຕ້ອງ​ອອກ​ໃບ​ອະນຸຍາດ​ການ​ແຕ່ງ​ງານ ​ຫຼື
ປະກອບ​ພິທີແຕ່ງ​ງານ ​ໃຫ້​ພວກ​ຮັກ​ເພດ​ດຽວ​ກັນ ຖ້າ​ພວກ​ເຂົາ​ມີ​
ຂໍ້​ຂັດຂ້ອງ​ທາງ​ສາສະໜາ, ຫຼັງ​ຈາກການ​ຕັດສິນ​ຂອງ​ສານ​ສູງ​ສຸດ
ສະຫະລັດ​ ໃນ​ສັບປະດາຜ່ານ​ມາ ​ ທີ່​ຮັບ​ຮູ້​ສິດທິ​ໃນ​ການ​ແຕ່ງງານ​
ຂອງ​ບັນດາ​ຜູ້​ຮັກຄົນ​ເພດດຽວ​ກັນ ​ຢູ່​ທຸກ​ແຫ່ງ​ໃນ​ທົ່ວປະ​ເທດ.

​ໃນ​ໜັງສື​ສະ​ບັບໜຶ່ງ ຂຽນ​ຫາ ຮອງ​ຜູ້​ວ່າການ​ລັດ ທ່ານ Dan
Patrick ​ໃນວັນ​ອາທິດ​ວານ​ນີ້, ລັດ​ຖະມົນຕີ​ຍຸດຕິ​ທຳ​ Ken
Paxton ກ່າວ​ວ່າ ການ​ຕັດສິນ​ 5 ຕໍ່ 4 ຂອງ​ສະພາ​ສູງ ບໍ່​ໄດ້​ລົບ​ລ້າງ​ “ສິດ​ທິ​ໃນ​ການ​ຊົມ​ໃຊ້
ເສລີພາບ​ຂອງ​ສາສະໜາ” ທີ່​ອະນຸມັດ​ໃຫ້​ໂດຍລັດຖະທຳ​ມະນູນນັ້ນ.

ທ່ານ​ຂຽນ​ວ່າ ບັນ​ດາ​ພະນັກງານ​ຮັບຜິດ​ຊອບ​ ການ​ອອກ​ໃບອະນຸຍາດ​ການ​ແຕ່​ງງານ ​ແມ່ນມີ
ອິ​ດສະ​ຫຼະ ທີ່​ຈະ​ມອບ​ວຽກ​ນັ້ນ​ໃຫ້ບັນດາ​ຜູ້​ຊ່ວຍ ​ເຮັດ​ແທນ, ​ແທນ​ທີ່​ຈະ​ຖືກ​ບັງຄັບ​ໃຫ້​ລະເມີດ​
ຄວາມ​ເຊື່ອ​ຖື​ສາ​ສະໜາ​ຂອງ​ພວກ​ເຂົາ​ເອງ. ເຊັ່ນ​ດຽວກັນ, ບັນດາ​ຜູ້​ພິພາກສາ ກໍ​ບໍ່​ຄວນ​ທີ່​ຈະ ຖືກຮຽກ​ຮ້ອງໃຫ້ປະກອບ​ພິທີ​ແຕ່ງງາ​ນ​ໃຫ້​ຄົນ​ເພດ​ດຽວ​ກັນ, ​ເພາະວ່າ​ມີ​ຄົນອື່ນໆ ລວມ
ທັງ​ນັກ​ບວດ ສາສະໜາ​ຄຣິສ​ແລະຍິວ ​ແລະ​ເຈົ້າ​ໜ້າ​ທີ່​ຄົນ​ອື່ນໆ ທີ່​ໄດ້​ຮັບ​ອະ​ນຸຍາດ​ໃຫ້ເຮັດ
ໜ້າ​ທີ່ນັ້ນ​ໄດ້ ​ຢ່າງ​ຖືກ​ກົດໝາຍ.

ບັນຫາເລື້ອງການແຕ່ງງານ ຂອງຄົນເພດດຽວກັນ ຢູ່ເກົາຫລີໃຕ້:

ສະແດງຄວາມເຫັນໃຫ້ເບິ່ງ

XS
SM
MD
LG