ລິ້ງ ສຳຫລັບເຂົ້າຫາ

ສະບາຍດີທຸກໆທ່ານແລະພົບກັນອີກຕາມເຄີຍ ພ້ອມກັບເພງ
ມ່ວນໆໃນທຸກໆຄໍ່າຄືນວັນອາທິດ ຫັວງວ່າຄົງມີຫຼາຍໆທ່ານໄດ້
ເຂົ້າໄປຮັບຊົມ ຮັບຊົມຮັບຟັງໃນ website ໃໝ່ຂອງພວກເຮົາ
ແລະເພງ ດ້ວຍຮັກທີ່ຜູກພັນ ທີ່ປະພັນໂດຍເຈົ້າ ຄໍາຜາຍ
ກຸນລະວຸດ ແລະໄດ້ສິນລະປິນຄຸນນະພາບ ສາວລາວຈາກຝຣັ່ງ
ເຕ ສັກດາ ມາຂັບຮ້ອງ ຂໍມອບໃຫ້ຜູ້ຟັງທີ່ຝາກຂໍ້ຄວາມໄວ້ໃນ
website ທີ່ປະສົງບໍ່ອອກນາມ ຈາກວຽງຈັນ ທີ່ວ່າ ມັກເພງລາວ
ມັກຮັກສຽງແຄນລາວ ແລະຍັງບອກມາອີກວ່າ ສະຖານວິທະຍຸ
VOA ນີ້ດີຫຼາຍ ເພາະສະນັ້ນ ກໍຂໍມອບເພງນີ້ໃຫ້ແທນຄໍາຂອບ
ໃຈລະກັນ ແລະຫັວງວ່າ ຄົງຈະຂຽນຂໍ້ຄວາມຝາກໄວ້ອີກ.
ເພງ: ດ້ວຍຮັກທີ່ຜູກພັນ - ເຕ ສັກດາ

ຄູນ ສັກດາ
ຄູນ ສັກດາ
ວັນນະສອນ ຂໍເເນະນໍາຜົນງານເພງດີໆ ທີ່ປະພັນໂດຍ
ເຈົ້າຄໍາຜາຍ ກຸນລະວຸດ ໃຫ້ເຟັງອີກຕື່ມເພງນຶ່ງ ແຕ່ໃຫ້ສິນ
ລະປິນ ຄູນ ສັກດາຂັບຮ້ອງ ທີ່ມີນໍ້າສຽງແລະລີລາບໍ່ແພ້ຜູ້
ເປັນເອື້ອຍ ເຕ ສັກດາໃນບົດເພງ ຂໍນ້ອງຈົ່ງຄອຍ ຂໍມອບໃຫ້
ເພັດສະຄາດ ຊໍໄຜ່ໝາມຈາກວຽງຈັນ ທີ່ຂຽນຂໍ້ຄວາມໄວ້ໃນ
website ວ່າ ດີໃຈທີ່ໄດ້ອ່ານພາສາລາວແລະກໍບໍ່ຊາບວ່າ
website VOA ນີ້ ຄືສະຖານີວິທະຍຸຂອງລັດຖະບານສະຫະ
ລັດ ທີ່ມີ 40 ກວ່າພາສາ ແລະພະແນກພາສາລາວນີ້ກໍມີມາ
ໄດ້ 50 ປີແລ້ວ ຕໍ່ໄປຄົງຈະເຫັນຜູ້ຟັງ ເພັດສະຄາດນີ້ ຕິດຕາມ
ຮັບຟັງອີກໄປອີກ 50 ປີ ພຸ້ນລະ.
ເພງ: ຂໍນ້ອງຈົ່ງຄອຍ - ຄູນ ສັກດາ

ມາລີຈັນສຸກ
ມາລີຈັນສຸກ
ຜົນງານປະພັນເພງຂອງເຈົ້າຄໍາຜາຍ ແມ່ນມີ ຫຼາກຫຼາຍ ແລະ
ແຕ່ງໄດ້ກິນໃຈ ແລະກໍໄດ້ມີຫຼາຍໆສິນລະປິນນໍາເອົາມາຂັບຮ້ອງ
ແລະເພງທຽນໃກ້ສິ້ນແສງ ທີ່ ມາລີຈັນສຸກ ນໍາມາຂັບຮ້ອງນີ້ ກໍ
ເປັນອີກເພງທີ່ກິນໃຈ ຂໍມອບໃຫ້ແກ່ ຜູ້ທີ່ມີໃຈງາມ ປຽບດັ່ງແສງ
ທຽນ ທີ່ໄດ້ມອບແສງສະຫວ່າງໃຫ້ຜູ້ອື່ນ ເຖິງແມ່ນວ່າຕົວເອງຈະ
ຖືກເຜົາຜານກໍຕາມ. ຫວັງວ່າທ່ານຜູ້ຟັງຄົງຈະພໍໃຈໃນບົດເພງນີ້
ທີ່ສິນລະປິນຄົນເກັ່ງ ນໍ້າສຽງອໍາມະຕະຂອງລາວຄົນນຶ່ງໄດ້ຖ່າຍ
ທອດອອກມາ ເປັນເພງໃຫ້ພວກເຮົາໄດ້ຮັບຟັງກັນ.
ເພງ: ທຽນໃກ້ສິ້ນແສງ -ມາລີຈັນສຸກ
XS
SM
MD
LG